MACAAFA FAARFANNAA 108
108
Waaqayyoo Wajjin Humna Godhachuu Namaa
(Far 57:7-11; 60:5-12)
(Weedduu, faarfannaa Daawit)
1Garaan koo hin shakku, yaa Waaqayyo!
Sin faarfadha,
sagalee mi'a garaa garaas nan dhageessisa;
yaa lubbuu ko, yaa ulfaattuu ko ka'i!
2Yaa kiraaraa, yaa maseenqoo dammaqaa!
Ani barii lafaa nan dammaqsa!
3Ani namoota keessatti sin galateeffadha, yaa Waaqayyo,
saba lafa irraa keessattis faarfannaadhaan sin jajadha!
4Gaarummaan kee
hamma bantii waaqaa gara irraatti in guddata,
amanamummaan kees hamma duumessaa in ga'a.
5Bantiiwwan waaqaa gara irraatti ol ka'i, yaa Waaqayyo!
Ulfinni kees lafa hundumaa irratti ol haa jedhu*!
6Michoonni kee akka oolfamaniif immoo,
harka kee mirgaadhaan gargaari,
anaafis deebii deebisi!#5 36:5; 103:11-12
7Waaqayyo iddoo isaa isa qulqullaa'aa keessaa dubbatee,
<<Ani guddisee itti nan gammada,
Sheekem kutaa biyyaa nan hira,
dachaa Suukootis safaree gargar nan hira.
8Biyyi Gili'aad kan koo ti, biyyi Minaasees kan koo ti;
biyyi Efreem gonfoo sibiilaa
isa ani mataa koo ittiin eeggachuuf kaa'adhuu dha;
biyyi Yihudaa siiqqee mootummaa kootii ti.
9Biyyi Mo'aab caabii dhiqannaa kootii ti,
biyyi Edoom kan koo ta'uu isaa argisiisuudhaaf,
kophee koo isa irra nan buusa;
biyya Filisxiyaa irratti mo'uu koo
guddisee nan dhageessisa>> jedhe.
10Gara mandara naannoon isaa
dallaa dhagaatiin marfameetti,
eenyutu na fida ree>>
Eenyutus gara Edoomitti na geessa ree>>
11Yaa Waaqayyo, nu gatteetta mitii>>
Ati yaa Waaqayyo,
loltuu keenyaa wajjinis lafa duulaatti hin baatu,
12gargaarsi namaa homaa waa'ee waan hin baafneef,
rakkina jalaa ba'uuf,
ati gargaarsa nuuf kenni!
13Waaqayyoo wajjin, nuyi humna in godhanna,
diinota keenya gad kan dhidhiitu isa.
Currently Selected:
MACAAFA FAARFANNAA 108: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
