Matei 14
14
O merimos le Ioan Bolditorehko.
1Ando čiro kodoa, o baro Irodo, ašundea dindoi duma poa Isus;#Marko 6.14. Luka 9.7.
2thai phendea pehkă kanditorengă: „Koadoa sî o Ioan Bolditori! Ušti'lo anda le mulle, anda kodea kărdeon minuni anda leste.”
3Kă o Irodo astardeasas le Ioanos, phanglea les thai šuteasas ando beči, anda e doši la Irodiati, e romni lehkă phralesti le Filiposti;#Marko 6.17. Luka 3.19, 20.
4anda kă o Ioan phenelas lehkă: „Nai tukă mišto te avel tukă dă romni.”#Lev. 18.16; 20.21.
5O Irod kamelas te mudarăles, ta daralas andoa norodo, anda kă o norodo dikhălas le Ioanos sar khă prooroko.#Cap. 21.26. Luka 20.6.
6Ta, kana sas o prazniko lehkă desăhko le kărimahko, e šei la Irodiati khăldea angla lehkă gosti, thai čeilosardea le Irodos.
7Anda kodea šinadea lakă ando solaxaimos kă dela la or so mangăla lehkă.
8Sîkadi pehka datar, oi phendea: „De ma kata, ande khă teiari, o šero le Ioan Bolditorehko!”
9O thagar falea les nasul; ta anda e doši lehkă solaxaimatăngo, thai le iakhăndar kukolendar kai bešenas kai skafidi lesa, mothodea te del lakă les.
10Thai tradea te šinen o šero le Ioanohko ando beči.
11O šero sas thodino ande khă teiari, thai dino la šeakă, kai nigărdea les ka pesti dei.
12Le jene le Ioanohkă avile thai line lehko stato, praxosarde les, thai găline thai phendine le Isusohkă.
O butearimos le manŕăngo.
13O Isus, kana ašundea e vestea kadea, teleardea oçal ande khă bero, kaste jeal Pehkă korkoŕo vsarekai, andekh than pusto. Le noroade, kana ašundine kadea buti, ankăste andal četăçi thai telearde pala Leste telal.#Cap. 10.23; 12.15. Marko 6.32. Luka 9.10. Ioan 6.1, 2.
14Kana ankăsto anda o bero, o Isus dikhlea khă gloata bari, kărdilea Lehkă mila anda late, thai sasteardea le nasfalen.#Cap. 9.36. Marko 6.34.
15Kana peli e reat, le jene pašile Lestar, thai phendine Lehkă: „O than kadoa sî pusto, thoa čiro dikta kă nakhlo; de drom le noroaden te jean pehkă andal gava thai te tinen pehkă te xan.”#Marko 6.35. Luka 9.12. Ioan 6.5.
16„Nai sostar te telearăn”, dea le anglal o Isus; „den le tume te xan.”
17Ta on phendine Lehkă: „Nai ame koče numai panji manŕă thai dui maše.”
18Thai O phendea lengă: „Anen le koče Mande.”
19Pala kodea mothodea le noroadengă te bešen pe čear, lea kukola panji manŕă thai dui maše. Vazdea Pehkă iakha karing o čeri, deadumadămišto, phaglea o manŕo thai dea kal jene, ta on ulade les kal noroade.#Cap. 15.36.
20Saoŕă xaline thai čeailile; thai vazdinisaile dešudui košuri pherde ašimasa thai prušukănça.
21Kukola kai xalesas, sas sar panji mii murši, avri anda le juvlea thai le šeaoŕă.
O phirimos pe marea.
22Iekhatar pala kodea, o Isus zorasa lea Pehkă jenen te anklen ando bero, thai te nakhăn angla Leste pe rig e kolaver, ji kana dela drom le noroaden.
23Pala so dea drom le noroaden, ankăsto po baŕobaro te rudil Pe, korkoŕo ande khă rig. Avilisas e reat, thai O sas korkoŕo oče.#Marko 6.46. Ioan 6.16.
24Ando čiro kadoa, o bero sas lino le valurendar ando maškar la mareako; kă e bravall sas ande kolaver rig.
25Kana phaŕadelas o des la reatetar, o Isus avilo lende, phirindoi pe marea.#Iov 9.8.
26Kana dikhle Les le jene phirindoi pe marea, darai le, thai phendine: „Sî khă čioxano!” Thai daratar çîpisarde.
27O Isus phendea lengă iekhatar: „Zumaven, Me sîm; na daran!”
28„Raia”, phendea Lehkă o Petro, „kana san Tu, phen mangă te avau Tute pel paia.”
29„Av!” phendea lehkă o Isus. O Petro dea pe tele andoa bero, thai lea te phirăl pel paia kaste arăsăl koa Isus.
30Ta, kana dikhlea kă e bravall sas zurali, darai'lo; thai anda kă leasas te jeal andră, dea mui: „Raia, skăpisar ma!”
31Iekhatar, o Isus tinzisardea o vast, azbadea les, thai phendea lehkă: „Xançî pateaiamnea, anda soste či pateaian?”
32Thai pala so šutine pe ando bero, e bravall ašili.
33Kukola kai sas ando bero, avile thai dine čeanga angloa Isus, thai phendine Lehkă: „Čeačimasa, Tu san o Šeau le Devllehko!”#Cap. 16.16; 26.63. Ps. 27.2. Marko 1.1. Luka 4.41. Ioan 1.49; 6.69; 11.27. Kărd. 8.37. Rom. 1.2.
34Pala so nakhline e marea, avile ande phuw le Ghenezaretosti.#Marko 6.53.
35Le manuši andoa than kodoa, kai prinjeanenas le Isusos, tradine te den phendimos ande sa le riga, thai andine Leste sa le nasfalen.
36Le nasfale rudinas Les te mukăle kaditi te azban e podi Lehka raxameati. Thai sa kai azbade, sastile.#Cap. 9.20. Marko 3.10. Luka 6.19. Kărd. 19.12.
Currently Selected:
Matei 14: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
