Romaia 9
9
O Pavelo thai o skăpimos le Israieliçăngo.
1Phenau o čeačimos ando Kristoso, či xoxavau; o dii muŕo, luminime le Sfîntone Duxostar, sî mangă dikhlitorii,#Cap. 1.9. 2Kor. 1.23; 11.31; 12.19. Gal. 1.20. Filip. 1.8. 1Tim. 2.7.
2kă atearau khă baro tristomos, thai sî ma khă dukh biatărdimahko ando illo.#Cap. 10.1.
3Kă paše te kamau te avau me orta dinoarman, dino rigate le Kristosostar, anda mîŕă phral, andi viça mîŕă statosti.#Exod. 32.32.
4On sî Israieliçea, sî le o linodaddehko, e slava, le phanglimata, o dimos la Krisako, o kandimos devllikano, le šinaimata,#Cap. 3.2. Exod. 4.22. Deut. 7.6; 14.1. 1Sam. 4.21. 1Thag. 8.11. Ps. 63.2; 78.61; 147.19. Ier. 31.9. Kărd. 3.25; 13.32. Efes. 2.12. Evr. 8.8-10; 9.1.
5le phurăraša, thai anda lende ankăsto, pala o stato, o Kristoso, kai sî mai opră dă sal butea, o Dell dinodumadămišto andel veakurea. Amin!#Cap. 1.3; 11.28. Deut. 10.15. Ier. 23.6. Luka 3.23. Ioan 1.1. Kărd. 20.28. Evr. 1.8. 1Ioan 5.20.
O Dell sî stăpîno te alol.
6Ta kadea či ameal kă aši'lo bi zorako o Divano le Devllehko. Kă na sa kukola kai ulen andoa Israelo, sî Israelo;#Cap. 2.28; 3.3; 4.12, 16. Num. 23.19. Ioan 8.39. Gal. 6.16.
7thai, barem kă sî andai sămînça le Avraamosti, na saoŕă sî le šeave le Avraamohkă; ta sî ramome: „Ando Isako avela tu khă sămînça, kai phiravela teo anau.”#Gen. 21.12. Gal. 4.23. Evr. 11.18.
8Kadea ameazăl kă na le šeave le statohkă sî le šeave le Devllehkă; ta le šeave le šinaimahkă sî dindine sar sămînça.#Gal. 4.28.
9Kă o divano kadoa sî khă šinaimos: „Po čiro kadoa amboldaua Ma, thai Sara avelala khă šeau.”#Gen. 18.10, 14.
10Ta mai but; sa kadea sas i la Rebekasa. Oi kărdea dui jemeia numai katar amaro dadd o Isako.#Gen. 25.21.
11Kă, barem le kola dui jemeia či kărdilesas, thai či kărdinesas či mišto či nasul, – kaste ašel ande pînŕănde o divano dă mai anglal le Devllehko, anda sao kărdeolas khă alosarimos, na andal kărimata, ta anda Kukoa kai akharăl, –
12phendea pe la Rebekakă: „Kukoa o mai baro avela o robo kolehko o mai çînoro”,#Gen. 25.23.
13pala sar sî ramome: „Le Iakovos kamblem les, ta le Esaos či dabadikhlem les.”#Deut. 21.15. Pilde 13.24. Mal. 1.2, 3. Mat. 10.37. Luka 14.26. Ioan 12.25.
O Dell lelsama kastar čeaileoles Les.
14Kadea so phenasa? Na varesar sî bičeačimos ando Dell? Dur rigate!#Deut. 32.4. 2Kron. 19.7. Iov 8.3; 34.10. Ps. 92.15.
15Kă o phendea le Moisahkă: „Avela mangă milla kastar čeaileola Ma te avel mangă milla; thai laua sama or kastar čeaileola Ma te lau sama.”#Exod. 33.19.
16Kadeadar, či perăl či anda kukoa kai kamel, čina kolestar kai prastel, ta le Devllestar kai sîles mila.
17Anda kă o LillleDevllehko phenel le Faraonohkă: „Vazdem tu kă zumaimasa, kaste sîkavau Mangă ande tute e zor Mîŕî, thai anda ka Muŕo Anau te avel ašundo pe sai phuw.”#Exod. 9.16. Gal. 3.8, 22.
18Kadeadar, Les sî Les mila kastar kamel thai baŕarăl kas kamel.
19Ta phenesa mangă: „Atunči sostar mai šol doši? Kă kon dašti bešel anga Lehko kamimos?#2Kron. 20.6. Iov 9.12; 23.13. Dan. 4.35.
20Ta, mai iekhatar, kon san tu, manuša, kaste des anglal angloa Dell? Na varesar e piri la phuweati phenel kolehkă kai kardea la: „Sostar kărdean ma kadea?”#Is. 29.16; 45.6; 64.8.
21Nai o phuweari stăpîno pe phuw pesti, ta anda kodoa kovlearimos phuweako te kărăl kha piri anda khă kărimos pativako, thai aver piri anda khă kărimos čioŕavano?#Pilde 16.4. Ier. 18.6. 2Tim. 2.20.
22Thai so dašti phenas, kana o Dell, anda kă kamelas te sîkavel pesti xolli thai te dičiol pe Lesti zor, kăsnisardea bute răbdimasa varesar pirea la xolleakă kărdine andoa xasardimos;#1Tes. 5.9. 1Pet. 2.8. Iuda 4.
23thai te sîkavel o bravallimos Pehkă barimahko angla varesar pirea line samatar kai lašardea le mai anglal anda Pehko barimos (pa amende dau duma)?#Cap. 2.4; 8.28-30. Efes. 1.7. Kol. 1.27.
24Kadeadar, o akharde ame na numai anda le Iudeia, ta i andal Neamurea,#Cap. 3.29.
25pala sar phendea ando Osea: „Daua anau” poporo Muŕo”, koles kai nas Muŕo poporo, thai „but kamblini”, kola kai nas but kamblini.#Osea 2.23. 1Pet. 2.10.
26Thai oče kai phenelas pe: „Tume či san Muŕo poporo”, avena dine anau šeave le Devllehkă kolehkă le juvindehkă.”#Osea 1.10.
27O Isaia, ande aver rig, çîpil dičimasa koa Israelo: „Orta ka o dindimos le šeavengo le Israelohko te avel sar e tišai la mareati, numai o ašimos avela skăpime.#Cap. 11.5. Is. 10.22, 23.
28Kă o Rai pherăla orta thai iekhatar pe phuw Pehko divano.#Is. 28.22.
29Thai, sar phendeasas o Isaia mai anglal: „Kana či muklino amengă O Rai Savaoto khă sămînça, sahkă arăsas sar e Sodoma, thai sahkă ameazas sar e Gomora.”#Is. 1.9; 13.19. Ier. 50.40. Roim. 3.22.
Le Neamurea line o skăpimos.
30Sar so phenasa? Le Neamuri, kai či phirănas pala o bibezexalimos, line o bibezexalimos kai lel pe andoa pateaimos;#Cap. 1.17; 4.11; 10.20.
31ta kana o Israelo, kai phirăl pala e Kris, kai te del o bibezexalimos, či arăs'lo kai Kris kadea.#Cap. 10.2; 11.17. Gal. 5.4.
32Anda soste? Anda kă o Israelo či rodeala ando pateaimos, ta andal kărdimata. On malade pe le baŕăstar kai sas thodino angla lende,#Luka 2.34. 1Kor. 1.23.
33pala sar sî ramome: „Dikta kă thoau ando Siono khă Baŕ anglal, thai khă kotorbaŕăhko perimahko: thai kon pateal ande Leste, či avela dino lajavehko.”#Cap. 10.11. Ps. 118.22. Is. 8.14; 28.16. Mat. 21.42. 1Pet. 2.6-8.
Currently Selected:
Romaia 9: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
