ZAKHARIA 5
5
Kawawua hal᷊i u l᷊ul᷊ung u buki ko nutumila
1Ia sau nutuhung, dang paghisa i'i daku nikawua simbau l᷊ul᷊ung u buki nitilae su kinoang. 2Malaikati e'e nakina apa ko daku nikawua. Nisimbahiku, “Simbau l᷊ul᷊ung u buki nitilae su kinoang. Nandue sio meteri dang wunahie pa u meteri stenga.”
3Bou e'e i sie nangul᷊i si sia, “Su l᷊ul᷊ung u buki e'e kawawohe kutoki su kaul᷊i u wanua i'i. Su simbuka kawawohe himoneu apang tahatako sarung ipasuwang bou wanua i'i. Dang su simbuka ko wal᷊inge kawawohe himoneu apang taumata ko mutewa l᷊eo l᷊ai sarung ipasuwang. 4Mawu Ko Makawasa nuhengetang himoneu kakutoki e'e sarung intung su wawo u wal᷊e ngu apang tahatako dang su wal᷊e ngu apang taumata ko mutewa l᷊eo. Manga wal᷊e e'e sarung turusi ikahino ngu kakutoki e'e sarang maghaghoro.”
Kawawua hal᷊i u kowawine su l᷊al᷊ung u wawewekang
5Malaikati e'e sau nusumupu dang nangul᷊i, “Tuhunge! Pia l᷊ai ko nasongo!”
6“Ko apa e'e?” kakinaku.
Nisimbahie, “Simbau wawewekang. E'e ko mul᷊ahe u dosa ngu#5:6: Pira mbau salenang ko tuwei: dosa; Ibrani: mata. kaul᷊i u wanua i'i.”
7Wawewekang e'e pia tatakae bou tima. Tintal᷊a kahi daku parhatikaneng, tatakae e'e nahengke dang nikatitonang su l᷊al᷊ung u wawewekang e'e kakangiang singkatau kowawine.
8Malaikati e'e nangul᷊i, “Ko wawine i'i ko mul᷊ahe u kal᷊al᷊ai.” Bou e'e nisirae kowawine e'e sau sarang l᷊al᷊ung u wawewekang dang nitakae wawewekang e'e. 9Ia nutuhung sintarai dang nakawua dua ngkatau kowawine katilae sarang tingoku. I sire pia tatilae ko matoghasi kere tatila u burung wahoa. Wawewekang kanini nial᷊a i sire bou e'e niwawa i sire nutumila.
10Ia nakina su malaikati e'e, “Sarang apa iwawa i sire wawewekang e'e?”
11Nisimbahie, “Sarang Babel, pai se'e i sire sarung mamangung kuil gunange. Boko kuil e'e seng masue, wawewekang e'e sarung ipilo su se'e tadeau isumba.”
Currently Selected:
ZAKHARIA 5: PLT
Highlight
Share
Compare
Copy
Want to have your highlights saved across all your devices? Sign up or sign in
