ZAKHARIA 13

1 Mawu Ko Makawasa nuhengetang, “Su l᷊ou i'i sarung mamusi kal᷊ipupu u ake simbau guna ngu mupakasusi hintou ngi Daud l᷊au taumata ngu Yerusalem bou dosa l᷊au pananumba barhala ko seng nikoa i sire. 2Su l᷊ou e'e sarung Daku imu areng u manga barhala bou tana i'i, hakiu takoae sarang singkatau ko mborong mutinaung. Kaul᷊i u taumata ko mangaku watangenge nabi sarung Daku itokol᷊i dingang i sire ko nikasukang u roh ko mal᷊eo. 3Dang boko mborong pia taumata ko mangul᷊i himoneu i sie muhabari tatanata, i papa mamange sisane sarung mangul᷊i si sie himoneu i sie mambeng ihukung pateng, watu'u ko niul᷊ie e'e ko l᷊eo. Boko i sie tatapi mangaku watangenge ko singkatau nabi l᷊ai, i sie sarung itika i papa l᷊au i mamange sisane sarang pakapate.

4Su l᷊ou e'e manga nabi sarung makapundang mamea mukakanoa kere nabi. I sire ta mul᷊oho l᷊aku u nabi guna ngu mangakal᷊i dang mangoboti u apang papatode'e. 5Su l᷊ikuru e'e, i sire sarung mangul᷊i, ‘Ia wal᷊inge nabi. Ia kitang singkatau manganganseri ko muhal᷊i su anseri su kanandu u wiahi.’ 6Dang boko taumata makina si sie, ‘L᷊esi apa ko ene su roko ngu e'e?’ i sie sarung musumimbahi, ‘Ia nikahino ngu l᷊esi e'e su wal᷊e ngu ghaweku.’ ”

Parenta tadeau pamate mul᷊al᷊ukari ko niroi u Mawu Ruata

7 # Mat. 26:31; Mrk. 14:27 Mawu Ko Makawasa nuhengetang, “Puwangungko ei pera, dang pangaloiko mul᷊al᷊ukari#13:7: mul᷊al᷊ukari: Tuhunge 11:4. ko kahal᷊ie guna ngu Ia! Pateko i sie, kuteu manga domba sarung mukaesi. Ia sarung mangalo umati-Ku, 8dang su kaul᷊i u wanua dua mbahageang tatilu bou taumatange sarung mate. 9Kitang simbahageang tatilu sarung masal᷊amati. Dang i sire e'e sarung Daku ipakasusi kere sal᷊aka ko nighora su putung. I sire sarung Daku isuka kere taumata manuka wul᷊aeng. Bou e'e i sire sarung mukal᷊iomaneng si Sia, dang Ia sarung musumimbahi si sire. Ia sarung muhengetang si sire himoneu i sire ko umati-Ku, dang i sire l᷊ai sarung mangaku himoneu ko Ia Mawu Ruata ngi sire.”

Currently Selected:

ZAKHARIA 13: PLT

Highlight

Compare

Copy