Uswe 19
19
Simyun at Kasugfunanan at Nagbilug fag Talun
1At faduak afud talun nafon sas Simyun at kasugfunanan ay nafud sat ngay kalongan. Kafag talun maligung sis Uda at kasugfunanan fag talun. 2Nataip wan Beerseba (at ngayan yangay te, Seba), Mulada, 3Kasar-Sual, Bala, Esem, 4Eltulad, Betul, Kurma, 5Siklag, Bet-Markabut, Kasar-Susa, 6Bet-Lebaut, ay Saruin. At nagbilug, labi tuluk furuan ayu daul ay anggan sit ligung fag ngay furuan ayu sirut. 7Ay anfamut yay ufatk furuan ayu daul, Ayin, Rimun, Eter, ay Asan: ay anggan sit ligung fag ngay furuan ayu sirut, 8sitsigons Baalat-Beer (at ngayan yangay te, Rama) sis Negeb fag talun at yud e taw. Kayunya Simyun at kasugfunanan at nagbilug fag talun at nafud sat ngay kalongan.
9Ay sik afud kafag talun, siginans Uda at kasugfunanan at fagagbilugun, aroro Uda at talun gbia. Nu katanya, Simyun at talun gfatabaan sis Uda at talun.
Sebulun at Kasugfunanan at Nagbilug fag Talun
10Ay at fatuluk afud talun nafon sas Sebulun at kasugfunanan ay nafud sat ngay kalongan. At fatuan sitsigons Sarid.
11Sanya ginan, gtaglayun sas fakayabian baliwa ay sas Marala, sas Dabeset, ay gtaglayun sas datag sas Ukneam at fakamenitan baliwa. 12Siginan baliwas Sarid, gtaglayun sas fakamenitan sitsigons Kislut-Tabur, gtaglayun sas Daberat sitsigons Afya. 13Sanya ginan, gtaglayun sas fakamenitan Gat-Efer, sas Et-Kasin, sas Rimun ay kabaraud sas Nea. 14Sebulun at fatuan sas wala fag alvngvdan baliwa gdalan sas Kanatun sitsigons datag Ifta-El. 15Ay tiba at fagagbilugun fag ngay furuan, Katat, Naalal, Simrun, Idala ay Betleem. At nagbilug, labi duak furuan ayu daul anggan sanya fag ngay furuan ayu sirut. 16Kayunya Sebulun at kasugfunanan at nagbilug fag ngay furuan ayu daul ay anggan tagsit ligung fag ngay furuan ayu sirut at nafud sat ngay kalongan.
Isakar at Kasugfunanan at Nagbilug fag Talun
17Ay at faufatk afud talun nafon sas Isakar at kasugfunanan ay nafud sat ngay kalongan. 18Tuy at nagbilug fag ngay furuan: Esreel, Kesulut, Sunem, 19Kafaraim, Siun, Anakarat, 20Rabit, Kisyun, Ebes, 21Remet, En-Ganim, En-Ada ay Bet-Pases. 22At fatuan talun gtaglayun sas Tabur, Sakasuma, ay Bet-Semes sitsigons Urdan. At nagbilug, labi unumk furuan ayu daul anggan sanya fag ngay furuan ayu sirut. 23Kayunya Isakar at kasugfunanan at nagbilug fag ngay furuan ayu daul ay anggan tagsit ligung fag ngay furuan ayu sirut at nafud sat ngay kalongan.
Aser at Kasugfunanan at Nagbilug fag Talun
24Ay at falimak afud talun nafon sas Aser at kasugfunanan ay nafud sat ngay kalongan. 25Kanya fag ngay furuan at fagagbilugun: Kelkat, Kali, Beten, Aksaf, 26Alamelek, Amad, ay Misal. At fatuan talun sas fakayabian baliwa andasug sas Karmel ay Sikur-Libnat, 27kabaraud sas fakamenitan ay gtaglayun sas Bet-Dagun ay andasug sas Sebulun ay Ifta-El. Sanya ginan, gtaglayun sas wala fag alvngvdan tagsas Bet-Emek ay Neyel. Gtaglayun sas alvngvdan baliwa tagsas Kabul, 28Ebrun,#19:28 Ebrun: ay mannga, Abdun. Rekub, Kamun, Kana, ay andasug sas furuan Sidun. 29Ay at fatuan kabaraud sabaliwas Rama ay maaladan fag furuan Tiru, ay gtaglayun sas Kusa, sitsigons Dagat Mediteranyu munakbang sis Aksib, 30Uma, Afek, ay Rekub. At nagbilug, duak safulu e duak furuan ayu daul anggan sanya fag ngay furuan ayu sirut. 31Kayunya Aser at kasugfunanan at nagbilug fag ngay furuan ayu daul ay anggan tagsit ligung fag ngay furuan ayu sirut at nafud sat ngay kalongan.
Naftali at Kasugfunanan at Nagbilug fag Talun
32Ay at faunumk afud talun nafon sas Naftali at kasugfunanan ay nafud sat ngay kalongan.
33At fatuan talun gfasigad siginans Kelef ay sas tagbia fag fun kayu tagsis Saananim, ay gtaglayun sas Adami-Nekeb ay Abneel sitsigons Lakum, ay at fatuan sas Liskung Urdan.
34Sanya ginan, kabaraud sas fakayabian baliwa tagsas Asnut-Tabur, ay sas Kukuk, ay andasug sas Sebulun at fatuan sas alvngvdan baliwa, ay sas Aser at fatuan sas fakayabian ay sas Liskung Urdan#19:34 Liskung Urdan: katanya sas Griegu. Sas Ebreu, sas Uda, sas Liskung Urdan. sas fakamenitan. 35At fagagbilugun fag ngay furuan at ke alad: Sidim, Ser, Kamat, Rakat, Kineret, 36Adama, Rama, Kasur, 37Kedes, Edrei, En-Asur, 38Irun, Migdal-El, Kurem, Bet-Anat ay Bet-Semes: nu fagayu wan, labi siamk furuan ayu daul ay anggan sanya fag ngay furuan ayu sirut. 39Kayunya Naftali at kasugfunanan at nagbilug fag ngay furuan ayu daul ay anggan tagsit ligung fag ngay furuan ayu sirut at nafud sat ngay kalongan.
Dan at Kasugfunanan at Nagbilug fag Talun
40Ay kafag talun at fafituk afud, nafon sas Dan at kasugfunanan ay nafud sat ngay kalongan. 41At fagagbilugun, Sura, Estaul, Ir-Semes, 42Saalabin, Ayalun, Itla, 43Elun, Timna, Ekrun, 44Elteke, Gibetun, Baalat, 45Eyud, Bene-Berak, Gat-Rimun, 46Me-Arkun ay Rakun, anggan yangay tagsalubang sas furuan Upa fag talun. 47Dan at kasugfunanan naidapan nu nangagbilug kafag talun, nu katanya, kanya fagayu nafawayan furuan Lesem#19:47 Lesem: ay mannga, Lais. ay nafabul fagayu tagsanya. Kanya fagayu nagbilug kanya fag furuan ay nabanwan sanya, ay nafangayan kafag furuan te, Dan, kata at mangaguyang at ngayan.
48Kayunya Dan at kasugfunanan at nagbilug fag ngay furuan ayu daul ay anggan tagsit ligung fag ngay furuan ayu sirut at nafud sat ngay kalongan.
Uswe at Nagbilug fag Talun
49Ngay taw Israel nu ntabu gafud at talun, kanya fagayu nafon sas Uswe sik afud. 50Kata Yawi at suguan, kanya fagayu nafon sas Uswe at fagetun fag furuan: Timnat-Sera tagsis Efraim at fagagbilugun fag ngay buksul. Kanya gdog yay nafalindug kafag furuan daul ay gbanwan sanya. 51Ay Elyasar fag tagfon fanggalangun, ay Uswe, Nun at baguama, ay fagayu tagfangguna sas galay sik kalongan at nafudan kafag talun. Kanya nafafidfilian sas Silu, sis Yawi at daga salubangan, sat sakbawan bale. Nu katanya, antabu wan nu gafudan at ngay talun.
Currently Selected:
Uswe 19: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
