ZAKHARIA 9
9
Pamamonesi su manga negara ko masandighi u Israel
1 #
Yes. 17:1-3; Yer. 49:23-27; Am. 1:3-5 #
Yes. 23:1-18; Yeh. 26:1–28:26; Yl. 3:4-8; Am. 1:9-10; Mat. 11:21-22; Luk. 10:13-14 Ko i'i l᷊aingati u Mawu. I Sie seng namutusi guna ngu muhukung wanua ngu Hadrakh l᷊au soa ngu Damsyik. Wal᷊inge kitang manga suku ngu Israel, kateho l᷊ai soa pusati u Siria e'e ko koa u Mawu. 2Hamat ko nusasara dingang u Hadrakh l᷊ai ko koa-E, kere'e l᷊ai manga soa ngu Tirus l᷊au Sidon dingang u apang kapapilesa ngu taumatange. 3Tirus seng namangung manga tatinda guna ngu watangenge dang nangambung maul᷊i kahingang wul᷊aeng l᷊au sal᷊aka hakiu nakoa kere manga barang wiasa kere nei l᷊au l᷊ota su l᷊al᷊eng. 4Kateho Mawu sarung mupakasusa ngu wiahi sire. Kaul᷊i u kakakala u soa e'e sarung irume-E sarang l᷊al᷊ung u l᷊auri dang soa e'e sisane sarung itutung.
5 #
Yes. 14:29-31; Yer. 47:1-7; Yeh. 25:15-17; Yl. 3:4-8; Am. 1:6-8; Zef. 2:4-7 Soa ngu Askelon l᷊au Gaza sarung makawua hombang e'e dang mataku. Ekron sarung makawua l᷊ai dang ikailangeng u apang pul᷊aharapi. Gaza sarung kailangeng u ratunge, dang Askelon sarung makoa ko marumasi takoae taumatange. 6Asdod sarung ikatanakeng u manga taumata bou bangsa ko nul᷊al᷊au. Mawu nuhengetang, “Taumata ngu Filistin ko maoboti e'e sarung Daku ipakailang. 7I sire sarung ta l᷊ai mukumang daging ko mborong pia dahange arako kang ko wal᷊inge ko ta botonge kanengang. Kaul᷊i u taumata ko natintang sarung makoa umati-Ku dang irekeng kere bahageang u suku ngu Yehuda. Ekron sarung makoa tataho u umati-Ku, kere tau Yebus#9:7: tau Yebus: e'e i sire ko tutunge natana su Yerusalem. I sire nakoa l᷊ang i Daud suhoro i sie nupakawata soa e'e. su tempo horo. 8Ia sarung mundiaga tana-Ku dang manahaghe manga pasukang ko mul᷊umiu su se'e. Ia sarung ta l᷊ai mamala ngu manga mananira muputahul᷊ang u umati-Ku. Watu'u singsara ngi sire seng Daku nikawua.”
Ratu ko sarung musumongo
9 #
Mat. 21:5; Yoh. 12:15 Ei taumata ngu Sion, pahul᷊uasiko!
Ei taumata ngu Yerusalem, pahul᷊iaghiko!
Tuhungeko! Ratu ngu kasongonge dingang u kal᷊auntung!
I sie ratu ko maadili ko numbawa kasasal᷊amati.
Kateho dingang kasasana u naung i sie nasongo
nusumake keledai, simbau keledai ko makuda.
10 #
Mzm. 72:8 Mawu nuhengetang,
“Manga kereta ngu parang bou Efraim sarung Daku irume,
kaul᷊i u kawal᷊o su Yerusalem sarung Daku ipakailang
dang kaul᷊i u papiti sarung Daku ipakaghaghoro.
Ratu ngu sarung mamohang u purarame su tal᷊oara u manga bangsa.
Bou l᷊auri sarang l᷊auri i sie sarung mangawasa,
bou Sal᷊uhi Efrat murating sarang pondol᷊i u dunia.”
Pangangul᷊e kakakoa u umati Mawu Ruata
11 #
Sasu. 24:8
Mawu nuhengetang su umati-E,
“Ual᷊ingu pudadiandi ko Daku nikoa dingang i kumu,
pudadiandi ko nitatapi dingang u daha ngu korbang sasumba,
sarung Daku il᷊iwiri ana u kawanuangu
ko kaputatahang u singsara su pundandumekang
kere taumata ko nakuhung su l᷊al᷊ung u pahighi ko mamara.
12Pusul᷊ete ei manga taumata ko nirume,
orasi i'i i kumu pia pul᷊aharapi.
Pusul᷊ete sarang tampa pusasirungangu,
Ia sarung tatapi mangal᷊amati si kumu.
Pundaringihiko: Pakarua i kumu sarung Daku al᷊amating
ual᷊ingu apang singsara ko seng nikapundangeng i kumu.
13Yehuda sarung Daku ipake kere papiti u ko wawahani,
dang Israel kere horo ngu papiti ko seng kate manguti.
Taumata ngu Sion Daku ipake kere pera;
dingang u pera e'e manga tau Yunani sarung Daku pilikang.”
14 Mawu sarung mutingkaandaghi u watangeng-E su umati-E,
kere kila manga horo ngu papiti-E ikuti-E.
Mawu Ko Karangetange sarung maniu tarompeti tatia ngu mangalo
bou e'e l᷊umal᷊eng mangansing su l᷊al᷊ung u suwu-suwu bou timuhi.
15Umati-E nal᷊ahe isirung-E,
hakiu kaul᷊i u roka botonge ikawata i sire.
Kere kiha u taumata ko bukang,
kere'e kiha i sire su l᷊al᷊ung u parang.
Kere daha ngu korbang ko nisiwohi su wawo u mesba,
kere'e l᷊ai daha ngu roka i sire nusoang.
16Boko l᷊ou e'e ruminta, Mawu sarung manal᷊amati umati-E,
kere mul᷊al᷊ukari mangambang dombae bou silaka.
I sire sarung musuminang su tana ngu Mawu,
kere permata ngu makota ko kukerong.
17Wal᷊inge gampang kapiange ntihang tana ngu Mawu e'e,
wal᷊inge gampang kapiange l᷊au kasidadae!
Su se'e anggori l᷊au gandung maehong tumuwo,
makakoa ana ko makakuda ko ese kowawine manamba matoghasi.
Currently Selected:
ZAKHARIA 9: PLT
Highlight
Share
Compare
Copy
Want to have your highlights saved across all your devices? Sign up or sign in
