REKENANG 7
7
Sasumba ngu manga pangaha
1Su tempo ngi Musa nasue nupararisi Kema ngu Mawu, Kema e'e dingang u kaul᷊i u sal᷊iumpuhi nitabisi dingang niwuhae kaul᷊ie dingang u l᷊ana upacara. Kere l᷊ai nikoae su mesba dingang u manga kaul᷊i u sal᷊iumpuhi. 2Bou e'e manga matilang u Israel, e'e ko manga tumbonang u suku ko mutuhung su hal᷊i u pundarekeng kawanua, 3Nanumba su saruang u Mawu roda nungu wau dang sapi mapul᷊odua, apang dua ngkatau tumbonang u tampa nunggile roda simbau dang singkatau-singkatau sapi pusimbau. Bou e'e niwawa i sire kere sasumba, 4Mawu nuhengetang si Musa, 5“Tarimako manga l᷊aonggo e'e guna ngu puhengketang Kema-Ku; sarakangko kaul᷊ie e'e su tau Lewi musul᷊ung dingang u hal᷊i i sire.” 6Bou e'e manga roda dang manga sapi e'e nisarakang i Musa su tau Lewi. 7Roda darua dang sapi pa nionggoe su manga tau Gerson, 8roda pa dang sapi wal᷊u su manga tau Merari, musul᷊ung dingang u hal᷊i ko nihal᷊ikang i sire su aha i Itamar, ana i Imam Harun. 9Kateho manga tau Kehat ta nanarima u roda arako sapi bo i Musa, watu'u manga sal᷊iumpuhi ko susi ko makoa tanggongang i sire, mambeng pikul᷊ang i sire su wumbang.
10Manga tumbonang mumbawa sasumba guna ngu mamantughi upacara pananabisi mesba. Su tempo i sire seng nasadia mumbawa l᷊aonggo i sire sarang tingo ngu mesba, 11Mawu nuhengetang si Musa, “Habariko si sire tadeau sintinia l᷊ou kal᷊iwuengu mapul᷊odua su l᷊ounge singkatau su tal᷊oara u manga pangaha e'e mambeng mupanumba ngu korbang i sire guna ngu tundu pananabisi mesba.”
12-83Singkatau-singkatau mumbawa sasumba ngi sire kiri'i:
| L᷊ou | Suku | Pangaha |
|---|---|---|
| Ka-1 | i Yehuda | i Nahason ana i Aminadab |
| Ka-2 | i Isakhar | i Netaneel ana i Zuar |
| Ka-3 | i Zebulon | i Eliab ana i Helon |
| Ka-4 | i Ruben | i Elizur ana i Syedeur |
| Ka-5 | i Simeon | i Selumiel ana i Zurisyadai |
| Ka-6 | i Gad | i Elyasaf ana i Rehuel |
| Ka-7 | i Efraim | i Elisama ana i Amihud |
| Ka-8 | i Manasye | i Gamaliel ana i Pedazur |
| Ka-9 | i Benyamin | i Abidan ana i Gideoni |
| Ka-10 | i Dan | i Ahiezer ana i Amisyadai |
| Ka-11 | i Asyer | i Pagiel ana i Okhran |
| Ka-12 | i Naftali | i Ahira ana i Enan |
Sasumba ngi sire singkatau-singkatau ko musul᷊ung: pinggang sal᷊aka simbau ko buhae singkilo stenga dang loyang sal᷊aka simbau ko buhae wal᷊uhasu su grame, tuhu timbangang ko ipake su Kema ngu Mawu. Tampa darua e'e tahone tapong pakapene dang nil᷊aukang l᷊ana dingang u sasumba l᷊ahaghesi. Su l᷊ikuru e'e pinggang wul᷊aeng simbau ko buhae mahasumapul᷊o su grame taho u dupa; sapi ko ese umbaseng simbau, domba ko ese simbau dang ana u domba simbau ko umurie sintaung guna ngu korbang tongkateng, l᷊ai kambing ko ese guna ngu korbang pangangampung u dosa; sapi darua, domba ko ese l᷊ima, kambing ko ese l᷊ima, dang domba l᷊ima ko umurie sintaung guna ngu korbang purarame.
84-88Sasumba ko iwawau mapul᷊odua pangaha guna ngu pananabisi mesba e'e kaul᷊i:
— mapul᷊odua pinggang sal᷊aka dang mapul᷊odua loyang sal᷊aka ko buhae duampul᷊opitu su kilonge nungu onse
— mapul᷊odua pinggang wul᷊aeng ko buhae kaul᷊ie singkilo tilumpul᷊odua su onse, napene taho u dupa
— mapul᷊odua sapi ko ese, mapul᷊odua domba ko ese, dang mapul᷊odua ana u domba ko umurie sintaung, singkahindo dingang u korbang l᷊ahaghesi kere panimu korbang tongkateng
— mapul᷊odua kambing guna ngu korbang pangangampung dosa
— duampul᷊opa sapi ko ese, nungupul᷊o domba ko ese, nungupul᷊o kambing dang nungupul᷊o ana u domba ko umurie sintaung guna ngu korbang purarame.
89Sintinia l᷊ou i Musa musumu su l᷊al᷊ung u Kema ngu Mawu guna ngu mudidato dingang u Mawu, i sie nakaringihi tingihi Mawu ko nuhengetang si sie bou tataka u Wantal᷊i u Pudadiandi su tal᷊oara u darua patong u kerub. #7:89: kerub: Narekeng malaikati ko nigambari musul᷊ung u binatang pia tatilae, nakoa kasasusi ngu Mawu Ruata dang sasongo-E.
Currently Selected:
REKENANG 7: PLT
Highlight
Copy
Compare
Share
Want to have your highlights saved across all your devices? Sign up or sign in
