MACAAFA FAARFANNAA 111
111
Hojiin Waaqayyoo Inni Dinqisiisaan Bara Baraan Yaadatamuu
1Waaqayyoon jajadhaa!
Walga'ii gara-qajeelotaa keessatti,
waldicha keessattis
Waaqayyoon garaa guutuudhaan nan galateeffadha*!
2Wanti Waaqayyo hojjete hundinuu guddaa dha,
warra itti gammadan hundumaaf
kan qoramee bira ga'amee dha.
3Gochaan isaa surra-qabeessaa fi miidhagaa dha,
qajeelummaan isaas
yeroo hundumaaf jabaatee in dhaabata.#1 22:22
4Hojiin isaa inni dinqisiisaan akka yaadatamu godhe,
Waaqayyo araara-qabeessa, oo'a-qabeessas*.
5Inni warra isa sodaataniif soora in kennaaf,
kakuu isaas bara baraan in yaadata*.
6Wanta dhuunfaa saba lafa irraa ta'e isaaniif kennuudhaan,
hojii aangoo isaa namoota isaatti mul'iseera*.
7Hojiin harka isaa hundinuu amanamaa dha, dhugaa dha,
abboommiin isaa hundinuus amansiisaa dha;
8isaan amanamummaa fi qajeelummaadhaan hojjetaman,
yeroo hundumaaf baruma baraan jabaatanii in dhaabatu.#4 78:5-6; Bau 12:1-23 5 105:40; 145:15 6 105:44
9Inni furii saba isaatiif erge,
kakuun isaa bara baraan akka eegamu abboomeera,
maqaan isaa immoo qulqulluu dha, sodaachisaa dhas!
10Waaqayyoon sodaachuun jalqaba ogummaa ti,
warri isa duukaa bu'anii hojjetan
hubannaa gaarii qabu;
Waaqayyoon jajachuunis
yeroo hundumaaf jabaatee in dhaabata*.#10 Fak 1:7
Currently Selected:
MACAAFA FAARFANNAA 111: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
