Ub 23
23
Ub Naringang
1Ay Ub nalong te,
2“Dasug katsi maksvn yay gugat nu gfayud au Dius. Dius gfaidapan yay gugat angku dewa maksvn wan nu gfandeng au.
3Nu saful kdi te, sanya Dius, katsi lumao au laman nangadasug sa anya,
4ay namoyung au sa anya ku mamalong, ay nanlong au ku fanlonganan.
5Kaylat au gyasafulun at fagyalongun sa angku, ay kaylat au gyadungugun at famalus.
6O kanya ro manga namabadbaboan way angku siginan at fagmabalyananun? Duan, kanya ro wa namakamulun, nu bunway gdungugan tua ro angku.
7Sik taw at matuyan kata angku masine way glong at malong sas Dius ku tagwabilug at daga salubangan, ay kanya namalfas wa fia angku.
8-9Dewa au narvbvy Dius nusnga nday, dewa sas fakamenitan, sas fakayabian, ay sas alvngvdan fagdua, kwa nalag anya.
10Aroro kanya saful way ku fakamulun, kanya nu ntabu nu gfaskud angku, nu glag angku masine ktua, kata sik gintu at masine fia.
11Gfaning ktua gugat at ngay balyawvtan ay kwa kamabo anya.
12Gfaning au at ngay suguan ay gdiri au fia at ngay longan si ku amatanganan. Ay gfamafanud au at ngay longan gtungud tua ku ngay fakonun kayu menit.
13Ay Dius di ginbalian kabavn, ay nusnga sinu we masalag anya, ay kanya mafafakamulun tua nusnga setaw at fakaylatun.
14Ay kanya gfafasludan sa angku nusnge wain at algan, ay ngayu tua at algan sa angku.
15Nu katanya, kalimu ktua anya, ay nu gamatangan kway takata tuy kaugat yay nu kalimu au anya.
16At Mabalyanan fag Dius gfamomuy ay gfalimu angku.
17Dewa katanya, kwa karagang nu gfandeng au, dewa kata nu masifigan au fagmadulumun.”
Currently Selected:
Ub 23: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
