Macaafa Ermiyaas Raajichaa 47
47
Biyya Filiisxiyaa Irratti Raajiin Dubbatamuu Isaa
(Isa 14:28-32)
1Mootiin Gibxii biyya Gaazaa utuu hin rukutin fuula dura dubbiin Waaqayyoo inni waa'ee warra Filisxeemotaaf gara ana Ermiyaas dhufe kanatti fufee jira*;
2Waaqayyo,
<<Kunoo! Bishaan biyya gara-bitaatii ol in ka'a
guutees manii irra in danbali'a;
inni lafa hundumaa fi
wanta isa irra jiru
hundumaa irra in yaa'a,
mandarootaa fi warra achi keessa jiraatan
hundumaa irra in lola'a;
yommus namoonni in iyyu,
sabni biyya sanaa
hundinuus in wawwaatu*.
3Isaan sagalee kottee fardeenii,
raafamuu konkolaataa irraa kan ka'e
sagalee geengoo isaatii in dhaga'u;
sodaatanii harki isaanii waan bushaa'eef,
abboonni ijoollee isaanii gargaaruu,
mil'ataniis isaan ilaaluu hin dandeenye.
4Guyyaan ani Waaqayyo
warra Filisxeemotaa
hundumaa itti balleessu dhufeera;
namni isaan keessaa hafe
Xiirosii fi Sidoonin gargaaru
tokko illee hin jiru;
ani ofuma kootii
warra biyya Filiisxiyaa keessaa hafan,
warra dur Kaftor
biyya bishaan gidduu keessaa dhufan nan balleessa*.
5Yommus namoonni Gaazaa
gaddanii mataa in haaddatu,
mandarri Ashqalon immoo in diigamti;
isin yaa warra dachaawwan isaanii
keessatti haftanii,
hamma yoomiitti gadditanii
dhagna keessan sukkuumtanii madeessitu ree*?#1 25:19-20 2 1:14 4 Amo 9:7; Kes 2:23 5 16:6; Amo 1:6-7; Sef 2:4; Zak 9:5; Er 48:37
6<<Isin yommus,
<<Maaloo yaa billaa Waaqayyoo,
ati yoom gab jettaa>>
Mann'ee keetti deebi'ii
calluma jedhii taa'i!>> in jettu*;
7Ani Waaqayyo, billaan koo
mandara Ashqalonii fi
biyya bishaan gidduu akka rukutuuf ergan abboomee
attamitti gab jechuu danda'a ree?>> jedhe.#6 46:10; His 21:19-21
Currently Selected:
Macaafa Ermiyaas Raajichaa 47: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
