HABAKUK 1
1
1Ko i'i tatanata nil᷊ahe u Mawu si Nabi Habakuk.
I Habakuk nasusa naunge hal᷊i u takoae kal᷊aadili
2O Mawu, sarang kangereng ia mambeng makitul᷊ung? Kangereng I Kau sarung mundaringihi dang manal᷊amati si kami bou pananira? 3Nakurawe I Kau namala si sia putuhung kere'e kaul᷊ie kal᷊al᷊ai? Tumaniewe I Kau makataeri mutuhung kere'e kaul᷊ie palanggarang? Su apang tampa pia kaghaghoghahi l᷊au pamamahang, pukakoka l᷊au purarendehi. 4Tita ta nisumpikang dang kal᷊aadili ta sarang paghisa nipararisi. Taumata ko dal᷊ai makauntung su taumata ko matul᷊iri, kuteu kal᷊aadili niwal᷊intuing.
Sasimbahi Mawu
5 #
Wuk. 13:41 Bou e'e Mawu nuhengetang su umati-E, “Putuhungko pakapia-pia manga bangsa ko masandighi kumu, kuteu i kumu sarung maherang dang nahuwi, Watu'u su tempo ngi kumu Ia sarung mukoa simbau, ko ta ipangimaneng i kumu boko kitang iwuke si kumu. 6Bangsa Babel ko wawahani dang ko mawawal᷊uang e'e sarung Daku ikoa bangsa ko pia kawasange. I sire mutatente musumuwang bou wanuange dang mul᷊iku kal᷊abo u dunia tadeau mangawasa manga bangsa ko wal᷊inge. 7I sire makasongo katataku su apang tampa; dingang u kal᷊aoboti, i sire mandi mutumuhu kaul᷊i u tita su l᷊ikuri ko makahino kao i sire.
8Kawal᷊onge lebe masahawu bou macan tutul, dang lebe wahani bou sarigala ko nal᷊unusi. Pasukang u kawal᷊onge musumongo bou wanua ko mararau; i sire musumongo kere burung kasiahe ko manaheri ghanange. 9Sordadonge mangalo mukoa pamamahang, kaul᷊i u taumata mataku makawua sasongo ngi sire.#1:9: Botonge mariadi mangal᷊enge: kaul᷊i u taumata … sasongo ngi sire. Ko nitaweng i sire ta ikarekeng ul᷊ie. 10I sire muheghesi manga ratu dang mul᷊umighei ngu manga pagawai ko mararange. Manga tatinda u soa ta irekeng i sire, bou e'e niambungang u tana dang nipal᷊aho ngi sire. 11Bou e'e kere kasahawu u anging manga taumata ko mangumbahasi su katatoghasie sisane e'e nuwuate.”
I Habakuk sau nuhabari kasasusa ngu naunge su Mawu
12 Mawu, mangki ndahuwite I Kau e'e ko Mawu Ruata. I Kau Mawu Ruataku ko susi l᷊au ko kakal.#1:12: kakal: su l᷊al᷊ung u teks Ibrani: i kami sarung ta mate. Mawu Ruataku l᷊au mananirungku, bangsa Babel e'e nipile-U dang nikoa-U pakatoghasi tadeau puhukung si kami. 13Kateho kirapa i Kau makataeri mutuhung manga taumata dal᷊al᷊ai ko matingkai e'e? Wal᷊ingewe I Kau tumaniu ko susi guna ngu mumbawua kal᷊al᷊ai? Wal᷊ingewe I Kau pundangeng musumuka makawua ko takoae kal᷊aadili? Inau, nakurawe I Kau mangkate marumasi su tempo ngu taumata ko matuhu ipakaghaghoro ngu ko dadurhaka?
14Nakurawe taumata irekeng-U kere kina su l᷊auri, dang kere serangga ko takoae pangahae? 15Bangsa Babel maname manga taumata dingang u opasi, i sire e'e kere kina. Manga taumata e'e nihiuri su l᷊al᷊ung u manga soma dang bangsa Babel mahul᷊iaghi su suke ngi sire. 16Bou e'e soma isumba ngi sire dang i sire mangonggo sasumba korbang, watu'u dingang u soma e'e i sire seng nakarea puwawiahi maul᷊i dang makoa ko mapia.
17Tumaniewe i sire sarung turusi mangehoghi perange dang mamate manga bangsa, takoae ampunge?
Currently Selected:
HABAKUK 1: PLT
Highlight
Share
Compare
Copy
Want to have your highlights saved across all your devices? Sign up or sign in
