Ub 40
40
1Yawi nalong sas Ub te,
2“O namabadbaboan yay o angku, at mabalyanan fag Dius? Glong o te, nasalan au. Katsi balusi angku.”
3Nu katanya, Ub nabalus Yawi te,
4“Kwa gbalus emu, gragangan kyakman lang.
5Ngayu wan ku nalong, nu katanya, kwa garingang ya.”
6Ay Yawi gdog yay garingang sas Ub siginan sik tagribungan fag tagmara. Glong te,
7“Falganani ay maseganamai. Ay balusi ro ku ngay fagintoun.
8O gfatuyanan o te, nasalan au laman gfasure te, o tua at matuyan.
9Ay o mabalyanan yangay o kata angku? Ay o maringang o kata sik lingsi kata nu garingang au?
10Nu mafakamulun tua ro wo takatanya, gfatuyan ro wo te, anud, mabalyanan o, ay masine ay mauseganan.
11-12Falagi am dotama sa takamatungudun fag ngay taw, famomuyi ay rasrasi at mauri fag taw at kayaunanan.
13Ay lubgubi anya fagayu sasad lutuk, sangay kinbul at talun.
14Nu nakatu tua ro wo gfakamulun takatanya fagayu, au wa ro tagfauseganan emu ay gafanud kwa ro te, makatu tuo gfalangfe am sadili.
15Damai Beemut#40:15 Beemut: Sik mela daul, didayu kata sik tagbia fag bumbu tagsis liskung nu gbanwan. fag mangilafang daul, ku nawat gina au kawat emu. Kanya kon makmak kata baka.
16Dewa katanya, kanya mabitsug ay magaras.
17At iug malugde mandi kata sik kayu sidru, ay at ngay balangbang gbia.
18Ay at ngay bini katugas sik tansu ay sanbung.
19Sas fagayu ku awatan, kanya wan at madulo. Dewa katanya, kanya ku nawat way ay gbabo kway.
20Kanya gfangonan sas wa buksul, gina tibak mangilafang gawean sis wa talun munakbang si anya.
21Kanya nu gtungkud sis wa dugi ay sit ke sigbo fag bunaw.
22Kanya gfalanbung sis wa dugi ay sis wa daga fun kayu tagsis buknga fungsu fag datag.
23Kanya wa gafanawa dewa glugwak, ay dewa malubguban wan sis Liskung Urdan gina glugwak.
24Sinu at manamadarafun anya laman nanggamat? Sinu at masangdaw anya ay at masanggit at dungus?
Currently Selected:
Ub 40: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
