KARARIADI 36

Hintou ngi Esau

1I'i hintou ngi Esau ko nisigho l᷊ai i Edom. 2#Kar. 26:34I Esau nukawing dingang i sire tilu kowawine ngu Kanaan, e'e ko i Ada, ana i Elon tau Het; i Oholibama, ana i Ana dang pung i Zibeon #36:2: simbau salenang ko tuwei: “ana Zibeon”. tau Hewi; 3#Kar. 28:9I Basmat, ana i Ismael dang tuari ngi Nebayot. 4I Ada nupahinding i Elifas, i Basmat nupahinding i Rehuel, 5dang i Oholibama nupahinding i Yeus, i Yalem l᷊au i Korah. Kaul᷊i u ana e'e nipahinding su wanua ngu Kanaan.

6Bou e'e i Esau nanintang i Yakub dang natamai sarang wanua ko wal᷊inge numbawa kaul᷊i u kawinge, anae dang kaul᷊i u taumata ko ene su wal᷊enge, singkahindo dingang u kaul᷊i u binatange l᷊au rarotonge ko nikareae su Kanaan. 7I Esau nutal᷊ei dingang i Yakub ual᷊ingu rarotong i sire tumaniu maul᷊i hakiu i sire ta makapuwiahi singkapuwiahi. Nangilembo l᷊ai su wanua ko nikatanakeng i sire e'e seng mahal᷊i kang guna ngu binatang i sire ko tumaniu maul᷊i e'e. 8Kuteu i Esau ko nisigho l᷊ai i Edom, natana su wul᷊uri u Seir.

9I'i hintou ngi Esau, i upung u tau Edom. 10-13Kawing i Esau ko arenge i Ada nupahinding singkatau ana ko ese, arenge i Elifas. Dang i Elifas pia anae kol᷊aese sire l᷊ima, e'e ko: i Teman, i Omar, i Zefo, i Gaetam l᷊au i Kenas. I Elifas pia dokae, arenge i Timna. I sie nupahinding ana ko ese arenge i Amalek.

Kawing i Esau ko arenge i Basmat nahinding singkatau ana ko ese arenge i Rehuel. Dang i Rehuel pia anae kol᷊aese sire pa e'e ko: i Nahat, i Zerah, i Syama l᷊au i Miza.

14Kawing i Esau ko arenge i Oholibama, e'e ko ana i Ana dang pung i Zibeon, #36:14: simbau salenang ko tuwei: “ana i Zibeon”. nahinding ana kol᷊aese sire tilu, e'e ko: i Yeus, i Yaelam l᷊au i Korah.

15Ko i'i tumbonang u manga suku hintou ngi Esau: I Elifas, ana i Esau ko kaiyakanenge, ko i upung u manga suku tuhue i'i: i Teman, i Omar, i Zefo, i Kenas, 16i Korah, i Gaetam l᷊au i Amalek. I sire kaul᷊ie hintou ngi Ada, kawing i Esau.

17I Rehuel, ana i Esau, ko i upung u manga suku tuhue i'i: I Nahat, i Zerah, i Syama l᷊au i Miza. I sire kaul᷊ie ko hintou ngi Basmat, kawing i Esau.

18Manga suku tuhue i'i ko hintou ngi Esau bou kawinge ko arenge i Oholibama ana i Ana, e'e ko i Yeus, i Yaelam l᷊au i Korah. 19Kaul᷊i u suku e'e hintou ngi Esau.

Hintou ngi Seir

(1Taw. 1:38-42)

20-21Kawanua tutunge wanua ngu Edom nipahia su manga suku hintou ngi Seir, tau Hori. Manga suku e'e ko: I Lotan, i Syobal, i Zibeon, i Ana, i Disyon, i Ezer l᷊au i Disyan.

22I Lotan ko i upung u poho i Hori l᷊au i Heman. (I Lotan pia wawinenge, i Timna).

23I Syobal ko i upung u poho: I Alwan, i Manahat, i Ebal, i Syefo l᷊au i Onam.

24I Zibeon pia ana e'e ko ese darua, i Aya l᷊au i Ana (I Ana i'i ko nakarea manga simbul᷊u ake ko matiti su tana l᷊inggi, su tempo ngi sie kapangahae manga keledai ngi papange). 25-26I Ana ko i papa ngi Disyon, dang i Disyon i upung u poho: I Hemdan, i Esyban, i Yitran l᷊au Keran. I Ana l᷊ai pia singkatau ana kowawine, arenge i Oholibama.

27I Ezer i upung u poho: I Bilhan, i Zaawan, l᷊au i Akan.

28I Disyan i upung u poho i Us l᷊au i Aran.

29-30Ko i'i manga suku ngi Hori su wanua ngu Edom: I Lotan, i Syobal, i Zibeon, i Ana, i Disyon, i Ezer l᷊au i Disyan.

Manga ratu ngu Edom

(1Taw. 1:43-54)

31-39Su horo u pia ratu nuparenta su Israel, manga ratu ko tuhue i'i nuparenta su wanua ngu Edom mutatuhu:

I Bela ana i Beor bou Dinhaba.

I Yobab ana i Zera bou Bozra.

I Husyam bou wanua ngu Teman.

I Hadad ana i Bedad bou Awit (ko i sie nakawata tau Midian su puseketang su wanua ngu Moab)

I Samla bou Masreka.

I Saul bou Rehobot su wiwihi u sal᷊uhi.

I Baal-Hanan ana i Akhbor.

I Hadar bou Pahu (kawinge arenge i Mehetabeel, ana i Matred dang pung i Mezahab).

40-43I Esau ko i upung u manga suku ngi Edom ko tuhue i'i: I Timna, i Alwa, i Yetet, i Oholibama, i Ela, i Pinon, i Kenas, i Teman, i Mibzar, i Magdiel, l᷊ai i Iram. Apang suku nangonggo u arenge su wanua katanakenge.

Currently Selected:

KARARIADI 36: PLT

Highlight

Compare

Copy