Ub 35
35
1Elyu gfataglayun glong te,
2“O nu glong o matuyan wo nu malong o te, wo e asalanan sis Dius at daga salubangan?
3Ay nainto o te, ‘Nataw ro ku fanambagun nu ddi kro gasalanan?’
4Gbalus au emu ay anggan sam ngay fagadgalangan.
5Tangdai sas banwa ay lingamani te, se abat linyabu.
6Dewa o anke asalanan, Dius wa kataip, dewa o kamabo, we masuad sa anya.
7Ay nu matuyan tuo, wa yangay e fanambagun sas Dius.
8Dewa o gfakamulun at masine ay at mauri, sa way lang sa ngay taw am fagfalagan takatanya.
9Ay am ngay nafalingun get gubuk te, falangfei anya fagayu siginan at mabalyanan fag taw.
10Dewa katanya, kanya fagayu wa get sat nawat anya fag Dius, ay tagfon fagmanabayanun gina e fagidapun.
11Dius at nafon sa antam fag fagsafulun gtungud tua ngay mela ay ngay manuk tungud at fagsafulun.
12Ay kanya fag ngay taw dewa gdarangin, Dius wa gbalus, aroro kanya fag ngay taw kamuag way ay mauri.
13Anud, Dius wa gdungugan at yud e masuad fag darangin ay wa kasalag.
14Ub, kaugat waban Dius nu yud gdungugan emu, nu glong way o te, yo nalag anya, ay nafoyung wo sa anya am mamalong, ay gfanya way o lang at famalus.
15Nalong yangay o te, Dius wa gfaurianan siginan at fandotaman, ay wa glag dewa taw gfakamulun at mauri.
16Takatanya am nalong we masuad, at matuyan, wo nasaful am nalong.”
Currently Selected:
Ub 35: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
