ZAKHARIA 4
4
Kawawua hal᷊i u l᷊aeri u sol᷊o
1Malaikati ko seng nudidato si sia sau nusumongo dang namuko si sia kere namuko taumata ko katikie. 2“Apa ko nikawua ngu?” kakinae.
“L᷊aeri u sol᷊o bou wul᷊aeng simbau,” sasimbahiku. “Su pusue pia tampa u l᷊anange, dang su kaul᷊i u sindihange pia sol᷊o pitu, ko simbau-simbau pia tampa u sumbunge pitu. 3#Kl᷊h. 11:4Su simbuka kuihi kuaneng u l᷊aeri u sol᷊o e'e pia kau zaitung darua.”
4Bou e'e ia nakina su malaikati e'e, “Ko apa nil᷊ahe u manga barang e'e, Tuang?”
5“I kau ko wugha?” kakinae si sia.
“Wugha Tuang,” nisimbahiku.
10b #
Kl᷊h. 5:6
Malaikati e'e nangul᷊i si sia, “Sol᷊o pitu e'e ko pitu mata ngu Mawu ko mutuhung pakatiti kaul᷊i u dunia.”#4:10b: Ayeti 10b sarang ayeti 14 ial᷊ing bageang i'i bou panginsueng u pasali tadeau maatori apang ko nariadi su l᷊al᷊ung u wuke i'i makoa mapia
11 #
Kl᷊h. 11:4
Bou e'e ia sau nakina si sie, “Apa mangal᷊eng u kau zaitung darua su kuaneng kuihi bou l᷊aeri u sol᷊o e'e? 12Apa l᷊ai mangal᷊eng u penga ngu zaitung darua su sindihang u pipa wul᷊aeng ko nupaansehi u l᷊ana zaitung e'e?”
13Nisimbahie si sia, “I kau ko wugha?”
“Wugha Tuang,” nisimbahiku.
14I sie l᷊ai nangul᷊i, “E'e ko dua ngkatau ko seng nipile ngu Mawu patiku dunia dang nitibo tadeau putangkiang si Sie.”
Diandi ngu Mawu si Zerubabel
6 #
Ezr. 5:2
Malaikati e'e nangoro si sia puhabari si Zerubabel l᷊aingati u Mawu i'i, “Wal᷊inge dingang u katatoghasi u sordado dang wal᷊inge l᷊ai dingang u katatoghasiu sisane i kau sarung makauntung, kateho dingang u roh-Ku. 7Sasahaghe kere kal᷊abo u wul᷊uri l᷊ai sarung il᷊unggi-E bou tingongu. I kau sarung sau mamangung Wal᷊e-Ku, dang su tempo ngu i kau mamilo watu ko kahimotongange su tampae, manga taumata sarung maherang, ‘Wal᷊inge gampang kasidadae!’ ”
8Bou e'e nusumongo l᷊ai l᷊aingati ko wal᷊inge bou Mawu. 9Hengetang-E, “I Zerubabel seng namilo u meseli Wal᷊e-Ku, dang i sie sarung manginsue kaul᷊i u wal᷊e e'e. Boko e'e seng mariadi, umati-Ku sarung matitong himoneu ko Ia seng nundoi si kau Zakharia sarang koa i sire. 10aPia ko muheghesi hal᷊i i'i. Kateho i sire sarung makawua si Zerubabel manurusi pul᷊ahal᷊i u Wal᷊e-Ku, dang i sire sarung mal᷊uasi.”
Currently Selected:
ZAKHARIA 4: PLT
Highlight
Share
Compare
Copy
Want to have your highlights saved across all your devices? Sign up or sign in
