Matei 15
15
Le Fariseia thai o sîkaimos le phurăngo.
1Atunčeara varesar Fariseia thai zakonarea andoa Ierusalimo aviline koa Isus, thai phende Lehkă:#Marko 7.1.
2„Sostar ušteaven Te jene o sîkaimos le phurăngo kă on či xalaven pehkă vast kana xan.”#Marko 7.5. Kol. 2.8.
3Čeačimos phendimos, o Isus phendea lengă: „Ta tume sostar ušteaven o mothodimos le Devllehko ando kamimos le sîkaimatăngă tumarăngă?
4Kă o Dell phendeas: „De pativ te daddes thai tea deia; „thai: „Kon dela duma dă nasul pehkă dades or pehka deia, te avel došalo bimeklimahko le mullimasa.”#Exod. 20.12; 21.17. Lev. 19.3; 20.9. Deut. 5.16; 27.16. Pilde 20.20; 23.22; 30.17. Efes. 6.2.
5Ta tume phenen: „Kon phenela pehkă daddehkă or pehka deiakă: „Sosa daštiua te kandau tu, dem les le Devllehkă,”#Marko 7.11, 12.
6manai nikărdo te del pativ pehkă daddes or pehka deia. Thai dean rigate kadea o divano le Devllehko ando mištimos tumară sîkaimahko.
7Čioralelor, mišto prooročisardea o Isaia pa tumende kana phendea:#Marko 7.6.
8„O norodo kadoa pašol Mandar le mosa thai del ma pativ le uštença, ta lehko illo sî dur Mandar.#Is. 29.13. Ezec. 33.31.
9Dă ivea den Ma pativ on, sîkaindoi sar sîkaimata varesar le mothodimata le manušengă.”#Is. 29.13. Kol. 2.18, 22. Tit 1.14.
Le butea kai marin le manušes.
10O Isus akhardea Peste o butimos, thai phendea: „Ašunen, thai atearăn:#Marko 7.14.
11Na so šolpe ando mui maril le manušes; ta so ankalavel andoa mui, kodea maril le manušes.”#Kărd. 10.15. Rom. 14.14, 17, 20. 1Tim. 4.4. Tit 1.15.
12Atunčeara le jene Lehkă pašile, thai phendine Lehkă: „Jeanes kă le Fariseia arakhline doši ande le divanuri, kai ašundine le?”
13Čeačio phendimos, O phendea lengă: „Orsao răsado, kai či thodea les o Dadd Muŕo andoa čeri, avela çîrdino anda o anglunimos.#Ioan 15.2. 1Kor. 3.12, etc.
14Mekăn le: sî varesar phirditorea koŕă; thai kana khă koŕo phiravel avră koŕăs, perăna lidui ande groapa.”#Cap. 23.16. Is. 9.16. Mal. 2.8. Luka 6.39.
15O Petro lea o divano, thai phendea Lehkă: „Sîkav ame e pilda kadea.”#Marko 7.17.
16O Isus phendea: „I tume sa bi atearimahko san?#Cap. 16.9. Marko 7.18.
17Či atearăn kă orso šolpe ando mui jeal andel poŕa, thai pala kodea sî musai te anklel šudino avri?#1Kor. 6.13.
18Ta, so anklel andoa mui, avel andoa illo, thai kodea maril le manušes.#Iak. 3.6.
19Kă andoa illo anklen le gînduri le jungale, le mudarimata, le butkurvimata, le kurvimata, le čiorimata, le phendimata xoxamne, le kušlimata.#Gen. 6.5; 8.21. Pilde 6.14. Ier. 17.9. Marko 7.21.
20Dikta le butea kai marin le manušes; ta te xas le vastença bixalade či marin le manušes.”
E juwli e Kananeanka.
21O Isus, pala so teleardea oçal, gălo ande le riga le Tirohkă thai le Sidonohkă.#Marko 7.24.
22Thai dikta khă juwli kananeanka, avili anda le phuwea kodola, thai lea te çîpil pala Leste: „Avel tu mila mandar, Raia, šeau le Davidohko! Mîŕî šei sî but kăznime khă bengăstar.”
23O či deala anglal či khă divano. Thai le jene Lehkă pašile thai rudisarde Les butimasa: „De la drom, kă çîpil pala amende.”
24Phendimos čeačimasa, O phendea: „Me či sîm tradino numai kal bakrea xasarde le khărăhko andoa Israelo.”#Cap. 10.5, 6. Kărd. 3.25, 26; 13.46. Rom. 15.8.
25Ta oi avili, thai dea čeanga angla Leste, phendindoi: „Raia, kande ma!”
26Phendimos čeačimasa, O phendea: „Nai mišto te les o manŕo le šaorăngo, thai te šudes les kal jukăliça!”#Cap. 7.6. Filip. 3.2.
27„E, Raia”, phendea oi, „ta i le jukăliça xan le prušuka kai perăn tala e skafidi lengă stăpînosti.”
28Atunčeara o Isus phendea lakă: „O, juwlie, baro sî Teo pateaimos; kărdeol pe tukă pala sar kames.” Thai lati šei sastili orta ando čeaso kodoa.
O duito butimos le manŕăngo.
29O Isus teleardea anda le thana kodola, thai avilo paša e marea Galeliati. Ankăsto po baŕobaro, thai bešlo oče tele.#Cap. 4.18. Marko 7.31.
30Atunčeara avile Leste mai but noroade, avindoi lença, lang, koŕă, muçi, čiunji, thai but aver nasfale. Thodinele ka Lehkă pînŕă, thai O sasteardea le;#Cap. 11.5. Is. 35.5, 6. Luka 7.22.
31kadea kă le noroade mirinas pe, kana dikhline kă le muçi den duma, le čiunjii sastile, le lang phirăn thai le koŕă dikhăn; thai lăudinas le Devlles le Israelohkărăs.
32O Isus akhardea Pehkă jenen, thai phendea lengă: „Mangă mila anda e gloata kadea; kă dă trin des ajukrăn paša Mande, thai nai le so xan. Či kamau te dau le drom bokhale, ta na varesar te zalin bokhatar po drom.#Marko 8.1.
33Le jene phende Lehkă: „Katar te las anda e pustia kadea kaditi manŕo kaste čeailearas kaditi gloata?#2Thag. 4.43.
34„Sode manŕă sî tume?” pušlea le o Isus. „Efta,” dine Les anglal on, „thai xançî mašoŕă.”
35Atunčeara o Isus mothodea le norodohkă te ašen tele pe phuw.
36Lea le efta manŕă thai le mašoŕă, thai, pala so naisardea le Devllehkă, phaglea, thai dea le jenen, ta le jene xuladele le norodohkă.#Cap. 14.19. 1Sam. 9.13. Luka 22.19.
37Xaline saoră; thai čeailile; thai vazdinisai le efta košuri pherde ašimata thai prušuka.
38Kukola kai xalinesas sas štar mii murši, avri anda le juwlea thai le šaoŕă.
39Pala kodea o Isus dea drom le noroaden, ankăsto ando bero, thai nakhlo ande phuw la Magdalako.#Marko 8.10.
Currently Selected:
Matei 15: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
