Matei 13
13
E pilda le manušesti kai thol ande phuw.
1Sa ande kodoa des, o Isus ankăsto andoa khăr, thai bešelas paša e marea.#Marko 4.1.
2Khă butimos norode tide pe paša Leste, kadea kă trăbuisardea te anklel ande khă bero; ta sa o norodo bešelas po mallo.#Luka 5.3; 8.4.
3O dea lengă duma pa but butea ande le pilde, thai phendea lengă: „Dikta, o manuši kai thol ande phuw ankăsto te thol ande phuw.
4Ta kana tholas o ande phuw, khă rig anda e sămînça peli paša o drom, thai avile le čiriklea thai xalela.
5Aver rig peli pel thana baŕune, kai nas la but phuw: luludeardea iekhatar, anda kă na arakhlea phuw andră.
6Ta, kana ankăsto o kham, nakh'li; thai anda kă nas la anglunea, šuti'li.
7Aver rig peli maškar le kanŕă: le kanŕă barile, thai tasade la.#Luka 8.5.
8Aver rig peli ande phuw laši, thai dea rodo: khă boamba dea khă šell, aver šovardeši, aver treanada.#Gen. 26.12.
9Kas sî kan ašundimahkă, te ašunel.”#Cap. 11.15. Marko 4.9.
10Le jene pašile paša Leste, thai phende Lehkă: „Sostar des lengă duma ande le pilde?”
11O Isus deale anglal: „Anda kă tumengă sas tumengă dino te prinjeanen le garaimata le Thagarimahkă le čerurengă, thai lengă nas lengă dino.#Cap. 11.25; 16.17. Marko 4.11. 1Kor. 2.10. 1Ioan 2.27.
12Kă saves sîles, dela pe lehkă, thai avelales but; ta kata kukoa kai nailes, lela pe i so sîles.#Cap. 25.29. Marko 4.25. Luka 8.18; 19.26.
13Anda kodea dau lengă duma andel pilde anda kă on, barem kă dikhăn, či dikhăn, thai barem kă ašunen, či ašunen, čina či atearăn.
14Thai dikhlimasa lende pherdeol e prooročia le Isaiesti, kai phenel: „Ašunena tumară kanença, thai či atearăna; dikhăna tumară iakhănça, thai či dikhăna.#Is. 6.9. Ezec. 12.2. Marko 4.12. Luka 8.10. Ioan 12.40. Kărd. 28.26, 27. Rom. 11.8. 2Kor. 3.14, 15.
15Kă o illo kadale poporohko kărdi'lo baŕăhko; arăsle zurale kanendar, phandade pehkă iakha, ka na varesar te dikhăn le iakhănça, te ašunen le kanença, te atearăn le illesa, te ambolden pe koa Dell thai te sastearau le.”#Evr. 5.11.
16Baxtale tumară iakhăndar kă dikhăn; thai tumară kanendar kă ašunen!#Cap. 16.17. Luka 10.23, 24. Ioan 20.29.
17Čeačimasa phenau tumengăkă, but prooročea thai manuši bibezexale kambline te dikhăn le butea kai tume dikhănle, thai či dikhlinele; thai te ašunen le butea kai tume ašunenle, thai či ašunde le.#Evr. 11.13. 1Pet. 1.10, 11.
18Ašunenta sar sî e pilda le manušesti kai thol ande phuw.#Marko 4.14. Luka 8.11.
19Kana khă manuši ašunel o Divano dikhlimasa koa Thagarimos, thai či atearăl les, avel o jungalo thai lel so sas thodino ande lehko illo. Kadea sî e sămînça kai peli paša o drom.#Cap. 4.23.
20E sămînça peli ande le thana le baŕănça sî kukoa kai ašnel o Divano, thai lel les iekhatar baxtalimasa;#Is. 58.2. Ezec. 33.31, 32. Ioan 5.35.
21ta nai les angluni ande leste, či nikrărăl numai khă čiro; thai, sar avel khă năkazo pa leste or khă našaimos anda e doši le Divanosa, šudel pe iekhatar lestar.#Cap. 11.6. 2Tim. 1.15.
22E sămînça peli maškar le kanŕă, sî kukoa kai ašunel o Divano; ta le grijuri le veakohko kadalehko thai o athaimos le bravalimatăngo tasaven kadoa Divano, thai arăsăl birodohko.#Cap. 19.23. Marko 10.23. Luka 18.24. 1Tim. 6.9. 2Tim. 4.10. Ier. 4.3.
23Ta e sămînça peli ande phuw e laši, sî kukoa kai ašunel o Divano thai atearăles; o anel rodo: khă boamba anel khă šell, aver šovardeši, aver treanda.”
E pilda la čeareati le bozăndi.
24O Isus thodea lengă anglal aver pilda, thai phendea lengă: „O Thagarimos le čerurengo ameazăl khă manušesa kai thodea khă sămînça laši ande pesti phuw.
25Ta, kana sovenas le manuši, avilo o dušmano, thodea čear bozăndi maškar o div, thai gălotar.
26Kana luludearde le fire le divehkă thai kărdine rodo, ankăsti i e čear le bozăndi.
27Le sluji le stăpînohkă le khărăhkă avile, thai phendine: „Raia, či thodean sămînça laši ande ti phuw? Katar ankăsti e čear le bozăndi?”
28O deale anglal: „Khă dušmano kărdea e buti kadea.” Thai le slujii phende lehkă: „Kames te jeas te çîrdas la?”
29„Či”, phendea lengă o,” na varesar, çîrdindoi e čear le bozăndi, te çîrden i o div andekhthan lasa.#Cap. 3.12.
30Mekăn le te bareon lidui andekhthan ji kana tidasale; thai, koa čiro le tidimahko, phenaua le tidimatorengă „Çîrden anglal e čear le bozăndi, thai phanden la ande drăz, kaste phabaras la, ta o div tiden les ande muŕo divari.”
E pilda la boambati le muštaresti thai le xumerăsti.
31O Isus thodea lengă anglal aver pilda, thai phendea lengă: „O Thagarimos le čerurengo fal sar khă boamba muštaresti, kai leala khă manuši thai thodeala ande pesti phuw.#Is. 2.2, 3. Mika 4.1. Marko 4.30, etc. Luka 13.18, 19.
32E bombiça kodea, čeačimasa, sî e mai çînorî anda a le sămînçi; ta, pala so barili, sî mai bari sar le zălenimata thai kărdeol khă kašt, kadea kă le čiriklea le čerehkă aven thai kărăn pehkă thana ande lehkă ŕaia.”
33Mai phendea lengă aver pilda, thai kadea; „O Thagarimos le čerurengo ameal khă xumerăsa, kai lea les khă juvli thai thodea les ande trin măsurea aŕăhko diunehko, ji kana phutilo sa o xumer.”#Luka 13.20, etc.
34O Isus phendea le noroadengă sa kadala butea ande le pilde, thai či delas lengă duma bi pildako,#Marko 4.33, 34.
35kaste pherdeol so sas vestime andoa prooroko, kai phenelas: „Daua duma ande le pilde, phenaua butea garadea dă katoa kărimos la lumeako.”#Ps. 78.2. Rom. 16.25, 26. 1Kor. 2.7. Efes. 3.9. Kol. 1.26.
O sîkaimos la čeareko le bozăndi.
36Atunčeara o Isus dea drom le noroaden, thai avilo ando khăr. Le jene Lehkă avile paša Leste, thai phende Lehkă: „Phen amengă e pilda la čearesa le bozăndi andai phuw.”
37O deale anglal: „Kukoa kai thol ande phuw e sămînça e laši sî o Šeau le manušehko.
38E phuw, sî e lumea; e sămînça e laši sî le šeave le Thagarimahkă; e čear le bozăndi sî le šeave Kolehkă le jungalehkă.#Cap. 24.14; 28.19. Gen. 3.15. Marko 16.15, 20. Luka 24.47. Ioan 8.44. Kărd. 13.10. Rom. 10.18. Kol. 1.6. 1Ioan 3.8.
39O dušmano, kai thodea la, sî o Beng; o tidimos, sî o gor le veakohko; le tiditorea, sî le înjerea.#Ioel 3.13. Sîk. 14.15.
40Kadeadar, sar çîrdel pe e čear le bozăndi thai phabarăl pe ande iag, kadea avela koa gor le veakohko.
41O Šeau le manušehko tradela Pehkă înjeren, thai on çîrdena anda Lehko Tgararimos sa le butea, kai sî došimasa le bezexalimasa thai kukolen kai kărăn bilašimata,#Cap. 18.7. 2Pet. 2.12.
42thai šudena le ando bou o astardo; oče avela o roimos thai o danddalimos le danddengo.#Vers. 50. Cap. 3.12; 8.12. Sîk. 19.20; 20.10.
43Atunčeara kukola bibezexale străfeana sar o kham ando Thagarimos lengă Daddehko. Kas sî kan ašundimahkă, te ašunel.#Vers. 9. Dan. 12.3. 1Kor. 15.42, 43, 58.
E pilda la mandinati garadi thai le
mărgăritaresti.
44O Thagarimos le čerurengo mai falpe sar khă mandin garadi ande khă phuw. O manuši kai arakhăl la, garavela; thai, anda lako baxtalimos, jeal thai bitinel sa so sî les, thai tinel e phuw kodea.#Is. 55.1. Filip. 3.7, 8. Sîk. 3.18.
45O Thagarimos le čerurengo mai fal pe khă bitindoresa kai rodel mărgăritarea šukar.
46Thai, kana arakhăl khă mărgăritari bară kučimahko, jeal thai bitinel sa so sî les, thai tinel les.#Pilde 2.4; 3.14, 15; 8.10, 19.
E pilda la plasati.
47O Thagarimos le čerurengo falpe sar khă plasa šudii ande marea, kai astarăl sako moda mašendi.#Cap. 22.10.
48Pala so pherdili, le mašarea ankalaven la po mallo, bešen tele, alosarăn andel pirea so sî lašo, thai šuden avri so sî jungalo.
49Sa kadea avela i koa gor le veakohko. Le înjerea anklena, denarigate le jungalen andoa maškar kolengo le lašengo,#Cap. 25.32.
50thai šudena le ando bouo astardo; oče avela o roimos thai danddalimos le danddengo.”#Vers. 42.
51„Ateardean tume sa kadala butea? „pušlea le o Isus. „E, Raia,” dine Les anglal on.
52Thai O phendea: „Anda kodea or sao zakonari, kai sîti'lo so trăbul pa o Thagarimos le čerurengo, ameal pe khă vreniko manuši khărăhko, kai ankalavel anda pehko mandimos butea nevea thai butea puraia.”#Dilab. 7.13.
O Isus ando Nazareto. O bipateaimos le manušengo.
53Pala so isprăvisardea o Isus kadala pilde, teleardea oçal.
54Avilo ande Pesti phuw, thai lea te sîkavel le manušen ande khăngări; kadea kă kukola kai ašunenas Les, mirinaspe thai phenenas: „Katar sî Les o xaraimos thai le minune kadala?#Cap. 2.23. Marko 6.1. Luka 4.16, 23.
55Ta nai O šeau le kaštearehko? Nai e Maria Lesti dei? Thai o Iakovo, o Iosif, o Simeono thai o Iuda, nai on Lehkă phral?#Cap. 12.46. Is. 49.7. Marko 6.3; 15.40. Luka 3.23. Ioan 6.42.
56Thai Lehkă pheia nai sa maškar amende? Atunčeara katar sî Les sa kadala butea?”
57Thai arakhănas kadea ande Leste khă doši te na patean. Ta o Isus phendea lengă: „Khanikai nai kučimasa khă prooroko mai xançî dă sar ande lesti phuw thai ande Lehko khăr.”#Cap. 11.6. Marko 6.3, 4. Luka 4.24. Ioan 4.44.
58Thai či kărdea but minuni ando than kodoa, anda e doši lengă bipateaimahko.#Marko 6.5, 6.
Currently Selected:
Matei 13: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
