MACAAFA FAARFANNAA 52
52
Wanta Dhuma Irratti Nama Dira'aa Eeggatu
(Geggeessituu warra faarfatootaaf; kun mararoo Daawit isa yeroo Do'eeg namichi Edoom dhufee,<<Daawit gara mana Ahiimelek dhufeera>> jedhee Saa'olitti hime faarfatamee dha)
1Gaarummaan Waaqayyoo guyyaa hundumaa achuma jira;
ati immoo yaa nama dira'aa,
hamaa hojjechuu keetiin maaliif of jajja ree>>
2Yaa isa haxxummaadhaan hojjettuu,
itti yaaddee wanta badiisaa in qopheessita;
arrabni kee akka qarabaa qaramaa dha.
3Ati wanta gaarii caalaa wanta hamaa,
dhugaa dubbachuu caalaas soba in jaallatta.
4Yaa arraba haxxumaa dubbattuu,
ati dubbii badiisaa in jaallatta*.#4 109:2
5Waaqayyo garuu yeroo hundumaaf
gad si cabsuuf jira;
godoo kee keessaa butee si baasuuf jira;
biyya warra jiraatoo keessaas hundeedhaan si buqqisa*.
6Warri qajeelonni kana arganii in sodaatu,
namichatti garuu kolfaa in dubbatu,
7<<Ilaa namicha isa Waaqayyoon
da'oo isaa hin godhanne,
qooda kanaa baay'ina sooruma isaa amanatee,
badiisa fiduu isaatiinis jabaa of se'e>> in jedhu*.#5 1:4-5 7 49:6-7
8Ani garuu akka muka ejersaa,
isa mana Waaqayyoo keessatti lalisaa guddatuu ti;
yeroo hundumaas bara baraan
gaarummaa Waaqayyo nan amanadha*.
9Ati kana waan gooteef,
ani yeroo hundumaa galateeffachaa sin jajadha;
namoota siif of kennan durattis,
maqaa kee isa gaarii abdiidhaan nan waammadha.#8 92:13-15
Currently Selected:
MACAAFA FAARFANNAA 52: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
