Matei 10
10
O tradimos kolengo dešudui apostolea.
1Pala kodea o Isus akhardea peste kolen le dešudui jenen Lehkă, thai dea le zor te ankalaven avri le duxuri le jungale, thai te sastearăn orsao nasfalimos thai orsavo binaštimos.#Marko 3.13, 14; 6.7. Luka 6.13; 9.1.
2Dikta o anau le dešudo apostolengo: O mai anglal, o Simon, phendino Petru, thai o Andrei, lehko phral; o Iakov, o šeau le Zebedeiohko, thai o Ioan, lehko phral;#Ioan 1.42.
3o Filip thai o Bartolomeo; o Toma thai o Matei, o vamešo; o Iakov, o šeau le Alfeohko, thai o Levi, phendino i Tadeo;
4O Simono Kananito, thai o Iuda o Iskarioteano, kukoa kai bitindea le Isusos.#Luka 6.15. Ioan 13.26. Kărd. 1.13.
5Kadala sî kukola le dešudui, kai tradea le o Isus pala so deale ăl sîkaimata kadala: Te na jean po drom le bipateaimatorengo, thai te na šon tume ande vo khă četatea le Samaritenendi;#Cap. 4.15. 2Thag. 17.24. Ioan 4.9, 20.
6ta te jean mai iekhatar ka le bakrea le xasardea le khărăhkă le Israelohkă.#Cap. 15.24. Is. 53.6. Ier. 50.6, 17. Ezec. 34.5, 16. Kărd. 13.46. 1Pet. 2.25.
7Thai po drom, denduma, thai phenen: „O Thagarimos le čerurengo sî paše!”#Cap. 3.2; 4.17. Luka 9.2; 10.9.
8Sastearăn le nasfalen, ušteaven le mullen, ujearăn le leprošen, ankalaven avri le bengăn. Bi lovengo lean, bi lovengo te den.#Kărd. 8.18, 20.
9Te na len či sumnakai, či rup, či xarkuma ande tumară brăčinarea,#1Sam. 9.7. Marko 6.8. Luka 9.3; 10.4; 22.35.
10či straiça andoa drom, či dui raxamea, či papučea, či rowli, kă vreniko sî o buteari anda pehko xamos.#Luka 10.7. 1Kor. 9.7, etc. 1Tim. 5.18.
11Ande orsavi četatea or gav kai šona tume, te roden te dikhăn kon sî oče vreniko te ašen leste ji kana telearăna.#Luka 10.8.
12Kana šon tume ando khăr, phenen lehkă dă mišto;
13thai kana sî o khăr kodoa vreniko, tumari pačea te avel pa leste, ta kana nai vreniko, e pačea tumari te amboldel pe tumende.#Ps. 35.13. Luka 10.5.
14Te na mekăla tume varekon, čina či ašunela le divanuri tumară, te anklen andoa khăr or anda e četatea kodea, thai te činon e poši pa tumară pînŕă.”#Neem. 5.13. Marko 6.11. Luka 9.5; 10.10, 11. Kărd. 13.51; 18.6.
15Čeačimasa phenau tumengă kă, ando des la krisako, avela mai lesne anda le phuwea la Sadomakă thai la Gomoreakă, sar anda e četatea kodea.#Cap. 11.22, 24.
O primimos le apostolengo la lumeatar.
16Dikta, Me tradau tume sar varesar bakrea ando maškar le ruwengo. Aven godeasa sar le sap, thai bi nasulimasa sar le gulubea.#Luka 10.3. Rom. 16.19. 1Kor. 14.20. Efes. 5.15. Filip. 2.15.
17Arakhăn tume le manušendar; kă dena tume ande kris le manušendi, thai marăna tume ande lengă khăngărea.#Cap. 24.9. Marko 13.9. Luka 12.11; 21.12. Kărd. 5.40.
18Anda Mîŕî doši, avena nigărde anglal manušbară thai angla le thagar, kaste kanden sar phendimos angla lende thai angla le Neamurea.#Kărd. 12.1; 24.10; 25.7, 23. 2Tim. 4.16.
19Ta, kana dena tume po vast lengo, te na grijorin tume, dindoi tume godi so phenena; kă so avela tume phendimahko, avela tumengă dino ando čeaso kodoa;#Exod. 4.12. Ier. 1.7. Marko 13.11-13. Luka 12.11; 21.14, 15.
20anda kă na tume dena duma, ta o Duxo le Daddehko tumarăhko dela duma ande tumende.#2Sam. 23.2. Kărd. 4.8; 6.10. 2Tim. 4.17.
21O phral dela koa mullimos pehkă phrales, thai o dadd pehkă šeaves; le šeave uštena pa pehkă dadda, thai mudarăna le.#Vers. 35, 36. Mika 6.7. Luka 21.16.
22Avena bididikhline saorăndar, anda e doši Mîŕă Anavesti; ta kon răbdila ji koa gor, avela skăpime.#Cap. 24.13. Dan. 12.12, 13. Marko 13.13. Luka 21.17.
23Kana našavena tume andakh četatea, te našen ande aver. Čeačimasa phenau tumengă kă či isprăvina te phirăn le četăçi le Israelohkă ji kana avela o Šeau le manušehko.#Cap. 2.13; 4.12; 12.15; 16.28. Kărd. 8.1; 9.25; 14.6.
24O jeno nai mai opră sar pehko sîkaitori, či e sluga mai opră sar pehko rai.#Luka 6.40. Ioan 13.16; 15.20.
25Arăsăl o jeno te avel sar pehko sîkaitori, e sluga te avel sar pehko rai. Kana le Stăpînos le khărăhko phende Lehkă Beelzebulo, sodença mai but phenena kadea, kolengă anda lehko khăr?#Cap. 12.24. Marko 3.22. Luka 11.15. Ioan 8.48, 52.
26Kadea kă na daran lendar. Kă nai khanči garado kai te na avel sîkado, thai khanči te na avel thodino rigate kai te na avel prinjando.#Marko 4.22. Luka 8.17; 12.2, 3.
27So phenau tumengă Me koa tuneriko, tume te phenen kai duda thai so ašunen phendindoi koa kan, te den duma pal khăra opral.
28Na daran kolendar kai mudarăn o stato, ta kai našti mudarăn o sufleto; daran mai iekhatar Kolestar kai dašti xasarăl o sufleto thai o stato ande iag le merimasti.#Is. 8.12, 13. Luka 12.4. 1Pet. 3.14.
29Či bitindeon kadea dui čirikleora pe khă lov? Sakadea, či iekh anda lende či perăla pe phuw bi te kamela o Dadd tumaro.
30Sode pa tumende, i le firea le ballengă andoa šero, sa sî tumengă dindine.#1Sam. 14.45. 2Sam. 14.11. Luka 21.18. Kărd. 27.34.
31Kadea kă te na daran; tume san mai kuči sar but čirikleora.
32Anda kodea, orkon phenela Ma angla le manuši, phenaua les i Me angla o Dadd Muro andal čerurea;#Luka 12.8. Rom. 10.9, 10. Sîk. 3.5.
33ta orkon šudela pe Mandar angla le manuši, šudaua Ma i Me lesatr angla Muro Dadd kai sî andel čerurea.#Marko 8.38. Luka 9.26. 2Tim. 2.12.
34Te na patean kă avilem te anau e pačea pe phuw; či avilem te anau e pačea, ta e sabia.#Luka 12.49, 51-53.
35Kă me avilem te ulavau le šeaves pehkă daddestar, la šeia pehka deiatar, thai la borea pehka sastreatar.#Mika 7.6.
36Thai o manuši avela les dušmano orta kukolen anda pehko khăr.#Ps. 41.9; 55.13. Mika 7.6. Ioan 13.18.
37Kodoa kai kamel pehkă daddes, or pehka deia, mai but sar Mande, nai vreniko Mandar; thai kon kamel mai but pehkă šeaves or pehka šeia, mai but sar Mande, nai vreniko Mandar.#Luka 14.26.
38Kodoa kai či lel pehko trušul, thai či avel pala Mande, nai vreniko anda Mande.#Cap. 16.24. Marko 8.34. Luka 9.23; 14.27.
39Kodoa kai garavel pesti čivava, xasarăla la, thai kon xasarăla pesti čivava, anda Mande, lelala.#Cap. 16.25. Luka 17.33. Ioan 12.25.
O primimos le jenengo.
40Kon primil tume tumen, Man primilma; thai kon primilma Man, primil Kukoles kai trdeama Man.#Cap. 18.5. Luka 9.48; 10.16. Ioan 12.44; 13.20. Gal. 4.14.
41Kon primil khă prooroko, andoa anau khă proorokohko, lela o potindimos khă proorokohko; thai kon primil khă manušes bibezexalo, ando anau khă manušehko bibezexalo, lela o potindimos khă manušehko bibezexalo.#1Thag. 17.10; 18.4. 2Thag. 4.8.
42Thai orkon dela pimahko khă taxtai paiesa šudro iekhăhkă anda kadala çînoră, ando anau khă jenehko, čeačimasa phenau tumengă kă či xasarăla pehko potindimos.”#Cap. 18.5, 6; 25.40. Marko 9.41. Evr. 6.10.
Currently Selected:
Matei 10: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
