MACAAFA FAARFANNAA 51
51
Dhiifamuu Cubbuu Fi Haareffamuu Yaadaaf Kadhachuu
(Geggeessituu warra faarfatootaaf; faarfannaa Daawit; sababii inni Baatsheebaa bira ga'eef Naataan raajichi isa bira dhufee erga itti dubbatee booddee, isa inni faarfatee dha)
1Yaa Waaqayyo, akka gaarummaa keetti
araara anatti argisiisi!
Akka oo'a kee isa guddaatti
irra-daddarbaa koo haxaa'ii balleessi*!
2Yakka koo raawwadhu ana irraa dhiqi,
cubbuu koottiis ana qulleessi*!#1 Luq 18:13 2 51:9
3Anoo irra-daddarbaa koo beeka,
cubbuun koos gaafa hundumaa ija koo dura jira*;
4ani si yakkeera, si'uma duwwaan yakkes,
wanta ija kee duratti hamaa ta'es hojjedheera;
ati immoo dubbii ana irratti dubbatteen qajeelaa,
firdii faraddeenis qullaa'aa ta'uun kee in beekama*.
5Kunoo, haati koo isheen garaatti na baatte iyyuu
cubbamtuu turte,
anis yakkaa ta'ee nan dhaladhe*.#3 32:5 4 Rom 3:4 5 Yoh 3:6; Rom 7:14
6Kunoo, ati keessa namummaa namaatti
amanamummaa arguutti in gammadda,
iddoo dhokataa sana keessattis ogummaa na hubachiifta!
7Hisoophiidhaan cubbuuttii na qulleessi,
anis nan qullaa'a;
na dhiqi cabbii irras nan adaadha*!
8Sagalee gammachuu fi ilillee na dhageessisi,
lafeen koo warri ati caccabsites haa gammadan*!
9Cubbuu koo fuula kee duraa dhoksi,
yakka koo hundumaa haxaa'ii ana irraa balleessi!#7 Bau 12:22-23; Isa 1:18; Ibr 10:22 8 32:3-4
10Garaa qullaa'aa anaaf uumi, yaa Waaqayyo!
Hafuura dhaabataas ana keessatti haaressi*!
11Fuula kee duraa ana hin balleessin,
hafuura kee isa qulqulluus
ana duraa hin fudhatin!
12Gammachuu isa fayyisuu kee keessaa argamu,
iddootti anaaf deebisi,
siif abboomamuudhaaf hafuura na gargaaru
anaaf kenni!
13Yommus ani warra irra-daddarban
karaa kee nan barsiisa,
cubbamoonnis gara keetti in deebi'u.#10 His 36:26-27; Mat 5:8
14Yaa Waaqayyo, yaa gooftaa na fayyiftuu,
dhiiga koo dhangala'uu oolchi!
Arrabni koos waa'ee qajeelummaa kee
gammachuudhaan guddisee in faarfata.
15Ati arraba koo hiiki, yaa gooftaa!
Afaan koos jajuu kee in hima.
16Qalmi sitti hin tolu,
aarsaa dhi'eessuu koottis ati hin gammaddu*;
17hafuurri yaada cabaa
aarsaa Waaqayyo biratti fudhatamuu dha,
yaa Waaqayyo, ati
garaa cabaadhaaf bullaa'aa hin tuffattu*!#16 40:6 17 34:18; Isa 66:2
18Akka sitti tolutti Xiyooniif gaarii godhi,
masaraawwan Yerusaalem deebisii ijaari*!
19Yommus qalma qajeeltootti, aarsaatti,
qalma guutummaatti gubamuttis in gammadda;
yommus iddoo aarsaa kee irratti
tuntunoowwan qalmaaf in dhi'eeffamu.#18 147:2
Currently Selected:
MACAAFA FAARFANNAA 51: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
