MACAAFA FAARFANNAA 109
109
Iyyata Nama Diinni Marsee
(Geggeessituu warra faarfatootaaf; faarfannaa Daawit)
1Yaa Waaqayyo isa ani jajadhuu,
ati calluma hin jedhin!
2Namni jal'aan,
gowwoomsaanis afaan ana irratti banatan,
arraba sobduudhaan anatti dubbatan*;
3ana naanna'anii dubbii jibbaa dubbatan,
sababii malees na lolan.
4Isa ani isaan jaalladheef, diina anatti ta'an;
ani garuu isaaniif nan kadhadha*.
5Qooda gaarii, hamaa,
qooda jaalalaas jibba anaaf in deebisan.#2 62:4; 69:4; 27:12 4 Er 15:11
6Nama jal'aa isa irratti kaasi,
mirga isaas hamajaajiin haa dhaabatu*!
7Yaa'ii firdii keessaas yakkaa ta'ee gad haa ba'u,
kadhanni isaa illee cubbuu isatti haa ta'u!
8Barri isaa haa gabaabbatu,
hojii inni irra dhaabames kan biraa haa fudhatu!
9Ijoolleen isaa abbaan kan irra hin jirre haa ta'an,
haati manaa isaas haadha hiyyeessaa haa taatu;
10ijoolleen isaa asii fi achi labanii haa kadhatan,
mana isaanii isa diigamaa keessaa ba'anii
waa haa barbaaddatan!
11Abbaan gatii
wanta inni qabu hundumaa haa qabatu,
wanta inni itti dadhabee argates
warri ormaa haa saaman!
12Namni tokko illee gaarummaa isatti hin argisiisin,
ijoollee isaa warra inni irraa du'eefis
namni garaa hin laafin!
13Ijoolleen ijoollee isaatii lafa irraa haa dhuman,
maqaan isaanii dhaloota itti aanu keessaa
haxaa'amee haa balleeffamu!
14Yakki abboota isaatii Waaqayyo duratti haa yaadatamu!
Cubbuun haadha isaas haxaa'amee hin balleeffamin!
15Wanta kana keessaa tokko illee yeroo hundumaa
Waaqayyo duraa hin dhabamin;
seenaan namichaa garuu lafa irraa haa balleeffamu!#6 94:20
16Namichoo isa gadadamaa, isa dhabaa ari'ee,
isa garaan isaa na'ee abdii kutates
ajjeesuu barbaade malee,
gaarummaa itti argisiisuu hin yaanne.
17Inni abaaruu jaallate, abaarsi isa irra haa ga'u!
Eebbatti hin gammanne, innis isattii haa fagaatu!
18Inni abaarsa akka wayyaatti uffate,
abaarsichi akka bishaanii namummaa isaatti,
akka dibataas lafee isaatti haa galu*!
19Abaarsichi akka uffata inni ofitti maruu,
akka sabbata inni yeroo hundumaa ittiin hidhatuu
isatti haa ta'u!#18 Lak 5:17-28
20Kun hundinuu gatii Waaqayyo biraa
warra hamajaajii koo ta'aniif,
warra jireenya koo irratti hamaa dubbataniifis
kennamu haa ta'u!
21Ati garuu yaa Waaqayyo gooftaa ko,
maqaa keetiif akka ta'utti anaaf godhi,
arjummaa kee isa gaariidhaan ana oolchi*!
22Anoo gadadamaa dha, dhabaa dhas,
quuqaan keessa garaa kootii na madeesse;
23akka gaadidduu gabaabbachaa adeemutti darbuuttan jira,
akka hawaannisaatti of irraa ana hurgufan;
24soomuu irraa kan ka'e jilbi koo in hollate,
foon ana irraa dhumee nan huqqadhe;
25namootaaf muka ga'oo nan ta'e,
yeroo ana arganis mataa anatti raasu.#21 143:11; 115:1
26Yaa Waaqayyo gooftaa ko, ana gargaari,
akka gaarummaa keetti ana oolchi!
27Kun hojii harka kee ta'uu isaa,
yaa Waaqayyo, ati kana gochuu kees haa beekan!
28Isaan haa abaaran, ati garuu in eebbifta;
warri ana irratti ka'an in yeellaasifamu;
garbichi kee immoo in gammada*!
29Warri hamajaajii koo ta'an salphina haa uffatan,
yeelloo isaaniis akka wayyaatti ofitti haa maran!#28 Luq 6:27-28
30Afaan kootiin guddisee Waaqayyoof galata nan galcha,
namoota baay'ee keessatti isa nan jajadha.
31Innoo harka warra lubbuu isaatti faradanii
isa oolchuudhaaf,
mirga nama dhabaa in dhaabata.
Currently Selected:
MACAAFA FAARFANNAA 109: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
