ZAKHARIA 6
6
Kawawua hal᷊i u pa u wau kereta ngu parang
1Ia nakahombang kawawua ko wal᷊inge. Paghisa i'i ia nakawua pa u wau kereta ngu parang nusumuwang bou tal᷊oara u wul᷊uri u witu darua. 2#Kl᷊h. 6:4-5Manga kereta e'e niwol᷊eng u pira mpari kawal᷊o, kahimotongange kawal᷊o ko mahamu, karuange kawal᷊o ko maitung, 3#Kl᷊h. 6:2 katilunge kawal᷊o ko mawira dang kapae kawal᷊o ko pia tonte'e. 4Ia nakina su malaikati e'e, “Tuang, ko apa mangal᷊enge manga kereta ngu parang i'i?”
5 #
Kl᷊h. 7:1
I sie nusumimbahi, “I sire nuwua sarang wukunge pa suapang bou nupasaruang Mawu patiku dunia. 6Kereta ngu parang ko niwol᷊eng u kawal᷊o ko maitung nakoa sarang Babel su sawunahi. Kawal᷊o ko mawira nakoa sarang wahe dang kawal᷊o ko pia tonte'e nakoa sarang negara su timuhi.”
7Su tempo ngu kawal᷊o ko pia tonte'e e'e nusumuwang, i sire tuhungang seng ta makasabari matamai mamariksa dunia. Malaikati e'e nangul᷊i, “Tamaiko pariksai dunia!” Bou e'e i sire natamai. 8Mbuhue malaikati e'e nukui si sia, “Kawal᷊o ko natamai sarang Babel e'e seng nakailang wawal᷊uang u Mawu.”
Parenta putaing u makota si Yosua
9 Mawu nangonggo u tatanata i'i si sia. 10Hengetang-E, “Pangal᷊ako sasumba ko nionggo i Heldai, i Tobia l᷊au i Yedaya, e'e ko manga taumata ko mbuhue nusul᷊e bou pundandumekang su Babel. Wawako pakaehong sasumba ngi sire e'e sarang wal᷊e ngi Yosia l᷊au i Zefanya. 11Bou wul᷊aeng l᷊au sal᷊aka l᷊aonggo i sire e'e, pukoako makota simbau dang taingko su timbo i Yosua Imam Ko L᷊abo ana i Yozadak. 12#Yer. 23:5, 33:15; Za. 3:8Habariko si sie himoneu Ia Mawu Ko Makawasa nuhengetang, ‘Taumata ko nisigho Si Tumbal᷊i, sarung makauntung su tampa i sie ene dang i sie sarung sau mamangung Wal᷊e ngu Mawu. 13Ko i sie sarung mamangung Wal᷊e-Ku dang manarima l᷊aadati kere singkatau ratu, dang i sie sarung mamarenta su ana u kawanuange. Singkatau imam sarung mutumakiri si sie dang i sie sarung muhal᷊i singkahindo dingang mapia.’ 14Makota e'e nireso su Wal᷊e-Ku tadeau putinaungang si Heldai,#6:14: Simbau salenang ko tuwei: Heldai; Ibrani: Helem. si Tobia, si Yedaya l᷊au si Yosia.#6:14: Simbau salenang ko tuwei: Yosia; Ibrani: Hen. 15Manga taumata sarung musumongo bou manga tampa ko mararau dang mutul᷊ung mamangung Wal᷊e-Ku. Boko pamamangung e'e seng masue, i sire sarung matitong himoneu Ia Mawu Ko Makawasa seng nundoi si kau pakoa sarang koa i sire. Kaul᷊i u e'e sarung mariadi boko i sire tinga-tingari mutumuhu apang parenta-Ku, Mawu Ruata ngi sire.”
Currently Selected:
ZAKHARIA 6: PLT
Highlight
Share
Compare
Copy
Want to have your highlights saved across all your devices? Sign up or sign in
