Ub 17
17
1Gakabulun kwan, ku engasan gakafusun wan. Fagfolian mafalganan wan laman sa angku.
2Ngayuk takamalingun maligung angku; ay namatang au fagayu nu gfalingun angku.
3Dius, gubuki angku. O way lang at mafagubuk angku.
4Nafasaysalagan o ku ngay fagadgalangan at ngay amatanganan laman wa gdungugan. Nu katanya lag kaylat at ngay fantabugan nu gbabo angku.
5Kanya fagayu kata sik taw tagdaya at fagadgalangan laman umke salapi, ay siginan takatanya at ngay fakamulun fagsigadan at ngay sisian nu gidapan.
6Dius wa nasalag ngay taw nu gfalingun angku.
7Maksvn nu kabalu au ay nu gfandama au andulum. Ay anniwang au ay arvs kayangfis kway lang sik aninu.
8At masine fag ngay taw kadulo at kindasug sa angku. Kanya fagayu gamatangan te, mauri au ay kwa gtoglag Dius.
9At matuyan fag ngay taw gugali tua gugat at masine, ay at yud e asalanan fag taw umkaksvn.
10Aroro glong au sanya fagayu te, sayginan ya kanya fagayu nu ginsaful angku. Ay gtuyan au te, nusdi sadi si anya fagayu we gtogdungug.
11Munakbang wan ku ngay menit nu katabu. We masuad ya ku ngay algan ay ku fakaylatun.
12Glong am te, yabi nangus menit yakman, ay dulum nangus umsik fagmayamagun.
13E fagsegun kyay te, namanwan kban sat kinbul at talun ay kaylat kwa grafad ku igyan sit madulum fag talun.
14Gtuyan au te, fagfolian, kanya ku mama, ay ngay ulud, kanya ku mina ay ku faduksay mangena.
15O e fagsegun kyay manga? Sinu at malong te, e fagsegun kyay?
16Ay galo wa angku sas fagfolian ku fagsegun ay gadgaloan wami sas fagfolian.”
Currently Selected:
Ub 17: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
