Macaafa Ermiyaas Raajichaa 48
48
Biyya Mo'aab Irratti Raajiin Dubbatamuu Isaa
(Er 25:21; Isa 15:1–16:14; 25:10-12; His 25:8-11)
1Waaqayyo gooftaan maccaa,
Waaqayyo inni kan Israa'el
waa'ee biyya Mo'aab
kanatti fufe kan jiru in dubbate;
inni,<<Mandarri Neboo
waan diigamtuuf,
isheedhaaf wayyoo!
Mandarri Kiriiyat-Aayim in qabamti,
in yeellaasifamtis;
isheen iddoo itti baqatan turte in caccabdi,
namoonni ishee keessa jiraatanis in yeellaasifamu.
2Mo'aab si'achi deebitee hin jajamtu,
ishee kuffisuudhaaf Heshboonitti
isheetti in koratu,
<<Kottaa ishee in balleessinaa!>> in jedhu;
warri mandara Maadmeen
keessa jiraatan
billaadhaan in ari'atamu, in dhumus*.#2 Lak 21:26
3<<Sagaleen iyyaa Horonaayimii in dhaga'ama,
saamichii fi badiisi guddaan
achitti in argama;
4biyyi Mo'aab in baddi,
ijoolleen ishees in iyyu;
5boo'aa gara Luhiititti ol in ba'u,
gara Horonaayimitti gad in bu'u,
iyyi isaan
waa'ee badiisa isaaniif iyyanis in dhaga'ama;
6ka'aa baqadhaatii lubbuu keessan oolfadhaa,
akka muka baalli
irraa harca'ee dhume
lafa onaa keessa dhaabadhaa*!
7Ati hojii kee fi badhaadhummaa kee in amanatte,
kanaafis in booji'amta;
Kemosh Waaqayyoon kee
inni tolfamaan in booji'ama;
luboonni isaa fi hojjetoonni isaa
hundinuu in booji'amu*.
8Balleessiin?>> mandaroota
hundumaatti in dhufa,
mandarri isa jalaa ooluu
danda'us hin jiru;
inni dachaa lafaa in onsa,
gubbee lafaas in balleessa;
kana ana Waaqayyotu dubbate.
9Mo'aab baduuf waan jirtuuf,
dhagaa seenaa isheetii dhaabaaf!
Mandaroonni ishees diigamanii,
kan namni keessa hin jiraanne
ta'uuf jiru>> jedhe.
10Billaadhaan rukutanii ajjeesuu iyyuu yoo ta'e,
namni isa Waaqayyo abboome kana
garaa hir'uudhaan hojjetu abaaramaa dha!#6 17:6 7 49:3-4; Lak 21:29; Abo 11:24; 1Mot 11:7
11Waaqayyo,
<<Mo'aab jalqabumaa jalqabdee,
hamma ammaatti gabiitti jiraachaa turte;
akka daadhii waynii isa
qodaa tokko keessaa qodaa kan biraatti
utuu hin dabarfamin
akkuma calalameetti jiru,
akkasuma namoonni ishee hin booji'amne,
miyaan ishee, urgaan ishees hin geddaramne*.
12Garuu barri ani Waaqayyo
namoota isheetti ergu in dhufa;
isaan akka nama daadhii waynii
gaanii keessaa gara galchee,
gaanicha immoo caccabsutti,
Mo'aabin duwwaatti hambisanii
ishee immoo in caccabsu.
13Akkuma Israa'eloonni,
<<Bet'el>> Waaqayyo tolfamaa
amanatanii booddee immoo yeella'an,
akkasuma Mo'aabonni
Kemoshin Waaqayyo tolfamaa
amanachuu isaaniitiin in yeellaasifamu*.#11 48:32-33; Sef 1:12 13 1Mot 12:28-29
14<<Egaa yaa namoota Mo'aab attamitti,
<<Nuyi humna qaboota,
lolattis jaboo dha>> ofiin jettu ree>>
15Ani Waaqayyo mootichi,
Waaqayyo gooftaa maccaa
jedhamee kanan waamamu,
<<Mo'aab in balleeffamti,
mandaroonni ishee in qabamu;
dargaggoonni ishee warri mimiidhagoonnis
in ajjeefamu>> jedhee dubbadheera*.
16Kufaatiin Mo'aab dhi'aateera,
badiisis ariitiidhaan isheetti in dhufa.
17Warri isheetti dhi'oo jiraatanii fi
warri maqaa ishee beektan hundinuu,
<<Uleen jabaan kun attamitti cabe>>
Dhaabanni miidhagaan kunis
attamitti hurraa'e?>>
jedhaatii boo'aaf!#15 46:18
18<<Isin warri mandara Diibon
keessa jiraattan,
iddoo keessan
isa ulfina-qabeessa irraa ka'aatii,
lafa gogaa irra taa'aa!
Inni Mo'aabin balleessu
gara keessanittis ol in ba'a,
mandaroota keessan
warra dallaa dhagaa qaban
diigee in balleessa.
19Isin warri Aro'er keessa jiraattan,
gara karaatti gad ba'aa,
isa baqachaa jiruu fi
ishee duraa ba'aa jirtu ilaalaatii,
<<Maaltu ta'e?>>
jedhaatii isaan gaafadhaa!
20Isaan immoo isiniif deebisanii,
<<Mo'aab diigamtee,
namoonni ishee waan yeellaasifamaniif,
isheedhaaf boo'aa, wawwaadhaas!
akka isheen baddes
Arnonitti himaa!>> in jedhu.
21Mandaroota biyya diriiraa keessa jiran,
mandaroota Holoon,
Yaahaz, Mefaat,
22Diibon, Neboonii fi Bet-Diiblaataayim irratti
firdiin dhufeera;
23akkasumas mandaroota Kiriiyat-Aayim,
Bet-Gaamul, Bet-Me'on,
24Keriyotii fi Bozraa,
akkasumas mandaroota
biyya Mo'aab keessa jiran
warra fagoo fi warra dhi'oo jiran hundumaa irratti
firdiin dhufeera.
25Aangoon Mo'aab cabeera,
humni ishees cabeera;
ani Waaqayyo kana dubbadheera>> jedha.
26Waaqayyo,<<Mo'aab anatti
waan of gurguddifteef,
haa machooftu, hoqqisa ishee keessa haa gangalattu,
muka kolfaas haa taatu*!
27Yaa Mo'aab! Sabni Israa'el kun
hanna irratti qabame moo>>
Maaliif ati waa'ee isaa
yommuu dubbatu hundumaatti
mataa itti raaftee
itti ga'ifta ree*?#26 48:42 27 2:26
28<<Isin warri Mo'aab keessa jiraattan,
mandaroota ishee keessaa yaa'aatii
kattaatti galaa!
Akka gugees fittee hallayyaa irratti
mann'ee ijaarradhaa!
29Ani waa'ee of tuulummaa Mo'aabii fi
waa'ee ol of qabuu ishee,
waa'ee of gurguddisuu ishee fi
waa'ee of bokoksuu ishee,
waa'ee of jajuu ishee fi
waa'ee of himuu ishee dhaga'eera.
30Of tuulummaan ishee soba akka ta'e
ani beeka,
isheen sobdee afaaniin
of jajjee in dubbatti,
of jajuun ishee kun homaa
waa'ee hin baasu>> jedhe.
31Ani sababii kanaaf
Mo'aabiif nan wawwaadha,
saba Mo'aab hundumaaf nan boo'a,
namoota Qiir-Heresiifis
baay'ee nan gadda.
32Yaa muka waynii Siibmaa,
Yaazeriif isan boo'u caalaa
siif nan boo'a;
damoonni kee hamma daarii galaanaa,
hamma galaana Yaazer bira ga'anittis
dagaaganii turan;
garuu diinonni dhufanii
ija muka kee isa dura bilchaatee fi
ija waynii kee in balleessu.
33Biyya Mo'aab isa midhaan baasu keessaa,
gammachuu fi ililleen in bada;
sababii namni
gammachuudhaan isa cuunfu hin jirreef,
daadhiin waynii
iddoo itti cuunfan
keessaa in dhibama;
sagaleen achi keessaa yoo dhaga'ame iyyuu,
sagalee gaddaa ti malee,
sagalee gammachuu miti*.#32-33 48:11
34Waaqayyo,<<Sagaleen iyya isaanii Heshboon keessaa
hamma El'aalee fi hamma Yaahazitti,
hamma Zo'aaritti, hamma Horonaayimitti,
hamma Eglaat Shelshiiyaattis in dhaga'ama,
bishaanonni Niimriimis in gogu.
35Ani si'achi Mo'aab keessatti,
iddoowwan sagadaa ol ka'oo irratti
namni kennaa dhi'eessu,
waaqayyolii tolfamoodhaafis
namni ixaana aarsu
akka hin argamne nan godha;
ani Waaqayyo kana dubbadheera.
36Sababii badhaadhummaan biyyi Mo'aabii fi
namoonni Qiir-Heres walitti qabatan
hundinuu badeef,
garaa koo keessatti nan boo'a;
akka nama ulullee gaddaa afuufuttis
isaaniif nan gadda*.
37Hundumti isaanii mataa isaanii haaddataniiru,
areeda isaanii murmurataniiru;
harka isaanii murmuranii dhiigsaniiru,
uffata gaddaas uffataniiru*.
38Ani akka nama qodaa suphee
isa waa'ee hin baafne caccabsutti
Mo'aabin waanan caccabseef,
biyya Mo'aab kana keessaa bantii manaa isa diriiraa fi
karaa guddaa hundumaa irratti,
boo'icha duwwaatu dhaga'ama*.
39Yommus isaan,
<<Mo'aab attamitti caccabde?>> jedhanii haa boo'an!
Isheen yeellaatee gara booddeetti in deebite,
warra naannoo ishee jiran
hundumaa birattis
nama kolfaa fi nama waa'ee isaa dhaga'uun
nama sodaachisu in taate;
ani Waaqayyo kana dubbadheera>> jedhe.#36 Isa 15:7 37 16:6 38 22:28
40Ammas Waaqayyo
dubbii kanatti fufee jiru in dubbate;
inni,<<Kunoo!
Inni akka joobiraa balali'u
qoochoo isaa diriirsee ariitiidhaan
Mo'aab irratti gad in bu'a*.
41Mandaroonni in qabamu,
iddoon itti baqatanis in fudhatamu;
yommus loltoonni
warra Mo'aab sodaatanii,
akka dubartii ciniinsifattuu in ta'u*;
42Mo'aab ana Waaqayyo irratti
waan ol of qabdeef in baddi,
saba ta'uun ishees in hafa*.
43Isin yaa warra Mo'aab keessa jiraattanii!
Naasuun isinitti in dhufa,
boolli isin keessatti kuftanii fi
kiyyoon isin ittiin qabamtan
isin dura kaa'amee jira;
44bara ani Mo'aabin adabutti
inni na'ee baqatu
boolla keessatti in kufa,
inni boolla keessaa ba'e baqatu immoo
kiyyoodhaan in qabama*.#40 49:22 41 4:31 42 48:26-27 43-44 Isa 24:17-18; Amo 5:19
45<<Warri baqatanii gara Heshboon dhufan,
gaaddisa ishee jalatti iddoo baqaa
argachuu in yaalan;
garuu Heshboon keessaa ibiddi,
Sihoon keessaas arrabni ibiddaa ba'ee
adda Mo'aab ishee of jajju
kanaa gubee,
lafee mataa ishee waan barbadeesseef,
humni isaan in bu'e*.
46Yaa Mo'aab siif wayyoo!
Namoonni warri Kemosh
Waaqayyo tolfamaatti sagadan in badan;
ilmaan kee fi intaloonni kee in booji'aman*;
47ani garuu bara booddeetti
warra Mo'aab keessaa booji'aman
deebisee nan fida>> jedhe;
firdiin waa'ee Mo'aabiif dubbatame
kanuma irratti dhumuu isaa ti*.#45 48:2; Lak 21:28-29 46 Lak 21:29 47 46:26
Currently Selected:
Macaafa Ermiyaas Raajichaa 48: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
