MACAAFA FAARFANNAA 110
110
Isa Mootummaadhaa Fi Lubummaadhaaf Qophaa'e
(Faarfannaa Daawit)
1Waaqayyo gooftaa kootiin,
<<Diinota kee ejjeta miilla kee hamman siif godhutti,
ati gara mirga koo taa'i!>> jedhe*.
2Waaqayyo ulee mootummaa isa aangoo kee mul'isu
Xiyoonii kaasee in erga,
<<Diinota kee gidduutti mo'i!>> in jedhaanis.
3Guyyaa ati macca kee geggeessitutti,
namoonni kee jaalala isaaniitiin of in dhi'eessu;
dargaggoonni kees akka fixeensa barii ganamaatti
simboo qulqulluudhaan siif in ba'u.#1 2:6; Mat 22:44; HoE 2:34-35; Ibr 1:13; 10:12-13; Filp 2:8-11
4Waaqayyo,<<Akkuma lubummaa Malkiisedeqitti,
ati luba bara baraa ti>> jedhee kakateera;
inni kana hin gaabbu*.
5Gooftichi mirga kee jira,
guyyaa dheekkamsa isaattis mootota in caccabsa*!
6Inni saba lafa irraa keessatti firdii in baasa,
reeffas isaan keessa in guuta;
bulchitoota lafa irraas in caccabsa*.
7Karaattis mootichi burqituu keessaa in dhuga,
kanaafis mataa isaa ol in qabata.#4 Uma 14:18-20; Ibr 5:6,10 5 2:2,5,9 6 Dan 2:44
Currently Selected:
MACAAFA FAARFANNAA 110: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
