Macaafa Ermiyaas Raajichaa 50
50
Biyya Baabilon Irratti Raajiin Dubbatamuu Isaa
(Isa 13:1-22; Er 25:26)
1Dubbiin Waaqayyo waa'ee biyya Baabilonii fi waa'ee warra Kaldootaa karaa ana Ermiyaas dubbate kanatti fufe jira;
2Dubbichis,<<Faajjii ol fuudhiitii
lallabii saba lafa irraatti himi!
<<Namni hundinuu haa dhaga'u!
Baabilon in qabamti,
waaqayyolii tolfamoonni ishee in yeellaasifamu,
Maarduk Waaqayyo tolfamaan isaanii in caccaba,
bifni fakkeenya Waaqayyo tolfamaa
inni ciiggaasisaanis caccabee in hurraa'a>>
jedhii himi malee,
waan tokko illee hin dhoksin*!
3Sabni tokko biyya gara bitaatii dhufee
ishee rukutee in onsa,
namnii fi horiin achi keessaa
baqatanii in ba'u;
namni tokko illees achi keessa jiraachuu hin danda'u*.#2 51:44; Isa 21:9; 46:1-2 3 50:9,41; 1:14; 4:25
4<<Bara sanatti, yeroo sanattis
sabni mootummaa Israa'elii fi
mootummaa Yihudaa keessaa
boo'aa walii wajjin
lafa itti booji'amanii ba'anii
ana Waaqayyoon gooftaa isaanii in barbaaddatu;
kana ana Waaqayyotu dubbate*.
5Yommus isaan fuula isaanii
gara Xiyoonitti deebisanii
karaa gara isheetti geessu iyyaafachaa,
<<Kottaa! Kakuu bara baraan hin irraanfatamne,
Waaqayyoof in gallaa!>>
waliin jedhaa in adeemu*.#4 3:18; 31:9 5 31:6; 32:40
6<<Sabni koo akka hoolota tiksoonni isaanii
gara tulluutti of irraa isaan oofanii,
karaa wallaalchisanii, ta'anii turan;
isaan tulloota irra,
gaara irras asii fi achi in jooran;
iddoo dur itti boqonnaa argachaa turanis
in irraanfatan*.
7Warri isaan argan hundinuu
bineensa isaanitti in ta'an,
diinonni isaanii immoo,
<<Sababii isaan,
Waaqayyo isa tiksee isaanii
isa dhugaa ta'e,
isa abboonni isaanii abdachaa turan
duratti cubbuu hojjetaniif,
wanti nuyi isaan irratti hojjenne
balleessaa nutti hin ta'u>> in jedhu.#6 10:21; 23:1; 50:17; Zak 10:2
8<<Biyya Baabilon keessaa baqadhaa!
warra Kaldootaa keessaas ba'aa!
akkuma korbeessi reettii
karri yommuu banamu
dura bu'ee ba'u,
akkasuma isinis dafaatii ba'aa*!
9Ani kunoo, saba baay'ee
walitti gamtatee,
biyya gara bitaatii
Baabilon irratti nan kaasa;
isaan isheetti qophaa'anii
ishee lolanii in qabatu;
warra lolatti beekan waan ta'aniifis,
xiyyi isaanii waa utuu hin godhin
lafa hin bu'u*.
10Biyyi Baabilon in saamamti,
warri ishee saaman hundinuus
garaa in ciibsatu;
ani Waaqayyo kana dubbadheera.#8 50:16; 51:45; Isa 48:20; Mul 18:4 9 50:3
11<<Isin warri biyya koo saamtan,
gammaddanii yoo ililchitan iyyuu,
akka jiboota midhaan siribsiisanii
yoo burraaqxan iyyuu,
akka fardeeniis yoo himimsitan iyyuu,
12biyyi keessan isheen
akka haadha
isin deessetti ilaalamtu in yeellaasifamti;
isheen biyya keessaa ishee gad deebitu,
biyya onaa fi biyya gogaa
homtuu keessa hin jirre in taati.
13Sababii ani Waaqayyo isheetti dheekkameef
ontee in hafti,
namni ishee keessa hin jiraatu;
warri karaa darban hundinuu
Baabilon bira yommuu darban,
sababii dha'icha ishee irra ga'e kanaaf
na'anii afaan in qabatu*.#12-13 4:26; 18:16; 51:37
14<<Isin warri iddaadhaan loltan hundinuu,
Baabilonitti naanna'aatii marsaa!
Isheen ana Waaqayyo duratti
cubbuu waan hojjetteef,
xiyya keessan hin qusatinaatii
isheetti gad dhiisaa!
15Karaa hundumaa isheetti naanna'aa
iyyaatii ishee wareersaa!
Ani Waaqayyo ishee irratti
ijaa waanan baafadhuuf,
isheen harka ishee in kenniti,
masaraan ishee in jiga,
kellaan ishees in diigama;
akkuma isheen warra kaan gootes
akkasuma ishee irratti hojjedhaa,
ijaas itti baafadhaa*!
16Nama sanyii facaasuuf nama midhaan haamu
biyya Baabilon keessaa fixaa!
Warri ormaa hundinuus
warra biyyicha rukutan jalaa
gara biyya isaaniitti haa deebi'an,
gara saba isaaniittis haa baqatan!#15 25:14; 50:29; Mul 18:6
17<<Sabni Israa'el akka hoolaa
leenci ari'u in tatamsa'an;
duraan dursee mootii biyya Asortu
qabee isaan nyaate,
itti aanse immoo Nebukadnezaar
mootii Baabilontu
lafee isaanii caccabse*.
18Kanaaf ani Waaqayyo gooftaan maccaa,
Waaqayyo inni kan Israa'el,
<<Kunoo, ani mootii Asor
akkuman adabe,
akkasuma mootii Baabilon,
biyya isaas nan adaba*.
19Israa'elin immoo
lafa isaanii duriitti nan deebisa,
wanta tulloota
Qarmelosii fi Baashaan irraa
galfatanis in nyaatu;
akaakuu midhaan barbaadanii
hundumaas gaara Efreemii fi
gaara Giil'aad irraa galfatanii
itti in gammadu>> jedhe*.
20Bara sanatti, yeroo sanattis
yakki Israa'elii fi
cubbuun Yihudaa in qoratama;
garuu warran hambise hundumaaf
yakka isaanii waanan dhiiseef,
tokko illee isaan irratti hin argamu;
ani Waaqayyo kana dubbadheera>>
kan jedhu ture*.#17 50:6 18 2Mot 19:35; Isa 10:12 19 23:3; His 34:11-16 20 31:34; 33:7-8
21Waaqayyo itti fufee,<<Warra biyya Meraataayim irratti,
warra Pheqod keessa jiraatan irrattis ka'aatii rukutaa!
Isaan ari'aa, isaan ajjeesaa,
raawwadhaas isaan balleessaa!
Wanta ani isin abboomu hundumaas godhaa*!
22Badiisi guddaan waan itti dhufeef,
sagaleen lolaa biyyicha keessaa in dhaga'ama.
23Baabilon isheen guutummaa biyya lafaa irratti
akka buruusaa turte,
amma immoo attamitti saba biyya lafaa keessaa
caccabdee onte*!
24Yaa Baabilon,
ani kiyyoo si dura kaa'eera,
atis qabamteetta;
ati garuu isa hin beekne;
ana Waaqayyo irratti waan kaateef,
qabamtee in argamte.
25Ani Waaqayyo gooftaan maccaa,
biyya warra Kaldootaa irratti
waanan hojjedhu waanan qabuuf,
ani mana mi'a lolaa
isa kan kootii banee,
mi'a dheekkamsa kootii gad baaseera;
26biyya fagoodhaa kottaatii isheetti duulaa,
gombisaa ishee banaa!
Ona ishee diigaatii tuulaa,
raawwadhaas ishee balleessaa!
Waan tokko illee achitti hin hambisinaa!
27Jajjaboota ishee hundumaa
gara iddoo itti ajjeesanitti
geessaatii gorra'aa,
yeroon isaanii ga'ee,
barri isaan itti adabamanis
waan dhufeef,
isaaniif wayyoo!>> jedhe*.
28Sagalee warra Baabilon keessaa baqatanii
jalaa ba'anii dhaggeeffadhaa!
Isaan Waaqayyo gooftaan keenya
ijaa akka baafate
mandara Xiyoon keessatti in himu,
inni ijaa mana qulqullummaa isaatii
akka baafate in odeessu*.#21 50:26-27; 51:3 23 51:20; Isa 10:5 26-27 50:21 28 51:10-11
29Waaqayyo,<<Sababii isheen
ana Waaqayyo isa qulqulluu
kan Israa'el irratti
of bokoksiteef,
warra xiyya darbachuutti beekaman
Baabilon irratti waamaa!
Warri iddaa baatan hundinuu
isheetti marsanii haa buufatan!
Namni tokko illee mandarattii
keessaa hin ba'in!
Akkuma isheen warra kaan irratti hojjechaa turte,
ishee irratti hojjedhaa!
Adaba isheedhaaf ta'u kennaaf*!
30Yommus dargaggoonni ishee
karaa mandara isheetii irratti kukuffifamanii in hafu,
loltoonni ishee hundinuus in dhumu;
ani Waaqayyo kana dubbadheera.
31Ati of tuultuu?>> nana!
Barri ani itti si adabu
waan ga'eef,
kunoo, ani Waaqayyo gooftaan maccaa si irratti nan ka'a*!
32Isheen of tuultuun kun gufattee in kufti,
namni lafaa ishee kaasu garuu hin jiru;
ani mandaroota isheetti ibidda nan naqa,
innis wanta naannoo ishee jiru hundumaa
in guba>> jedha.#29 25:14; 48:26-27; 50:15; 51:6; Mul 18:6 31 21:13-14
33Ammas Waaqayyo gooftaan maccaa,
<<Sabni Israa'elii fi
sabni Yihudaa cunqurfamaniiru,
warri isaan booji'an jabeessanii
isaan qabatanii
gad dhiisuu didaniiru;
34inni isaan gargaaru garuu jabaa dha,
maqaan isaa Waaqayyo gooftaa maccaa ti;
inni isaaniif in dubbata,
biyyattiidhaaf nagaa in kenna,
warra Baabilon keessa jiraatan garuu
nagaa in dhowwata*.#34 10:16; 51:36
35<<Warra Kaldootaa irratti,
warra Baabilon keessa jiraatan irratti,
gurguddoota isaanii fi ogeessota isaanii irratti
lolli haa dhufu!
Ani Waaqayyo kana dubbadheera.
36Raajota sobduu irratti billaan haa dhufu!
Isaanis gowwoota haa ta'an!
Loltoota ishee warra jajjaboo irratti
billaan haa dhufu,
isaanis na'anii humni
isaan haa bu'u*!
37Fardeen ishee fi konkolaattota ishee irratti
billaan haa dhufu,
orma warra isheedhaaf bitaman irratti
billaan haa dhufu!
Dadhaboos haa ta'an!
Badhaadhummaa ishee irratti billaan yommuu dhufu haa saamaman*!
38Caamsaan biyya ishee irratti haa dhufu,
bishaan ishees haa gogsu!
Biyyichi waaqayyolii tolfamoodhaan
waan guuteef,
fakkeenya waaqayyolii tolfamoo
warra ciiggaasisoo
kanaan of in jaju;
39kanaaf bineensonni caakkaatti galan, guchiin, waangoon,
waraabessis isheetti in galu;
namni garuu dhalootaa hamma dhalootaatti
achitti hin galu,
bara baraanis achi keessa hin jiraatu*.
40Sodoomii fi Gomoraa
mandaroota naannoo isaanii jiran hundumaa wajjin
akkuman diigee balleesse,
akkasuma ishee kanas
diigee nan balleessa;
namni tokko illee deebi'ee
achitti galee keessa hin jiraatu;
ani Waaqayyo kana dubbadheera*.#36 Isa 44:25 37 51:30 39 Isa 13:21-22; Mul 18:2 40 49:18; Uma 19:24-25
41<<Kunoo! Sabni guddaan tokko
biyya gara bitaatii ka'ee in dhufa,
mootonni jajjaboonnis
andaara lafaatii ka'anii in dhufu*;
42loltoonni isaanii iddaa fi eeboo in qabatu,
isaan gara jabeeyyii dha,
araaras hin beekan;
yaa Baabilon,
isaan lolaaf hidhatanii,
fardaan si loluudhaaf yommuu dhufan,
sagaleen isaanii akka galaanaa in huursa*;
43mootiin Baabilon akka isaan dhufan yommuu dhaga'u,
harki isaa in laafa,
naasuunis isa in qabata;
akka dubartii ciniinsifattuus in ta'a.#41 1:14; 50:3 42 6:23
44<<Akkuma leenci caakkaa laga Yordaanos
isa gobbuu keessaa
gara bakkee marga lalisaatti
ol ba'u,
kunoo, anis akkasuma
dingata Baabilonitti ol nan ba'a,
namoota ishees achi keessaa nan ari'a;
isan ofii kootii fo'adhes
ishee irratti nan moosisa;
egaa kan akka kootii jiraa ree>>
Namni,<<Kana maaliif goote?>>
naan jedhus argamaa ree>>
Mootiin ana dura dhaabatee
na dhowwuu danda'us meerre ree*>>
45Kanaaf wanta ani Waaqayyo
biyya Baabilon irratti
fiduuf yaadee jiru,
akeeka ani warra Kaldootaa irratti
qopheesse jirus dhaga'aa!
Ijoolleen isaanii akka ilmoolee bushaayee
bineensi qabatetti
humnaan in fudhatamu,
kaloon isaaniis raawwatee in ona.
46<<Baabilon in qabamte>> yommuu jedhan
lafti in socho'a,
boo'ichi biyyattiis saba lafa irraa hundumaa
biratti in dhaga'ama>> jedhe.#44 4:7; 49:19-21
Currently Selected:
Macaafa Ermiyaas Raajichaa 50: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
