Ub 39
39
1O nasaful o nu ginain ngay kambing talun nu griangan? Ay o batang o glag gina bian griangan?
2O natap o nu seyuk magdanun siginan nu gfasigad gfafion, sitsigon nu griangan? O ay saful o te, nu ginain ban nu griangan?
3Kanya fagayu grungan gidapan maksvn, yakmay nariangan.
4Ay at riangan nu nbia wan, nalao wan ay wa nfoli ya.
5Sinu at nafalfas tagsisad araw fag ngay asnu?
6Nafon au sa anya talun at yud e taw laman at fagnanfangonan, ay nafabanwan au anya sa sik talun at yud e gbanwan ya.
7Ay nafamanabayan au anya, ay nafae fagbanwanan. Kanya anyayu siginans furuan daul tangayu nu garingang, ay wa kaylat nu e gfagup anya.
8Kanya gfoyfolian sa sangay buksul at ke ngay makmak, laman grvbvy at fakonun.
9O mafafakamulun o at mela fag baka? Ay o mafafatawad o anya sisad ubung fagngabak yabi?
10Ay o mafasiuk ro wo, ay magbilug laman nangali am fagtanuman?
11O gseg o at fagmabitsugun, laman gfakamulun at maidap fag fakamulun?
12Ay o gseg o te, manamaful ay manangaut am gutluan sam fagruyusan?
13Manuk daul at fakfak nu kalag masine. Dewa katanya, kalaw at fakfak amasine yap.
14Manuk daul gfamato at ngay iklug sis daga laman kaenbung.
15Ay wa gamatangan ya te, mae nasiad, ay tagsis talun fag ngay mela mafakwan.
16At ngay riangan kata way nu yud anya, ay wa gamatangan ya te, o e fanambagun ban at nainkidapan.
17Aroro kwa nafoyung sa anya fagsafulun ay fagmayamagun.
18Dewa katanya, nu gtarung masakit, amasakit yap skabayu.
19Ub, o nunda o wan at nafon sas kabayu at fagmabitsugun, ay o nunda o yangay at nafae sigyu anya at masine ay takaburago?
20O nunda o wan at nafon at fagmabitsugun laman matulbu kata sik liung? Ay gfalimu ngay taw siginan nu guni.
21Kanya masakit nu gfalelegan at ngay si, laman kamanagsag at fagmabitsugun, ay gtarung sas fagawayanan.
22We fakalimuun ay wa kalimu fiso tagsumbalian at uyup.#39:22 fiso tagsumbalian at uyup: ay mannga, awayan.
23Ay tagsakay si anya fag tagfawayan at ngay bangko ay at famalabag ganinag.
24Lukbu kalayug at kasakitan nu gtarung, ay kanya wa gragangan ya nu nadungug budyung nu gawang.
25Kanya nu nadungug budyung nu gawang, guni ay gayuk wan awayan dewa ngayayu yay. Ay gdungug nu e garingang sis fagawayanan, ay ngay fun tagfawayan nu gbarisanan guro.
26Ay o nunda o wan at nafoyung bio nu glayug, at nangadasug sas alvngvdan fag afud daga?
27O nunda o yangay at nasugu bio nu glayug ay nu kawat at fugad sa tangabat fag buknga?
28Bio nu gbanwan sa tangabat fag ngay gang, ay at fagnanuksuanan sat matubi.
29Sanya ginan, gbanawan at fagnanyukfuun, ay nu gbanawan, ngayayu tua at faglagun.
30Ay kanya nu nalag at mabulan, nalayug sanya, laman namul kafag mabulan at taguk ay gfainum sat ngay riangan.”
Currently Selected:
Ub 39: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
