ZAKHARIA 3
3
Kawawua hal᷊i u Imam ko L᷊abo
1 #
Ezr. 5:2; Kl᷊h. 12:10 Su l᷊al᷊ung u kawawua ko wal᷊inge l᷊ai, Mawu nangandaghi si sia i Yosua Imam Ko L᷊abo kararisi su saruang u malaikati u Mawu. Su simbuka ngi Yosua, kararisi Setang#3:1: Setang: Makhluk adikodrati. Arenge nakoa tatia himoneu i sie nisul᷊ung kere roka u taumata. ko seng sadia mupubuha i sie. 2#Yud. 9Malaikati u Mawu #3:2: Simbau salenang ko tuwei: Malaikati u Mawu: Ibrani: Mawu. nangul᷊i su Setang, “Mal᷊umbako Mawu muhukung si kau ei Setang! Mal᷊umbako Mawu ko nukumindaghi u Yerusalem muhukung si kau. Taumata i'i kere pondol᷊i kau ko niwol᷊eng bou hena ngu putung.”
3I Yosua kararisi su se'e nul᷊oho u l᷊aku ko makotori kahingang. 4Kuteu Malaikati e'e nangul᷊i su manga musasumbala su sorga, “Rume'e l᷊aku makotori ko nil᷊oho u taumata i'i.” Dang si Yosua i sie nangul᷊i, “Dosa ngu seng daku nirume, i kau sarung daku onggol᷊ang u l᷊aku ko wuhu.”
5I sie l᷊ai nuparenta su manga musasumbalange tadeau putaing#3:5: Pira mbau salenang ko tuwei: I Sie namarenta manga l᷊ange guna ngu putaing; Ibrani: I Sie nuhengetang, “Tamaiko i sire putaing.” u paporong ko bursi su timbo i Yosua. I sire nutuhu dang bou e'e i sire nul᷊oho u pakeang ko wuhu e'e si sie nituhungang u Malaikati u Mawu.
6Bou e'e malaikati e'e nuhabari hengetang u Mawu si Yosua, 7“Boko i kau mutumuhu apang tita-Ku dang mukoa manga hal᷊i ko Daku ionggo si kau, kuteu sarang turusi i kau botonge makoa pangaha su l᷊al᷊ung u Wal᷊e-Ku dang mangurusi salasari. Ia sarung mundaringihi manga kakal᷊iomanengu, kere Ia mundaringihi kakal᷊iomaneng u manga malaikati ko ene su sindihang-Ku. 8#Yer. 23:5, 33:15; Za. 6:12Pundaringihiko ei Yosua Imam Ko L᷊abo, l᷊ai i kumu manga imam ko nakoa ringange, i kumu kaul᷊ie ko mul᷊ahe u tempo su saruang ko mapia. Su tempo e'e Ia sarung mundoi u l᷊ang-Ku ko isigho ‘Si Tumbal᷊i’. 9Daku ipilo su tingo ngi Yosua watu simbau wukunge pitu ko sarung Daku pakaneng dingang u manga wohe. Su l᷊al᷊ung u silou sarung Daku irume dosa ngu wanua i'i. 10#Mi. 4:4Boko l᷊ou e'e seng ruminta, apang taumata sarung munoti l᷊ampunge tadeau pasongo l᷊au panemang purarame l᷊au kapapia su tal᷊oara u manga awuhi anggori l᷊au manga kau ara ngi kumu.”
Currently Selected:
ZAKHARIA 3: PLT
Highlight
Share
Compare
Copy
Want to have your highlights saved across all your devices? Sign up or sign in
