MACAAFA FAARFANNAA 54
54
Kadhata Nama Rakkina Keessa Jiruu
(Geggeessituu warra faarfatootaaf; mi'a ribuu qabuun faarfatame; mararoo Daawit isa yeroo warri Ziif dhaqanii,<<Daawit nu bira dhokatee jira>> jedhanii Saa'olitti himan faarfatamee dha)
1Yaa Waaqayyo, maqaa keetiin ati na oolchi,
aangoo keetiinis dhugaa anaaf baasi!
2Kadhata koo dhaga'i, yaa Waaqayyo,
dubbii ani afaan kootiin sitti himadhus dhaggeeffadhu!
3Namoonni ormaa ana irratti ka'aniiru,
warri nama sodaachisanis
jireenya koo balleessuu in barbaadu;
isaan Waaqayyoon of dura hin buufanne.
4Kunoo, Waaqayyo gargaaraa koo ti,
gooftichi irkisaa jireenya kootii ti.
5Wanti hamaan
warra ija diinummaatiin na ilaalanitti haa deebi'u;
ati amanamaa waan taateef isaan fixi*!#5 34:21; Rom 12:17-21
6Ani jaalala kootiin aarsaa siif nan dhi'eessa,
yaa gooftaa, ani maqaa kee isa gaariidhaaf
galata nan galcha*!
7Ati rakkina hundumaa keessaa waan na baafteef,
iji koo gammachuudhaan
diinota koo of jalatti in ilaala.#6 50:23
Currently Selected:
MACAAFA FAARFANNAA 54: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
