Uswe 20
20
Fagnanuksuanan fag ngay Furuan
Tap 35:9-15; Deu 19:1-13
1Ay Yawi nalong sas Uswe te, 2“Longi sa sangay taw Israel te, filii unumk furuan laman at fagnanuksuanan ban kata ku nalong sas Muisis. 3Sik taw at nafamabul, nu ddi at algan, masine nu glagyu sanya fag ngay furuan, laman nanuksuan takaylat namasud sa anya. 4Kanya fag taw masine nu nanuksuan sa kafag ngay furuan at sadi, ay masine nu namakamatoan ngay tagfangguna sanya fag furuan sas sakbawan furuan, laman namoyung at nafakamulun. Sanya ginan, ngay tagfangguna gfasakbo anya sasad furuan ay gfabanwan sanya. 5Ay takaylat namasud nu nasanya way fag furuan, ngay tagfangguna wa gfon at nafamabul sa kafag ngay taw, abat ngate gfadiuganan way at nafamabul fag taw, aroro dewa namafabul, bunwa at algan, ay wa yangay siginan at dotama. 6Ay kaduge yud ansine sa sangay taw at daga salubangan at nafamabul at mamalong, ay nu dyakmay anbul at fun tagfon fanggalangun, at nafamabul banwani yap sanya fag furuan.”
7Nu katanya, kanya fagayu nafili sik ngay furuan laman at fagnanuksuanan ban. Ay at nafili, Kedes tagsis Galilea, sis talun Naftali at fagagbilugun fag ngay buksul, ay furuan Sekem tagsis Efraim at fagagbilugun fag ngay buksul, ay furuan Kiryat-Arba at ngayan yangay te, Kebrun tagsis talun Uda at fagagbilugun fag ngay buksul. 8Ay nafili yangay furuan Beser tagsis Liskung Urdan tagsis Eriku at fakamenitan baliwa, si sik datag at yud e taw sis Rubin at ngay kasugfunanan at talun, ay nafili yangay furuan Ramut sis talun Gilyad sis Gad at ngay kasugfunanan at talun, ay nafili yangay furuan Gulan tagsis Basan sis Manase at ngay kasugfunanan at talun. 9Kayunya at nafili ngay furuan laman ngay taw Israel ay at ngay betaw at fagnanuksuanan. Ay nusnga sinu at nafamabul nu ddi at algan, masine kanya nu nanuksuan sanya fag ngay furuan at sadi, laman at namasud sa anya wa mafabul kaduge yud ansine sa kafag ngay taw at daga salubangan at mamalong.
Currently Selected:
Uswe 20: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
