HABAKUK 2
2
Sasimbahi Mawu si Habakuk
1Ia mo mawi sarang manara pudadiagaku, dang mangampal᷊i apang ko sarung ipuhengetang u Mawu si sia, dang kirapa sasimbahi-E su kakahioroku.
2 Mawu nusumimbahi si sia kiri'i, “Pakangko pakal᷊ahe su kempang u tana liling, apang ko Daku ipakal᷊ahe si kau, tadeau botonge ikabasa mal᷊ahe. 3#Ibr. 10:37Woheko e'e, watu'u orasi i'i mborong tangkeng temponge. Kateho tempo e'e seng maehong murating, dang apang ko Daku ihabari si kau nal᷊ahe sarung mariadi. Manengwe tuhungang mborong mal᷊iwue, kateho pangampal᷊i! Tempo e'e nal᷊ahe sarung musumongo dang sarung ta ikasoho. 4#Rm. 1:17; Gal. 3:11; Ibr. 10:38Dang putinaungko: Taumata ko dal᷊ai sarung ta masal᷊amati,#2:4: Botonge mariadi mangal᷊enge: sarung ta masal᷊amati. arawe taumata ko mukoa kao u Mawu Ruata sarung muwiahi ual᷊ingu kasasatiange su Mawu Ruata.”
Kakutoki su taumata ko dal᷊ai
5Kakakala#2:5: kakakala arako: pusasingking. e'e sintinia mangakal᷊i taumata. Taumata ko maanggang e'e maoboti dang ibalisange. Kere papate, i sie l᷊ai ta masasahe; bangsa dingang u bangsa iahonge. 6Kateho kaul᷊ie ko nikawatae e'e sarung manindiri l᷊au muheghesi. I sie sarung mangul᷊i, “Kasasilaka si kau watu'u mangambung rarotong ko wal᷊inge koau! Sarang kangereng l᷊ai i kau mupakakala u watangengu dingang manihasa manga taumata ko pia utange si kau tadeau pamaehi utang i sire?”
7Kateho ta nikahinganengu, i kau seng namata taumata ko wal᷊inge, sarung mangutang l᷊ai dang isihasa tadeau pamaehi rentenge. Manga rokau sarung musumongo dang makataku si kau. I sire sarung muhampasi rarotongu! 8I kau seng nuhampasi bangsa maul᷊i, kateho manga bangsa ko nakal᷊iwiri sarung muhampasi si kau, ual᷊ingu pamamate ko seng nikoau, dang ual᷊ingu katatingkai u su manga wanua, manga soa l᷊au taumatange. #2:8: Wanua … taumatange arako: taumata ngu dunia l᷊au manga soae.
9Kasasilaka si kau! I kau mupakakala wal᷊aghengu dingang u kal᷊auntung ko nikareau dingang u katatingkai, tadeau wal᷊e ngu sisane matatapi dang maghea bou kasasusa l᷊au silaka. 10Kateho kiroungu e'e kitang mupakamea su walaghengu. Dingang muhampasi bangsa maul᷊i, i kau makarugi watangengu sisane. 11Sarang manga watu su meseli kakihae kapangutoki si kau, dang manga rihi ngu wal᷊e kapuhabari kiha e'e.
12Kasasilaka si kau! I kau mupararisi soa su pung u ko l᷊al᷊ai dang mamangung dingang pamamate. 13Manga bangsa ko nikawata u mutatitehi takoae mangal᷊enge, dang apang haghi ko ipararisi i sire masue ikang u putung. Kaul᷊i u e'e ko kao u Mawu Ko Makawasa. 14#Yes. 11:9Kateho kere l᷊auri ko napene u ake, kere'e l᷊ai dunia sarung ipeneng u titong hal᷊i u Mawu l᷊au kawasang-E.
15Kasasilaka si kau! I kau muhinakang dang mupakamea manga l᷊ampung u; i kau mukoa si sire nisemperi kere taumata ko bukang. 16Orasi i'i nurating bahageangu ipakamea dang wal᷊inge iadateng. L᷊aadati si kau sarung muwal᷊u makoa kal᷊ahina. Mawu sarung manihasa si kau panginung bou cawang ko pia tahoe hukumang si kau. I kau sarung manginung dang isemperi. 17I kau manuwang manga kau su nguda u Libanon, dang orasi i'i i kau sisane ngu sarung ituwang. I kau mamate manga binatange, dang orasi i'i manga binatang makataku si kau. Kaul᷊i u e'e mariadi ual᷊ingu pamamate l᷊au katatingkai ko seng nikoa u su manga wanua, manga soa, l᷊au su manga taumatange.#2:17: wanua … taumatange: Tuhunge 2:8.
18-19Kakutoki si kau! I kau mangul᷊i su kau simpoto, “Puwangungko!” arako su watu ko l᷊abo simbau, “Darisiko!” Apa botonge patong simbau mangul᷊i manga apa si kau? Botonge mariadi patong e'e nilapisang u wul᷊aeng l᷊au sal᷊aka, kateho sinango takoae si sie. Apa mangal᷊enge patong barhala? E'e kitang nikoa u taumata. Ko ikareau bo i sie kitang l᷊eo sisane. Takoae mangal᷊enge pangangimang u ko nukoa barhala su ko nikoa u l᷊imange, ko ta makapudidato e'e.
20 Mawu ene su Wal᷊e-Nge ko susi; kenangko kaul᷊i u taumata su dunia putingkarumasi su saruang-E.
Currently Selected:
HABAKUK 2: PLT
Highlight
Share
Compare
Copy
Want to have your highlights saved across all your devices? Sign up or sign in
