ZAKHARIA 2
2
Kawawua hal᷊i u tal᷊i l᷊aukuri
1Su kawawua tuhue ia nakawua singkatau ko ese ko kapuhinggonge tal᷊i l᷊aukuri. 2“Ko sarang apa?” kakinaku.
“Mangukuri Yerusalem,” nisimbahie, “ia mo matitong minsang pira nandue l᷊au wunahi u soa e'e.”
3Bou e'e daku nikawua malaikati ko seng nudidato dingangku e'e, nul᷊umempang sarang tingo, dang singkatau malaikati ko wal᷊inge nusombang i sie. 4Malaikati ko kahimotongange nangul᷊i su malaikati ko karuange, “Tamaiko pakaehong sarang koa u ana ko makuda e'e dang ul᷊iko si sie himoneu Yerusalem sarung masise u taumata l᷊au binatang papal᷊iharang hakiu meseli ko mul᷊iku soa e'e ta ikawangung. 5Mawu seng nudiandi himoneu I Sie sisane sarung makoa putung ko mul᷊iku soa e'e guna ngu manirung soa e'e dang I Sie sarung matana su se'e su l᷊al᷊ung u apang kawasa l᷊au kawawantughi-E.”
Manga taumata ko su pundandumekang ikuiang pakapul᷊e
6-7 Mawu nuhengetang su umati-E, “Ia seng nupukaesi kumu su apang wukunge. Kateho orasi i'i ei manga taumata ko su pundandumekang, tal᷊angte bou Babel dang pusul᷊ete sarang Yerusalem. 8I sai ko mangalo si kumu, mangalo ko ikukindaghi-Ku.”
Kuteu Mawu Ko Makawasa#2:8: Naska Ibrani pia darua didato natamba ko ta ikahinganeng. nundoi si sia puhabari l᷊aingati i'i su manga bangsa ko seng nuhampasi umati-E, 9“Mawu sisane sarung mundoka si kumu! Dang i kumu sarung ihampasi u l᷊inau manga l᷊ang i kumu sisane.
Boko hal᷊i e'e mariadi, i kumu sarung matitong himoneu Mawu Ko Makawasa seng nundoi si sia.”
10 Mawu nuhengetang, “Pusamperiko dingang kal᷊al᷊uasi ei taumata ngu Yerusalem! Ia sarung matana su tal᷊oara i kumu!”
11Su tempo e'e maul᷊i bangsa sarung musumongo sarang koa u Mawu tadeau makoa umati-E. I Sie sarung matana su tal᷊oara i kumu, dang i kumu sarung matitong himoneu Mawu seng nundoi si sia sarang koa i kumu. 12Paghisa l᷊ai Yehuda sarung makoa koa u Mawu ko nitani su tana-E ko susi, dang Yerusalem sarung makoa soa ko ikukindaghi-E kahingang.
13Pakarumasie i kumu kaul᷊ie su saruang u Mawu! Ual᷊ingu I Sie seng nuwua bou tampa katanakeng-E su sorga.
Currently Selected:
ZAKHARIA 2: PLT
Highlight
Share
Compare
Copy
Want to have your highlights saved across all your devices? Sign up or sign in
