REKENANG 8
8
Hal᷊i mamilo u sol᷊o
1 #
Sasu. 25:31-40, 37:17-24 Mawu nuhengetang si Musa, 2“Habariko si Harun himoneu su tempo i sie mundiko sol᷊o pitu su rihi ngu sol᷊o e'e, i sie mambeng mundiko kere'e kakakoae tadeau makasua tingo ngu rihi ngu sol᷊o e'e.” 3I Harun nukoa apang ko niparenta ngu Mawu. I sie nundiko manga sol᷊o e'e tumatingo tingo rihi ngu sol᷊o. 4Tampa u sol᷊o e'e, murating sarang wawoe dang manga bungang l᷊al᷊ighahie nikoa bou wul᷊aeng nighora, tumuhu tal᷊ara kere ko niandaghi Mawu si Musa.
Pul᷊ahengke u manga taumata ngu Lewi
5 Mawu nuhengetang si Musa, 6“Pul᷊ahaeko manga tau Lewi bou tau Israel ko wal᷊inge dang koako tundu ngu mupakasusi guna ngi sire 7dingang kakakoa i'i: pusiko i sire dingang ake guna ngu tundu mupakasusi dang roiko i sire pagahuri kaul᷊i u badang dang pangunsa pakeang i sire. Dingang kere'e i sire naburesi. 8Bou e'e roiko i sire pangal᷊a sapi ko ese paranggang simbau dingang u korbang l᷊ahaghesi bou tapong nil᷊aukang u l᷊ana. Bou e'e i kau mambeng pangal᷊a sapi ko ese ko wal᷊inge simbau guna ngu korbang pangangampung u dosa. 9Bou e'e komol᷊iko kaul᷊i u umati Israel, dang roiko tau Lewi pararisi su tingo ngu Kema-Ku. 10Umati mambeng panimbo ngu l᷊ima ngi sire su wawo timbo u apang tau Lewi, 11bou e'e i Harun mambeng manumba ngu apang tau Lewi e'e kere sasumba taniang bou tau Israel si Sia, tadeau i sire botonge mukoa nggaweti si Sia. 12Bou e'e tau Lewi mambeng panimbo ngu l᷊ima ngi sire su wawo timbo u sapi ko ese darua e'e; ko simbau mambeng isumba guna ngu korbang pangangampung u dosa, dang ko simbau l᷊ai guna ngu korbang tongkateng. Dingang u upacara e'e tau Lewi ipakasusi.
13Taniko manga tau Lewi umati-Ku dang roiko i sire putangkiang si Harun dang manga anae. 14Dingang u upacara e'e i kumu mupuhae ngu manga tau Lewi bou tau Israel ko wal᷊inge, tadeau mariadi koa-Ku. 15Suapang i kau nukoa upacara pananarakang manga tau Lewi e'e, i sire pia haki guna ngu muhal᷊i su Kema-Ku. 16Ia seng nukoa si sire kere ghaghanti kaul᷊i u ana ko ese iyakang u tau Israel; inau i sire e'e ko nitani guna ngu Ia. 17#Sasu. 13:2Su tempo ngu Ia namate kaul᷊i u ana iyakang su Mesir, manga ana ko ese iyakang bou walagheng tau Israel dang apang binatang ko nihana kahimotongange seng Daku niriadi koa-Ku ko nitani. 18Orasi i'i kere ghaghanti kaul᷊i u ana iyakang tau Israel, Daku al᷊akeng apang tau Lewi, 19dang manga tau Lewi e'e Daku isarakang si Harun dang manga anae, tadeau botonge muhal᷊i guna ngu tau Israel su l᷊al᷊ung u Kema-Ku. L᷊ai tadeau i sire mundo pangangampung-Ku guna ngu bangsa Israel tadeau bangsa e'e ta kahumpakeng u silaka kamangkeng i sire sumongo tumaniu masandighi sarang tampa ko susi e'e.”
20Ual᷊ingu e'e i Musa, i Harun dang kaul᷊i u umati Israel nanumba ngu tau Lewi su Mawu, kere ko niparenta ngu Mawu si Musa. 21Manga tau Lewi e'e nikoa upacara mupakasusi ngu watangenge dang mangunsa pakeang i sire, bou e'e i Harun nanumba ngi sire kere l᷊aonggo nitani su Mawu. I sie nukoa l᷊ai tundu ngu mupakasusi ngi sire. 22Tau Israel nukoa patiku ko niparenta ngu Mawu si Musa bou hal᷊i u tau Lewi. Dingang kere'e tau Lewi nakahombang haki guna ngu muhal᷊i su l᷊al᷊ung u Kema ngu Mawu su l᷊al᷊ung u l᷊aaha i Harun dang manga anae.
23 Mawu nuhengetang si Musa, 24“Apang tau Lewi ko umurie su wawo u duampul᷊ol᷊ima su taunge, mambeng mukoa hal᷊i su l᷊al᷊ung u Kema-Ku, 25dang su umuri l᷊imampul᷊o su taunge i sie ipilo bou hal᷊i e'e. 26Bou e'e i sie botonge musumbala tau Lewi ko wal᷊inge ko kahal᷊ie su l᷊al᷊ung u Kema-Ku, kateho i sie takoae l᷊ai hal᷊ie ko matatapi. Kere kakakoae mangatori hal᷊i u manga tau Lewi.”
Currently Selected:
REKENANG 8: PLT
Highlight
Copy
Compare
Share
Want to have your highlights saved across all your devices? Sign up or sign in
