Romaia 10
10
O skăpimos sî paše.
1Phralale, o kamblimos mîŕă illehko sî o rudimos muŕo karing o Dell anda le Israeliçea, sî te aven skăpime.
2Dau lengă duma kă len sî le rodimos andoa Dell, ta bi atearimahko:#Cap. 9.31. Kărd. 21.20; 22.3. Gal. 1.14; 4.17.
3andakă, sar či prinjeandine o bibezexalimos, kai del Les o Dell, rodine te thon pehkă anglal khă bibezexalimos lengo orta, thai či mekline pe kadea le bibezexalimatăhkă, kai del Les o Dell.#Cap. 1.17; 9.30. Filip. 3.9.
4Kă o Kristoso sî o gor la Krisako, anda kă orkon pateal ande Leste, te dašti te lel o bibezexalimos.#Mat. 5.17. Gal. 3.24.
5Ande čeačimaste, o Moise ramol kă o manuši kai nikrăl o bibezexalimos, kai del les e Kris, traila anda leste.#Lev. 18.5. Neem. 9.29. Ezec. 20.11, 13, 21. Gal. 3.12.
6Ta kana dikta sar del duma o bibezexalimos, kai del les o pateaimos: „Te na phenes ande teo illo: „Kon anklela ando čerii?” (Te del tele le Kristosos andoa čerii).
7Or: „Kon dašti ulela ande Xar?” (Te ušteavel le Kristosos anda le mulle).
8Kadea kă so phenasa? „O divano sî paše tutar, ande teo mui thai ande teo illo.” Thai o divano kadoa sî o divano le pateaimahko, kai dasles duma ame.#Deut. 30.14.
9Kana desduma thai te mosa phenes le Isusos sar Rai, thai kana pateas ande teo illo kă o Rai juvindisardea Les andal mulle, avesa skăpime.#Mat. 10.32. Luka 12.8. Kărd. 8.37.
10Kă le pateaimasa andoa illo lel pe o bibezexalimos, thai andoa dimosduma te mosa arăsăl pe koa skăpimos,
11pala sar phenel o LillleDevlehko: „Orkon pateala ande Leste, či avela dino lajavehko.”#Cap. 9.33. Is. 28.16; 49.23. Ier. 17.7.
12Ande čeačimaste, nai či khă alosarimos maškar o Iudeo thai o Greko; kă saoŕăn sîle sa kodoa Rai, kai sî bravalo ando limos la samako anda sa kola kai akharăn Les.#Cap. 3.29; 8.32. Kărd. 10.36; 15.9. Gal. 3.28. Efes. 1.7; 2.4, 7. 1Tim. 2.5.
13Andakă „orkon akharăla o Anau le Raiehko, avela skăpime.”#Ioel 2.32. Kărd. 2.21; 9.14.
E buti kadea sas ašundi.
14Ta sar akharăna Koles ande sao či pateaine? Thai sar pateana ande Kukoa, pa sao či ašunde? Thai ašunena pa Lehko bidinodumahko?
15Thai sar denaduma, kana nai tradine? Pala sar sî ramome: „Sode sî dă šukar le pînŕă kolengă kai anen e pačea, kolengă kai phenen e LašiVestea!”#Is. 52.7. Nax. 1.15.
16Ta na sa ašundine la LašeaVesteatar. Kă o Isaia phenel: „Raia, kon pateaia amaro divano?”#Cap. 3.3. Is. 53.1. Ioan 12.38. Evr. 4.2.
17Kadea, o pateamos avel pala o ašundimos; ta o ašundimos avel andoa Divano le Kristosohko.
18Ta me pušeau: „Či ašundine on?” Ba e kă „Kă o mui lengo găleas pe sai phuw, thai le divanuri lengă ji koa gor la lumeako.”#1Thag. 18.10. Ps. 19.4. Mat. 4.8; 24.14. Marko 16.15. Kol. 1.6, 23.
19Ta pušeau pale: „Či jeanglea o Isus e buti kadea?” Ba e, kă o Moise, kukoa anglal, phenel: „Xollearaua tume anda khă neamo kai nai les atearimos.”#Cap. 11.11. Deut. 32.21. Tit 3.3.
20Thai O Isaia jeal le phendimasa ji kote kă phenel: „Sîmas arakhadino kolendar kai rodenas Ma; kărdilem prinjeando kolengă kai či pušenas pa Mande.”#Cap. 9.30. Is. 65.1.
21Ta kana, poa Israelo phenel pe: „Soŕo des tinzosardem Mîŕă vast karing khă norodo vazdino thai amboldino la orbasa.”#Is. 65.2.
Currently Selected:
Romaia 10: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
