HABAKUK 3
3
Kakal᷊iomaneng i Habakuk
1Ko i'i kakal᷊iomaneng i Nabi Habakuk: #3:1: Wahasa ngu Ibrani pia manga didato tatambange ko ta mal᷊ahe mangal᷊enge.
2O Mawu, daku nikaringihi hal᷊i u kakanoa-U,
kuteu pundang kawawantughi namene naungku.
Mal᷊umbako kakanoa-U ko l᷊abo e'e sau ikoa-U
dang ipakal᷊ahe-U su tempo ngi kami i'i.
Kere wotonge I Kau mukumindaghi si kami
manengwe naung-U mborong matiti.
3I Kau Mawu Ruata Ko Kasusinge nusumongo bou Teman, #3:3: Téman musul᷊ung dingang Edom.
I Kau nusumongo bou manga wul᷊uri u Paran.
L᷊angi nil᷊iwungang u kawawantughi-U;
dunia napene u dadalo si Kau.
4I Kau nusumongo dingang u kasasua ko kukerong,
bou l᷊ima-U nusumuwang sinang ko mahamaghi,
ko su se'e kawasa-U niwuni-U.
5Niroi-U sahinda pal᷊al᷊eng su saruang-U
dang papate patuhu su l᷊ikuri-U.
6Boko I Kau mangiro, dunia mukumende;
boko I Kau mumbawua, manga bangsa mughigho.
Manga wul᷊uri ko tatapi ene mawawuka';
manga bongkonge ko tatapi ene l᷊ai mutingkasana,
su manga bongkonge e'e
I Kau kal᷊al᷊enge mangki tempo horo.
7Daku nikawua ana u kawanua ngu Kusyan su katatakutang,
dang tau Midian kakendenge.
8O Mawu, ko ual᷊ing u l᷊auri nakaawi daha-U?
Ko manga sal᷊uhi nakapuwawal᷊uang si Kau?
Nisakenang-U winawa kere kawal᷊o l᷊au kereta ngu parang,
su tempo ngu umati-U nionggol᷊ang-U kal᷊auntung.
9Papiti-U seng nisadia-U,
horo ngu papiti-U seng sadia ipiti.#3:9: Botonge mariadi mangal᷊enge: papiti-U sadia ipiti.
Bou e'e dunia niwuka-U nakoa manga sal᷊uhi.
10Nakawua si Kau, manga wul᷊uri naghio
bou l᷊angi nurumasehi tahiti kere ko niwoso.
Ake su wal᷊ang u tana ghughal᷊udu tingihie,
l᷊ua mukakal᷊iu l᷊au susahoka.
11Sinang u manga papiti-U tutiol᷊o masahawu,
l᷊al᷊eang-U kukerong kukila,
kuteu nangirote matangutiti l᷊au wul᷊ang su tampae.
12Dingang u wawal᷊uang I Kau nul᷊iku dunia;
manga bangsa nitatotokang-U dingang naung ko matiti.
13I Kau natamai nul᷊umempang tadeau mul᷊iwiri umati-U
dang tadeau manal᷊amati ratu ko nipile-U.
I Kau nangoka hakiu nanawo pangaha u taumata ko dal᷊al᷊ai,
nipangiro-U sarang nasue kaul᷊ie tumatuhue.#3:13: botonge mariadi mangal᷊enge: Nipangiro-U … tumatuhue.
14Manga papiti-U natupasi su pangaha u pasukang u roka
su tempo ngu sordadonge nusumongo kere katoghasi u suwu-suwu,
tadeau i kami ipukaesi.
I sire nul᷊umighei dingang u kal᷊al᷊iaghi
kere taumata ko dingang marumasi
manira taumata ko susa wiahi. #3:14: Su l᷊al᷊ung u naska Ibrani ayeti kapul᷊opae ta mal᷊ahe.
15Dingang u kawal᷊o-U I Kau nul᷊inda-l᷊inda taghal᷊oang
dang l᷊auri ko mawira susuwu.
16Nakaringihi e'e, naungku nataku
dang wiwihiku kakendenge.
Ia nal᷊ome takoae katatoghasiku,
l᷊aeriku nasangkong,#3:16: Botonge mariadi mangal᷊enge: l᷊aeriku nasangkong; Ibrani: ia nubingo, ual᷊ingu. maneng sarang apa ia l᷊umal᷊eng.
Ia sarung mangampal᷊i dingang matatapi
hukumang u Mawu Ruata su manga mangangalo.
17Maneng l᷊ai kau ara ta nuwua
dang kau anggori takoae wuange,
maneng l᷊ai tempo ngu pananipo zaitung ta nariadi
dang suke ngu gandung su anseri makasusa naung,
maneng l᷊ai manga domba nate kaul᷊ie
dang kuhung u binatang papal᷊iharang takoae tahoe,
18ia sarung sintinia mal᷊uasi,
watu'u I Kau Mawu Ruata mananal᷊amatiku.
19 #
2Sam. 22:34; Mzm. 18:33 I Kau mangonggo si sia katatoghasi
kere l᷊aeri u rusa, l᷊aeriku nipakatoghasi-U.
I Kau manata si sia tadeau matatapi
su tempo ngu mul᷊umal᷊eng su manga wul᷊uri.
Currently Selected:
HABAKUK 3: PLT
Highlight
Share
Compare
Copy
Want to have your highlights saved across all your devices? Sign up or sign in
