Matei 11
11
1Pala so isprăvisardea dimahko le sîkaimata ka le dešudui jene Pehkă, o Isus teleardea oçal, kaste sîkavel le manušen, thai te delduma ande lengă četăçi. Le tradine le Ioan Bolditorehkă.
2O Ioan ašundea anda e robia pa le butea le Kristosohkă,#Cap. 14.3. Luka 7.18, 19, etc.
3thai tradea pehkă jenen te pušen Les: „Tu san Kodoa kai sî te avel or te ajukăras avrăs?”#Gen. 49.10. Num. 24.17. Dan. 9.24. Ioan 6.14.
4Čeačio phendimos, o Isus phendea lengă: „Jean thai phenen le Ioanohkă so ašunen thai so dikhăn:
5Le koŕă len pehko dihlimos, le lang phirăn, le leprošea ujearăn pe, le kašukă ašunen, le mulle ušten, thai le čioŕăngă delpe lengă duma e LašiVestea.#Is. 29.18; 35.4-6; 42.7; 61.1. Ps. 22.26. Luka 4.18. Ioan 2.23; 3.2; 5.36; 10.25, 38; 14.11. Iak. 2.5.
6Baxtalo kodolestar kai anda sao Me či avaua khă buti lopînzîmasti.”#Cap. 13.57; 24.10; 26.31. Is. 8.14, 15. Rom. 9.32, 33. 1Kor. 1.23; 2.14. Gal. 5.11. 1Pet. 2.8.
O phendimos le Isusohko poa Ioano.
7Kana jeanastar on, o Isus lea te delduma le norodengă poa Ioano: „So ankăstean te dikhăn ande pustia? Khă papura phurdini bravalleatar?#Luka 7.24. Efes. 4.14.
8Kana či, so ankăstean te dikhăn? Khă manuši xureado andel çaoale kovle? Dikta kă kukola kai phiraven çoale kovle sî ande le khăra le thagarengă.
9Atunčeara so ankăstean te dikhăn? Khă prooroko? E, phenau tumengă, thai i mai but dă sar khă prooroko;#Cap. 14.15; 21.26. Luka 1.76; 7.26.
10kă o sî kukoa kai phendea pe ramosardo pe pa leste:
„Dikta, tradau angla e faça Tiri, Mîŕă solos, kai lašarăla Tukă o drom angla Tute.”#Mal. 3.1. Marko 1.2. Luka 1.76; 7.27.
11Čeačimasa phenau tumengă kă, anda kukola kărdine anda e juvli, či ušti'lo či iekh mai baro sar o Ioan o Bolditori. Sakadea, kukoa o mai çîkno ando Thagarimos le čerurengo sî mai baro sar leste.
12Anda le des le Ioan Bolditorehkă ji akana, o Thagarimos le čerurengo lel pe iučîmasa, thai kukola kai den năvala, thon o vast pe leste.#Luka 16.16.
13Kă ji koa Ioan prooročisarde sa le prooročea i e Kris.#Mal. 4.6.
14Thai, kana kamen te atearăn, o sî o Ilia, kai trăbulas te avel.#Cap. 17.12. Mal. 4.5. Luka 1.17.
15Kas sî kan ašundimahkă, te ašunel.#Cap. 13.9. Luka 8.8. Sîk. 2.7, 11, 17, 29; 3.6, 13, 22.
16Kasa ameaua o neamo koadoa le manušengo? Ameazăl varesar šeaorănça, kai bešen andel pieçe, thai çîpin ka lengă manuši:#Luka 7.31.
17„Dilabaiem tumengă andoa fluiero, thai či khăldean; dilabaiem tumengă roimahko, thai na lean sama.”
18Kă avilo o Ioan, či xalindoi, či pilindoi, thai on phenen: „Sîles beng!”
19Avilo o Šeau le manušehko xalindoi thai pilindoi, thai on phenen: „Dikta khă manuši kai xal but thai kai pel moll, khă amal le vamešengo thai le bezexalengo!” Sakadea, o Xaraimos sas čečimatasa ande lakă butea.”#Cap. 9.10. Luka 7.35.
O xalimos le četăçengo bikăimena.
20Atunčeara o Isus lea te le te xalpe le četăçănça ande save sas kărdine le mai but minuni Lehkă, anda kă či kăisailesas.#Luka 10.13, etc.
21„Au dă tute Xorazine!”, phendea O. „Au dă tute Betsaido!” Kă, te avilino kărdine ande tute ando Tiro thai ando Sidono le minuni kai sas kărdine ande tumende, dămult sahkă aven kăime, ando gono thai ušar.#Ioan 3.7, 8.
22Anda kodea phenau tumengă, ando des la krisako, avela mai lesne andoa Tiro thai andoa Sidono dă sar anda tumende.#Vers. 24. Cap. 10.15.
23Thai tu Kapernaume, avesa vazdino kadea ji ando čeri? Avesa ulisto ji ando Than le Mullengo; kă te avilino kărdine ande Sodoma le minuni kai sas kărdine ande tute, oi saskă ašilino ande pînŕănde ji ando des dă adesara.#Is. 14.13. Roim. 2.1.
24Anda kodea, phenau tumengă, kă ando des la krisako, avela mai lesne anda e phuw la Sodomati dă sar anda tute.”#Cap. 10.15.
Le butea sîkade le gloatengă.
O jugo le Kristosohko.
25Ando čiro kodoa, o Isus lea o divano thai phendea: „Lăudi tu Daddna, Raia le čerehko thai la phuweako, anda kă garadean kadala butea le xaranendar thai le jeanglinendar, thai sîkadean le ăl gloatengă.#Cap. 16.17. Ps. 8.2. Luka 10.21. 1Kor. 1.19, 27; 2.8. 2Kor. 3.14.
26E, Daddna, lăudi Tu, anda kă kadea arakhlean Tu le dromesa!”
27Sa le butea sas Mangă dine ande le vast Mîŕă Daddestar; thai khonikh či prinjeanel sa le Šeaves, avri andoa Dadd; sa kadea khonikh či prinjeanel dă sa le Daddes, avri andoa Šeau, thai kukolehkă kai kamel o Šeau te sikavel pe Lehkă.#Cap. 28.18. Luka 10.22. Ioan 1.18; 3.35; 6.46; 10.15; 13.3; 17.2. 1Kor. 15.27.
28Aven Mande, saoră kai san ašade thai tinuime, thai Me daua tume xodinimos.
29Len o jugo Muŕo pe tumende, thai sîteon Mandar, kă Me sîm kovlo thai smerime le illesa; thai arakhăna xodinimos anda tumară sufletea.#Ier. 6.16. Zax. 9.9. Ioan 3.15. Filip. 2.5, 7, 8. 1Pet. 2.21. 1Ioan 2.6.
30Kă o jugo Muŕo sî lašo, thai o pharimos Muŕo sî lesne.#1Ioan 5.3.
Currently Selected:
Matei 11: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
