ZAKHARIA 11

Kananawo u manga mangangawasa ko matingkai

1Ei Libanon, wukako manga tukari u,

tadeau putung manutung manga kau arasu!#11:1: manga kau aras i kumu: Manga kau su l᷊al᷊ung u manga ayeti i'i ipake kere tatia manga bangsa ko matoghasi, arako manga ratu ngi sire.

2Ei kau daru, pumpal᷊ehete,

ual᷊ingu manga kau cemara seng nal᷊ahaka,

kau ko masasidada seng nal᷊engge.

Ei manga kau ko l᷊al᷊abo su Basan, sangie.

Watu'u manga l᷊al᷊o ko l᷊al᷊abo seng nasue niwuwasi.

3Raringihiko kahuang u manga mangangawasa

seng nailang kal᷊ahamaghi sire!

Raringihiko nggal᷊o u manga singa su ngudae;

watu'u katanakeng i sire su kanandu u Sal᷊uhi Yordan seng narusa.

Mul᷊al᷊ukari darua

4 Mawu Ruata nuhengetang si sia, “Pukoako kere i kau mul᷊al᷊ukari#11:4: mul᷊al᷊ukari: Nipake su si'i guna ngu tatia ngu ratu arako tumbonangu, l᷊au domba tatia ngu ana u kawanua arako tumatuhu-E. ko nul᷊ukari domba ko sarung ipoto. 5Manga mul᷊al᷊uange namate manga domba e'e dingang takoae hukumange. I sire ko nuwal᷊u daging u manga domba e'e nangul᷊i, ‘Dalo su Mawu! Orasi i'i i kite nanamba nakala!’ Manga mul᷊al᷊ukari e'e ta nukumindaghi u manga domba papal᷊iharang i sire.

6Ia mandi l᷊ai mukumindaghi si sai-sai su wanua i'i. Ia sisaneku sarung manarakang kaul᷊i u taumatange su manga mangangawasa. I sire e'e sarung mundusa wanua i'i, dang Ia sarung ta mangaho bou kawasa ngi sire.”

7Ia, i Zakharia, bou e'e niwaehang u manga mudadagang domba tadeau pul᷊ukari manga domba ko sarung ihata. Ia pia tikingku darua; simbau daku nisigho “L᷊aonggo” dang simbau l᷊ai “L᷊aiki”. Bou e'e ia nanita nundiaga dang namal᷊ihara manga domba e'e. 8Tilu ngkatau mul᷊al᷊ukari ko mubinsi u ia nanginsue kasasabariku. I sire daku niuseri su l᷊al᷊ung u tempo simbul᷊ang. 9Bou e'e ia nangul᷊i su ghapang u domba e'e, “Ia seng mandi mul᷊ukari si kumu l᷊ai. Ko mambeng mate, walate kapate, dang ko mambeng mawinasa, walate kawawinasange. Bou e'e l᷊umbeinge botonge mupapate.” 10Bou e'e tiking ko daku nisigho “L᷊aonggo” e'e daku nial᷊a dang daku nibare tadeau pamusu pudadiandi ko nikoa u Mawu dingang u kaul᷊i u bangsa. 11Su l᷊ou e'e l᷊ai pudadiandi e'e nibusu. Manga mudadagang domba e'e kaputuhunge si sia, dang i sire nakahingang himoneu Mawu kapuhengetange bou apang kakanoaku. 12-13#Mat. 26:15 #Mat. 27:9-10Ia nuhabari si sire, “Boko i tuang sire mo, onggoko wawaehiku; boko ta, kuhaete.” Bou e'e i sire nangonggo si sia tilumpul᷊o doi sal᷊aka guna ngu wawaehiku.

Mawu nuhengetang si sia, “Tahoko doi e'e su l᷊al᷊ung u kasi u Wal᷊e-Ku.”#11:12-13: Pira mbau salenang ko tuwei: Mupasu doi e'e su l᷊al᷊ung u kasi su Wal᷊e ngu MawuKu; Ibrani: Onggoko doi e'e su panapuang u logam. Inau daku nitaho tilumpul᷊o doi sal᷊aka e'e su l᷊al᷊ung u kasi u Wal᷊e ngu Mawu. Kitang e'e pul᷊ahariga ngi sire si sia! 14Bou e'e daku nibare tikingku ko karuange, e'e ko daku nisigho, “L᷊aiki”, kuteu nahosete kasasimbau u Yehuda l᷊au Israel.

15Bou e'e Mawu nuhengetang si sia, “Pukoako paghisa l᷊ai kere i kau ko mul᷊al᷊ukari, kateho paghisa i'i kere mul᷊al᷊ukari ko dal᷊ai. 16Ual᷊ingu Ia sarung mangoro singkatau mul᷊al᷊ukari tadeau pundiaga ghapang u domba-Ku, kateho i sie ta mupandung domba ko nailang; i sie ta mundea domba ko napal᷊iri, ta l᷊ai mangundang domba ko nal᷊esi, dang ta mangonggo kang su domba ko mborong wiahi. Katewe i sie sisane nukumina daging u domba ko katawange dang nanawu manga kanuku ngu binatang e'e. 17Kasasilaka su mul᷊al᷊ukari ko takoae gunange e'e! I sie seng nanintang u ghapang u dombae. Parang sarung manginsue kawasange. Takiahie sarung makoa ko l᷊ome dang matange ko kuaneng makoa ko wuta.”

Currently Selected:

ZAKHARIA 11: PLT

Highlight

Compare

Copy