Ub 10
10
1Kwa kaylat gleleg, ay nu katanya, kamayud kwan. Glong kwa ku amatanganan at mauri.
2Katatuy ku longan sas Dius: lag o gtap angku te, sik tagasalanan au. Longi sa angku, nataw ku asalanan sa emu?
3O guseganan way o gfaidapan angku? Wain ro am fagaiyanun am nawat, ay gfadiuganan at mauri fag ngay taw at algan?
4O nu gdama o kata sik taw nu gdama?
5O am leleg kaba way staw at leleg?
6Wain ro am fagrvbvyun yay gugat ku kakurangan ay ku ngay asalanan?
7Nasaful wo te, kwe asalanan. Dewa katanya, we mafaago angku siginan am daluap.
8O wan at nalaga ay at nawat angku, ay katsi namaidapan wo angku.
9Amatangani, nawat o angku siginans lutuk, o ay katsi namafoli wo angku sasad lutuk?
10Kata sik susu bilug at kindai, katanya yangay nu kawat o angku si ku mina at basad ungdan.
11Nafae balat o ay nafae faknul angku, ay nawat yangay o ku ngay bini ay ku ngay ugat.
12Ay sanya ginan, nafon o angku leleg, ay nesug o angku ay nadiri.
13Dewa katanya, nasaful kwan am algan fia sa angku.
14Nu nke asalanan kway ro, gulit ro wo gugat angku, ay wo gtap angku te, sik yud au e asalanan.
15Anke asalanan kman ay kdi e asalanan, afanyuan kway gugat, ay grungan au kapla, ay maksvn nu gidapan au.
16Gina au gakabangkadun, kaylat o nanggamat angku kata sik liun nu gfanaya laman ggamat at fagnangonun, ay namaurianan o angku siginan am fagmabalyananun.
17Gfamut wayo ku ngay fagidapun, ay kaugat nu kadotama o angku, ay gfawayan o gugat angku.
18Wain am fagnaylatun yay nu kasalug au? Ginanya nangus anbul kwan, ay wa nangus e nalag ya angku.
19Wa nangus e nawat ya angku. Ginanya nangus anbul kwan, ay nataglayun sas fagfolian.
20Wa ban ngaduge ya nu gleleg au, nu katanya, lag o kasalag ya angku, laman umke buknga kyay guseganan,
21nu sa kwa ban at mabalu ay at madulum fag buknga, ay kway ban kafoli ya.
22Sanya fag talun maksvn nu madulum, ay kabavn mayabi ay we yamag, ay we fagmanabayanun ya.”
Currently Selected:
Ub 10: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
