MALEAKHI 1
1
1Ko i'i tatanata ngu Mawu si Maleakhi guna ngu umati Israel.
Kakindaghi u Mawu su Israel
2 #
Rm. 9:13
#
Yes. 34:5-17, 63:1-6; Yer. 49:7-22; Yeh. 25:12-14, 35:1-15; Am. 1:11-12; Ob. 1-14 Mawu nuhengetang su umati-E, “Ia mukumindaghi si kumu.” Kateho i sire nusumimbahi, “Kirapa Mawu mukumindaghi i kami?”
Mawu nusumimbahi, “Wal᷊ingewe i Esau tuhang i Yakub? Kateho i Yakub Daku nikindaghi, 3arawe i Esau Daku nipubinsi. Tampa ko pia bongkonge koa i Esau seng Daku nighaghoro, dang tanange Daku nisarakang su manga binatang l᷊ul᷊u su tana l᷊inggi.”
4Andenge hintou ngi Esau, manga tau Edom e'e mangul᷊i, “Manga soa ngi kami seng nighaghoro, kateho sarung sau iwangung i kami,” kuteu Mawu sarung musumimbahi, “I sire botonge sau mamangung, kateho sarung Daku l᷊enggeng. I sire sarung isigho, ‘Wanua ko durhaka’ dang ‘Bangsa ko nikahino ngu wawal᷊uang ngu Mawu sarang kal᷊iwuenge.’ ”
5Bangsa Israel sarung makawua sisane, dang mangul᷊i, “Ko l᷊abo kahingang Mawu; kawasang-E murating sarang l᷊ikuru tana Israel!”
Mawu nangonggo tughu ko mahasa su manga imam
6 Mawu Ko Makawasa nuhengetang su manga imam, “Singkatau ana mangadati si papange, dang singkatau paparentang mangadati mawunge. Ia i'i ko I Yamangu; nakurawe i kumu ta mangadati si Sia? Ia i'i ko mawungu; nakurawe i kumu ta mataku u Ia? I kumu nuhinakang si Sia, kateho i kumu nakina, ‘Dingang l᷊al᷊eng kirapa i kami nuhinakang si Kau?’ 7Dingang numbawa sasumba kang ko ta hinonge isumba su wawo u mesba-Ku. Bou e'e i kumu nakina, ‘Dingang l᷊al᷊eng kirapa i kami nupakasana si Kau?’ Dingang nupakal᷊amuhu mesba-Ku. 8#Sau. 15:21 Boko i kumu mumbawa sasumba si Sia binatang ko wuta, ko masaki arako ko peosi, wal᷊ingewe e'e kakanoa ko nunsal᷊a? Kenang pangonggo binatang ko kere'e su Gubernur! Apa i sie sarung mal᷊uasi dang mukoa si kumu dingang mapia?”
9Orasi i'i, ei manga imam, kenangko pukahioro su Mawu Ruata tadeau I Sie mukumindaghi si kite. I Sie sarung ta musumimbahi kakal᷊iomaneng i kumu, dang e'e ko sal᷊a ngi kumu sisane. 10Mawu Ko Makawasa nuhengetang, “Mapiang tukari u Wal᷊e-Ku nitaka, watu'u ko takoae mangal᷊enge i kumu mundiko putung su wawo u mesba-Ku. Ia ta masanang si kumu, dang mandi manarima sasumba ngi kumu. 11Ia niadateng u apang bangsa su kaul᷊i u dunia. Su apang tampa dupa nitutung guna ngu mangadati areng-Ku dang manumba ngu manga korbang ko nutatahino, watu'u kaul᷊i u bangsa mangadati si Sia! 12Arawe i kumu nuhinakang si Sia ual᷊ingu mangiral᷊ing mesba-Ku takoae harigange, dang numbawa sasumba su se'e kang ko ta ikao i kumu. 13Angkung i kumu, ‘I kite seng nasahe ngu kaul᷊i u e'e’, dang i kumu nupakasana u Ia. I kumu numbawa binatang ko nitako, binatang ko peosi arako ko masaki guna ngu isumba si Sia. Su naung i kumu Ia mo manarima sasumba ngi kumu e'e? 14Kasasilaka si kumu ko tahapangakal᷊i ko numbawa sasumba si Sia binatang ko takoae harigange, boko su tal᷊oara u binatang papal᷊iharange pia binatang ko mapia ko seng nipudiandie si Sia! Watu'u ko Ia Ratu Ko Mawantughi, dang niadateng u kaul᷊i u bangsa.”
Currently Selected:
MALEAKHI 1: PLT
Highlight
Share
Compare
Copy
Want to have your highlights saved across all your devices? Sign up or sign in
