1 Krunika 20
20
Dabid Nagbilug Furuan Raba
2Sa 12:26-31
1Gina ngay fun namawayan fag buknga, Dabid wa nanangalo, anfamato way sis Erusalem. Uab wan at nafangguna at ngay tagfawayan gina namawayan. Ay kanya fagayu narasras ngay taw Amun at talun ay naligung furuan Raba ay naiklas. 2Ay Dabid nasas furuan Raba ay nabul ngay taw Amun at fun at sangbo at mawatan siginans gintu ay nafasat alfuyu. Kafag sangbo at kabyatan tuluk safulu e limak fabudbungguan ay sanya e mafanud yangay fag ngay gang. Ay ngayu yayk fagagbilugun Dabid at nabul sanya ginan fag furuan. 3Ay Dabid nafagsuguan kanya fag ngay taw, ay nafafakamulun siginan nu gfagbilug ngay familas kayu, ngay fangali ay wase. Katanya Dabid at nafakamulun sa sangay taw Amun tagbanwan sit mesa furuan. Sanya ginan, Dabid ay at ngay tagfawayan noli wan sas Erusalem.
Nu Gfawayan ngay Taw Filistia
2Sa 21:15-22
4Abandi, ngay taw Filistia ay ngay taw Israel nadog yay nawayan sis Geser. Ginanya Sibekay tagsiginans Kusa nafabul Sipay tagsiginans Rafa#20:4 Rafa: ay mannga, Refa. (Deuterunumyu 2:10-11.) at kasugfunanan. Nu katanya, ngay taw Filistia nababawan. 5Ay sit fadogan at awayan, Elanan, Yair at baguama, nafabul Lakmi, Gulyat at faduksay tagsiginans Gat. Lakmi at bangko mabyat ay madamvl.
6Ngay taw Filistia ay ngay taw Israel nadog yay nawayan sis Gat. Ay ginanya fag awayan e sik taw daul, at sumyu sit daluap unum ay katanya yangay anggan sit darafa. Ay kanya siginan yangays Rafa at kasugfunanan. 7Ay gina gfalingun ngay taw Israel, Yunatan, Dabid at mangwai, Simya at baguama, nafabul anya.
8Nu katanya, Dabid ay at ngay tagfawayan nafabul kafag ngay taw Filistia tagsiginans Rafa at kasugfunanan, tagsiginans furuan Gat.
Currently Selected:
1 Krunika 20: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
