MACAAFA FAARFANNAA 112
112
Eebba Sodaa Waaqayyoo Keessaa Argamu
1Waaqayyoon jajadhaa!
Namni Waaqayyoon sodaatu,
inni abboommiin isaa guddaa itti tolus haa gammadu!
2Sanyiin isaa biyyicha keessatti guddaa in ta'a,
dhaloonni warra gara-qajeelotaa in eebbifama.
3Badhaadhummaa fi soorumni mana isaa keessa jira,
qajeelummaan isaas yeroo hundumaaf
jabaatee in dhaabata.
4Inni araara-qabeessa,
oo'a-qabeessa, qajeelaas waan ta'eef,
warra gara-qajeelotaaf
ifni dukkana keessatti in ba'aaf*.#4 Mik 7:8
5Namni araara argisiisuu fi
namni liqeessu gaarii dha,
inni jiruu isaa qajeeltootti in geggeeffata*!
6Inni yoom iyyuu hin mittiqu,
namni qajeelaanoo bara baraan in yaadatama.
7Oduu hamaa dhaga'uu hin sodaatu,
Waaqayyoon waan amanatuuf garaan isaa hin shakku.
8Hamma warra isa cunqursan irratti
wanta dhufu argee gammadutti,
garaan isaa cimsee amanateera, hin sodaatu*.
9Inni arjummaadhaan warra dhabaniif in kenna,
qajeelummaan isaa yeroo hundumaaf
jabaatee in dhaabata;
gaanfi mataa isaa ulfinaan ol in qabama*.#5 Kes 15:7-8 8 91:8 9 2Qor 9:9
10Namni jal'aan kana argee in aara,
ilkaan isaa walitti in qara,
ofii isaatiis gad in dhuma;
fedhi warra jal'ootaa
waan tokkotti kan hin galle in ta'a.
Currently Selected:
MACAAFA FAARFANNAA 112: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
