Macaafa Ermiyaas Raajichaa 49
49
Biyya Amoon Irratti Raajiin Dubbatamuu Isaa
(His 25:2-7; Amo 1:13-15)
1Waaqayyo waa'ee biyya Amooniif kanatti fufee kan jiru in dubbate;
inni,<<Israa'el
ilmaan isa dhaalan
hin qabuu ree>>
Maaliif Miilkom mootiin Amoon
biyya Gaadi irraa fudhatee,
saba isaa achi keessa teessifate ree*>>
2Kanaaf guyyaan ani itti
Raabaa mandara Amoon keessatti
sagalee iyya lolaa dhageessisu in dhufa;
mandarattiin diigamtee
akka tuullaa kosii in taati,
gandeen naannoo ishee jiranis
ibiddaan in gubamu;
yommus Israa'el
warra dur isa irraa fudhatan irraa
dhaala isaa in deebifata;
ani Waaqayyo kana dubbadheera*.#1 25:21; His 21:28-32; Sef 2:8-10; 1Mot 11:5; Iya 13:24-28 2 Kes 3:11
3<<Mandarri Aayi waan diigamteef,
isin warri Heshboon boo'aa wawwaadhaa!
Miilkom Waaqayyo tolfamaan
luboota isaa fi gurguddoota isaa
hundumaa wajjin waan booji'amuuf,
yaa warra Raabaa keessa jiraattanii iyyaa,
uffata gaddaa uffadhaatii
kellaa keessa asii fi achi
adeemaatii boo'aa!
4Yaa warra amanamummaa hin qabnee!
Isin maaliif dachaa keessan
warra midhaan baasaniin of jajju>>
Isin badhaadhummaa keessan amanattanii,
<<Eenyutu nu tuquu danda'a?>> in jettu*.
5Ani Waaqayyo gooftaan maccaa,
kunoo, karaa hundumaan
naasuu isinitti nan fida;
isin hundumti keessan
wal faana in baqattu;
namni warra baqatan walitti qabus
tokko illee hin jiru;
6garuu bara booddeetti
warra Amoon keessaa booji'aman
deebisee nan fida>> jedhe;
kana Waaqayyotu dubbate*.#3-4 48:2,7 6 46:26; 48:47
Biyya Edoom Irratti Raajiin Dubbatamuu Isaa
(Er 25:21; Isa 34:5-17; 63:1-6; His 25:12-14; 35:1-15; Amo 1:11-12)
7Waaqayyo gooftaan maccaa waa'ee biyya Edoomiif kanatti fufee
kan jiru in dubbate;
inni,<<Ogummaan
Temaan keessaa in dhibee ree>>
Gorsi warra hubatoo harkaa in badee ree>>
Beekumsi isaaniis
kan waa'ee hin baafne ta'ee ree>>
8Sanyii Esaawuu yeroon adabutti
badiisa waanan isaanitti fiduuf,
isin yaa warra Dedaan
keessa jiraattanii baqadhaa!
Gara booddeetti deebi'aatii
bowwaa gad fagoo keessa dhokadhaa*!
9Warri ija waynii ciran
gara kee yommuu dhufan,
muka waynii irratti coraa in hambisu mitii ree>>
Hattuunis halkan yommuu dhuftu,
hamma dandeessu fudhatee
adeemti mitii ree>>
10Ani garuu sanyii Esaawuu
qullaatti nan hambisa,
akka isaan dhokachuu hin dandeenyetti,
bakkeetti isaan nan baasa;
sanyiin isaa, obboloonni isaa fi olloonni isaa
hundinuu hin hafan;
isaanis deebi'anii hin argaman.
11Ijoollota kee warra abbaan irra hin jirre
na biratti dhiisi!
Ani isaan nan jiraachisa;
dubartoonni kee warri haadha hiyyeessaa ta'an
ana in amanatu>> jedhe.#8 His 27:20
12Waaqayyo ammas itti fufee,<<Kunoo! Warri xoofoo dheekkamsa koo keessaa dhuguun isaaniif hin malle iyyuu in dhugu erga ta'e, isin immoo attamitti utuu isa keessaa hin dhugin haftu ree>> Isin utuu hin adabamin hin haftan; isin xoofoo dheekkamsa koo kana keessaa in dhugdu*. 13Bozraan akka diigamtu, wanta namni ilaalee sodaatu, iddoo namni itti ga'isuu fi iddoo abaarsaa akka taatu, mandaroonni ishees hundinuu bara baraan diigamanii akka hafan, ani maqaa kootiin kakadheera; ani Waaqayyo kana dubbadheera>> jedhe*.#12 25:15,28-29; Far 137:7; Faru 4:21 13 25:9
14Ergamaan tokko
gara saba biyya lafaa irra jiran
hundumaatti ergamee,
<<Kottaa walitti qabamaatii
Edoomitti duuluudhaaf qophaa'aa,
ishee loluudhaafis ka'aa!>>
jechuuf akka jiru
ani Waaqayyo irraa dhaga'eera.
15Ammas Waaqayyo,
<<Kunoo! Saba lafa irraa keessaa
ati akka xinnaattu,
namoota gidduuttis
akka tuffatamtu nan godha;
16ati yaa isa holqa dhagaa
keessa jiraattuu,
yaa isa gaara gubbaa teessuu,
isa ati warra kaan sodaachiftuu fi
isa ati of tuultutu si gowwoomse;
mann'ee kee akka joobiraa
iddoo ol ka'aa irratti yoo ijaarratte iyyuu,
ani immoo achi irraa gad sin buusa.
17<<Edoom wanta
ilaaluun isaa nama sodaachisu in taati,
namni karaa darbu
ishee yommuu argu in dinqisiifata;
sababii dha'ichi guddaan isheetti dhufeefis
itti ga'isee bira in darba*.
18Akkuma Sodoomii fi Gomoraan,
mandaroonni olloota isaanii turanis
barbadeeffaman,
akkasuma namni
Edoom keessatti hin hafu,
namni tokko illees
ishee keessa hin jiraatu*.
19Akkuma leenci caakkaa laga Yordaanos
isa gobbuu keessaa
gara bakkee marga lalisaatti
ol ba'u,
kunoo, anis akkasuma
dingata Edoomitti ol nan ba'a,
namoota ishees achi keessaa nan ari'a;
isan ofii kootii fo'adhes
ishee irratti nan moosisa;
egaa kan akka kootii jiraa ree>>
Namni,<<Kana maaliif goote?>>
naan jedhus argamaa ree>>
Mootiin na dura dhaabatee na dhowwuu danda'us meerre ree>>
20Kanaaf wanta ani Waaqayyo
Edoomitti fiduuf yaadee jiru,
akeeka ani warra Temaan keessa jiraatan irratti
qopheessee jirus dhaga'aa!
Ijoolleen isaanii akka ilmoolee bushaayee
bineensi qabateetti
humnaan in fudhatamu,
kaloon isaaniis raawwatee in ona.
21Edoom yommuu kuftu
sagaleen boo'icha namoota isheetii
lafa in sochoosa,
iyyi isaaniis hamma galaana diimaatti in dhaga'ama*.
22Kunoo! Wanti akka joobiraa
baalleedhaan ka'u
Bozraa irra in qubata;
yommus loltoonni
warra Edoom sodaatanii
akka dubartii ciniinsifattuu in ta'u>> jedhe*.#17 18:16 18 Uma 19:24-25; Er 50:40 19-21 50:44-46; 10:7-8 22 48:40
Mandara Damaasqoo Irratti Raajiin Dubbatamuu Isaa
23Waa'ee mandara Damaasqoof
kan dubbatame kanatti fufee jira;
Waaqayyo,<<Haamaatii fi Arphaad
oduu gadhee kana
yommuu dhaga'an na'anii,
garaan isaanii akka bishaanii in raafame,
boqonnaas in dhaban;
24Damaasqoon laaftee,
sodaattee baqachuuf
gara booddeetti in deebite;
dhiphinnii fi muddamni
waan ishee qabateef,
rom'itee akka dubartii ciniinsfattuu in taate.
25Mandarri jajamtuun isheen
ani itti gammadu sun,
amma attamitti onti>>
26Yeroo sanatti dargaggoonni ishee
karaa guddaa irratti in kukuffifamu,
loltoonni ishee hundinuus in dhumu;
ani Waaqayyo gooftaan maccaa
kana dubbadheera.
27Ani kellaa Damaasqootti
ibidda nan qabsiisa,
innis masaraa Ben-Hadaad mootichaa in fixa>> jedhe*.#23-27 Isa 17:1-3; Amo 1:3-5; Zak 9:1
Qedaarii Fi Hazoor Irratti Raajiin Dubbatamuu Isaa
28Waaqayyo waa'ee biyya Qedaarii fi
waa'ee mootummoota Hazoor warra
Nebukadnezaar mootiin Baabilon
rukutee balleesse kan dubbate
kanatti fufee jira;
inni,<<Ka'aa dhaqaatii
biyya Qedaaritti duulaa,
warra biyya gara ba'a-biiftuu
keessa jiran balleessaa!
29Dunkaanota isaanii, horii isaanii,
golgaa dunkaanaa,
mi'a achi keessa jiruu fi,
gaalota isaanii hundumaa saamaa!
Namootaan immoo,<<Karaa hundumaa
wanti isin naasisu
isinitti dhufeera>> jedhaa!
30Yaa warra Hazoor keessa jiraattanii,
dafaatii ka'aa baqadhaa!
Nebukadnezaar mootiin Baabilon
isinitti korateera,
mala ittiin isin balleessus
qopheeffateera waan ta'eef,
holqa gad fagoo keessa dhokadhaa!
31Mootichi,<<Ka'aa gara saba bir'aa malee
gabiitti jiraatuutti,
gara mandaroota karri isaanii
cufaa hin qabneetti,
gara saba kopha-galeessaatti
ol baanee in duulla!>> jedheera.
32Ani Waaqayyo
namoota warra rifeensa
mataa isaanii naannessanii
illee isaanii irraa fixan,
iddoo hundumaatti nan tamsaasa,
karaa hundumaas badiisa
isaanitti nan fida;
gaalota isaanii in fudhatu,
saawwan isaanii warra baay'ees in saamu.
33Hazoor bara baraan ontee,
iddoo waangonni keessa jiraatan in taati;
namni achi keessatti hin hafu,
namni tokko illees ishee keessa hin jiraatu>> jedhe*.#28-33 25:24; Isa 21:13-17; Er 9:25; 25:23-24; Isa 21:13-14
Elaam Irratti Raajiin Dubbatamuu Isaa
34Bara Zedeqiiyaan biyya Yihudaa irratti
mo'uu jalqabetti,
dubbiin Waaqayyoo inni waa'ee
biyya Elaamiif
gara ana Ermiyaas dhufe
kanatti fufee jira;
35Waaqayyo gooftaan maccaa,
<<Kunoo! Ani iddaa warra Elaam, mi'a lolaa isaanii
isa isaan amanatan nan cabsa;
36ani golee lafaa arfanuu keessaa
bubbee isaanitti nan erga;
gara golee lafaa arfanuuttis
isaan nan tamsaasa;
biyyi sabni Elaam
itti hin booji'amne hin argamu.
37Diinota isaanii warra
lubbuu isaanii balleessuu barbaadan duratti
warra Elaam nan caccabsa,
dheekkamsa koo isa boba'aadhaan
badiisa isaanitti nan fida;
hamma isaan dhumanittis
billaadhaan isaan nan ari'a;
ani Waaqayyo kana dubbadheera.
38Ani Waaqayyo teessoo koo
Elaam keessa nan dhaabbadha,
mootii ishee fi gurguddoota ishee nan balleessa;
39bara booddeetti garuu
Elaamin akka ishee duriitti
nan deebisa>> jedha Waaqayyo*.#34-39 25:25; His 32:24-25; Er 46:26
Currently Selected:
Macaafa Ermiyaas Raajichaa 49: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
