MACAAFA FAARFANNAA 50
50
Hafuuraan Dhugaadhaanis Waaqayyoof Sagaduu
(Faarfannaa Asaaf)
1Waaqayyo gooftaan inni danda'aan in dubbata,
ba'a-biiftuutii jalqabee hamma lixa isheettis
biyya lafaa in waama;
2tulluu mandara Xiyoon isa miidhagummaatti
guutuu ta'e irraa,
Waaqayyo in calaqqisa*.#2 76:2; Isa 62:1
3Waaqayyo keenya in dhufa, callumas hin jedhu;
ibiddi xaph godhu fuula isaa dura,
bubbeen humna-qabeessis naannoo isaa jira*.
4Inni saba isaatiif firdii kennuudhaaf,
bantiiwwan waaqaa warra gara olii jiran,
lafas itti in waama*.
5<<Warra anaaf of kennan,
warra aarsaa irratti anaa wajjin kakuutti galan,
walitti anaaf qabaa!>> in jedha*.
6Waaqayyo ofii isaa abbaa firdii waan ta'eef,
bantiiwwan waaqaa qajeelummaa isaa in labsu!#3 97:3-4 4 Kes 32:1; Isa 1:2 5 Bau 24:4-11
7<<Ani nan dubbadha ati immoo dhaggeeffadhu, yaa saba ko!
Ani Waaqayyo, Waaqayyo kee ti;
yaa Israa'el, ani si irratti dhugaa nan ba'a.
8Ani<<Aarsaa kee nan dhabe>> jedhee si hin komadhu,
aarsaan qalma keetii
yeroo hundumaa fuula koo dura jira.
9Ani dallaa keetii tuntunoo,
karra kee keessaas korbeessa hin fudhadhu;
10bineensi caakkaa keessa jiraatan hundinuu,
horiin tulloota kuma irratti bobba'anis kan koo ti.
11Ani simbirroota qilleensa keessa balali'an
hundumaa beeka,
warri bakkee keessa adeeman hundinuus kan koo ti.
12<<Biyyi lafaa wanti isa keessa guutes
kan koo waan ta'eef,
ani utuun beela'ee iyyuu sitti hin himadhu.
13Ani foon korommii nan yaadhaa ree>>
Yookiis dhiiga korbeeyyii nan dhugaa ree>>
14Waaqayyoof galata aarsaa godhii dhi'eessi,
wareega kees aabba isa hundumaa gara irraaf baasi*!
15Guyyaa rakkinaatti na waammadhu,
ani isa keessaa butee sin baasa,
ati immoo ulfina anaaf in laatta>> in jedha*.#14 Yon 2:10 15 91:15
16Isa jal'aadhaan garuu Waaqayyo,
<<Ati maalummaa keetti seerrata koo tokko tokkoon himta>>
Kakuu koos maaliif maqaa dhoofta?>> in jedha*.
17Itti fufees,<<Ati adaba jibbiteetta,
dubbii koos of duubatti gatte.
18Hattuu yoo argite gammachuudhaan
hojii isaa keessaa in qabaatta,
ejjitootaa wajjinis hidhata in taata.#16 Rom 2:21-23; Mat 7:21-23
19<<Afaan kee hamaa akka dubbatuuf gad in dhiifta,
arrabni kees gowwoomsaa tarree in galcha.
20Ati gad teessee obboleessa kee irratti in dubbatta,
sobaanis maqaa haadhoo keetii in balleessita.
21Ati kana gooteetta, ani immoo calluman jedhe;
kanaaf ati akkuma ofii kee na seete;
amma garuu ani sin ifadha;
waan ati gootes ija keetti nan argisiisa.
22<<Egaa isin warri
ana Waaqayyoon irraanfattan kana hubadhaa!
Kanaa achi ani nan tatarsaasa,
namni tokko illees kan oolchu hin jiru.
23Namni galata aarsaa godhee dhi'eessu,
ulfina anaaf in kenna;
isa karaa isaa qajeelfatuttis,
fayyisuu koo nan argisiisa!>> in jedha.
Currently Selected:
MACAAFA FAARFANNAA 50: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
