KARARIADI 37

I Yusuf sintamahuaring

1I Yakub natana su wanua ngu Kanaan, tampa katanakeng i papange, 2dang ko i'i wuke ngu wal᷊agheng i Yakub:

Su tempo ngi Yusuf, ana i Yakub umurie mapul᷊opitu su taunge, i sie nusasumbala nangurusi ghapang u kambing domba singkahindo dingang u manga tuhange, e'e ana i Bilha l᷊au i Zilpa, i sire rua doka i papange. I sie nangalaki si papange manga kakanoa ko dal᷊ai ko nikoa u manga tuhange.

3I Yakub nangilembo makindaghi si Yusuf bou kaul᷊i u anae ko wal᷊inge, ual᷊ing i Yusuf nipahinding su tempo ngu i papange seng maghurang. Pia su silou nikoae guna ngi Yusuf simbau juba ko masidada kahingang.#37:3: juba ko masidada kahingang arako juba ko manandu takiahi. 4Suapang manga tuhang i Yusuf nakawua himoneu i papa ngi sire tumaniu makindaghi si Yusuf bo i sire, i sire nubinsi si Yusuf, hakiu i sire mandi mudidato mapia dingange.

5Pia su sihuwi i Yusuf nipi, dang su tempo ngu i sie nuwuke ngu ipinge e'e su manga tuhange, i sire kasaunge nubinsi si sie. 6Ko i'i nihabari i Yusuf si sire, “Kenang raringihi! 7Ia nipi i kite kaul᷊ie su anseri kapangikie gandung, bou e'e gandung e'e nurumarisi matei. Manga gandung ko seng niiki i kumu e'e nul᷊iku gandungku ko seng daku niiki bou e'e nusuba si sia.”

8“Su naungu i kau sarung makoa ratu dang mukawasa si kami?” Sungkul᷊i u manga tuhange. Bou e'e i sire nanamba nubinsi si sie ual᷊ingu manga ipinge dang ual᷊ingu apang ko seng nihabarie.

9Bou e'e i Yusuf sau naipi, dang i sie nangul᷊i su manga tuhange, “Ia sau nipi, ia nakawua matangutiti, wul᷊ang l᷊au mapul᷊onsau wituing nusuba si sia.”

10Ipi e'e l᷊ai niwuke'e si papange, dang i papange nangul᷊i si sie, angkunge, “Ipi apa e'e? Su naung u ia, i mama ngu l᷊au manga tamahuari ngu sarung sumongo dang musuba manumba si kau?” 11#Wuk. 7:9Manga tuhang i Yusuf masaki naung si sie, kateho i papange tatapi kapusipiri u ipi e'e.

I Yusuf niwal᷊u dang niwawa sarang Mesir

12Pia su silou su tempo ngu manga tuhang i Yusuf nakoa sarang Sikhem nangaha ghapang u kambing domba ngi papa ngi sire, 13i Yakub nangul᷊i si Yusuf, “Tamaiko sarang Sikhem, sarang tampa manga tuhangu nangaha ghapang u kambing domba ngi kite.” I Yusuf nusumimbahi, “Kere'ete, papa.”

14Angkung i papange, “Tuhungeko kirapa kakakoa u manga tuhangu l᷊au ghapang u kambing domba, bou e'e pusul᷊e mai puhabari si sia.” Kuteu nipakawalae i Yusuf natamai nul᷊umal᷊eng nanintang wal᷊ang u Hebron.

Ta mal᷊iwue bou e'e i Yusuf nurating u Sikhem. 15Tintal᷊a i sie kal᷊al᷊enge tamai-mai su ngudae, i sie nusugha singkatau ko ese ko nakina si sie, “Apa ko kahireakengu?”

16“Manga tuhangku. I sire ko kapangahae ghapang u kambing domba,” nisimbahi i Yusuf, “Apa i Tuang matitong su apa i sire?”

17Angkung u tau e'e, “I sire seng nuwua bo i i'i. Ia nakaringihi i sire nangul᷊i himoneu i sire ko makoa sarang Dotan.” Bou e'e i Yusuf nutuhu manga tuhange dang nakarea si sire su Dotan.

18Bou raunge i sire seng nakawua si Yusuf, dang su horo i sie nurating i sire, i sire nusingkongkoli guna ngu mamate si sie. 19Angkung i sire singkatau su ko wal᷊inge, “Tuhungete, i tahaipi mai kasongonge. 20Maite pateng i kite i sie dang hindo iwahung bangkenge su l᷊al᷊ung u pahighi ko mamara. Hindo iul᷊i i kite himoneu i sie seng nitimbo u binatang ko wawahani. Hindo tuhungang i kite kirapa suenge manga ipinge e'e.”

21I Ruben nakaringihi karaki i sire e'e, bou e'e i sie nutawakal᷊i guna ngu mangambang si Yusuf, “Kumbahang mamate si sie,” angkunge. 22“I kite piange mamahung si sie su l᷊al᷊ung u pahighi su tana l᷊inggi, kateho kumbahang i kite mamahang arako mupakal᷊esi si sie.” Hal᷊i e'e niul᷊ie ual᷊ing i sie pia karakie mangambang si Yusuf dang mundoi si sie pakapul᷊e sarang wal᷊enge. 23Su tempo ngi Yusuf nurating koa u manga tuhange, dingang u kal᷊ahasa i sire nul᷊ua juba ngi Yusuf ko tumaniu masidada#37:23: juba … ko tumaniu masidada arako juba takiahi ko manandu. e'e. 24Bou e'e i sire nuhiuri si sie dang niwahung sarang l᷊al᷊ung u pahighi ko mamara.

25Su tempo ngi sire kakange, singkawawua i sire nakawua simbau kafila ngu tau Ismael ko su l᷊al᷊al᷊engang bou Gilead makoa sarang Mesir. Manga onta ngi sire pia l᷊urange manga rampa, balsem l᷊au u damar. 26Bou e'e angkung i Yehuda su manga ana u singkataunge, “Apa gunange i kite mamate tuari ngi kite dang mamuni ngu pamamate e'e? 27Maite iwal᷊u i kite su tau Ismael e'e. Tahawal᷊uasi i kite mupakaturu i sie. Maning kirapa i sie mang tuari ngi kite.” Manga tamahuari nge nukumire, 28#Wuk. 7:9 dang su tempo ngu pirangkatau mudadagang bou Midian #37:28: Midian: Kaul᷊ikange taumata ngu Midian l᷊au taumata ngu Ismael e'e ko mudadagang. Sintinia i sire ta iputatintang. nusumahe, i Yusuf niambo manga tuhange #37:28: manga tuhange; Ibrani i sire (e'e ko taumata ngu Midian). bou l᷊al᷊ung u pahighi e'e bou e'e niwal᷊u su tau Ismael e'e dingang hariga duampul᷊o doi sal᷊aka. Bou e'e i sie niwawa u mudadagang e'e sarang Mesir.

29Su tempo ngi Ruben nusul᷊e sarang pahighi e'e dang ta nikahombange i Yusuf su se'e, nighaghehe'e l᷊akue ual᷊ingu nasusa. 30I sie nusul᷊e sarang manga tuaringe dang nangul᷊i, “Ana e'e seng tarie'e l᷊ai pai se'e! Apa ko mambeng daku i koa orasi i'i?”

31Bou e'e i sire namoto kambing simbau dang juba ngi Yusuf nil᷊awu su l᷊al᷊ung u daha ngu kambing e'e. 32Bou e'e juba e'e niroi i sire pakinturi sarang koa i papa ngi sire dingang tatanata, “Juba i'i nikarea i kami. Apa i'i koa u ana i papa?”

33I Yakub nakakil᷊al᷊a juba e'e, bou e'e nangul᷊i, “Tingari, i'i juba ngu anaku! Nal᷊ahe i sie seng nitimbo u binatang ko wawahani. Ina, anaku i Yusuf seng nate nighaghoro ngu binatang e'e!” 34I Yakub nunggehe l᷊akue ual᷊ingu nasusa naunge dang i sie nul᷊al᷊utu. L᷊ou-l᷊ou i sie kapukahuang u anae e'e. 35Kaul᷊i u manga anae, maneng ko ese dingang kowawine nusumongo nuhibori si sie, kateho i sie mandi hiborang. Angkunge, “Sarang mate ia mukahuang u anaku.” Kere'e i sie turusi nul᷊al᷊utu ual᷊ing i Yusuf anae.

36Tintal᷊a e'e, su Mesir, manga tau Midian seng nuwal᷊u i Yusuf si Potifar, singkatau parwira ngu ratu ko nakoa tumbonang u mundadiaga istana.

Currently Selected:

KARARIADI 37: PLT

Highlight

Compare

Copy