Matei 9
9
O sastearimos khă šukăhko.
1O Isus ankăsto ande khă bero, nakhlo e marea, thai avilo ande Pesti četatea.#Cap. 4.13.
2Thai dikta kă andine Lehkă khă šuko, kai bešelas ando pato. O Isus dikhlea lengo pateaimos, thai phendea le šukăhkă: „Na avel tukă dar, šeaua! Te bezexa sî iertime!”#Cap. 8.10. Marko 2.3. Luka 5.18.
3Thai dikta kă, iekh anda le zakonarea phendine ande peste: „O manuši kadoa prasal!”
4O Isus, kai prinjeanelas lengă gîndurea, phendea: „Anda soste sî tume kadea godimata jungale ande tumară ille?#Cap. 12.25. Ps. 139.2. Marko 12.15. Luka 5.22; 6.8; 9.47; 11.17.
5Kă so sî mai lesne? Te phenes: „Iertime sî te bezexa”, or te phenes: „Ušti thai phir?”
6Ta, kaste jeanen kă o Šeau le manušehko sî les zor pe phuw te iertil le bezexa, – „Ušti” phendea O le šukăhkă „vazde teo pato, thai jea tukă khără.”
7O šuko ušti'lo, thai gălo khără.
8Kana dikhline le noroade e buti kadea, daraile, thai dine slava le Devlles, kai dea le manušengă khă kadalatar zor.
O akharimos le Mateiohko.
9Dă oçal, o Isus gălo mai angle, thai dikhlea khă manušes, kai bušolas Matei, bešlindoi kai vama. Thai phendea lehkă: „Av pala Mande.” O manuši kodoa ušti'lo, thai gălo pala Leste.#Marko 2.14. Luka 5.27.
10Sar bešelas o Isus kai skafidi, ando khăr, dikta kă aviline but vamešea thai bezexale, thai bešline kai skafidi Lesa thai Lehkă jenença.#Marko 2.15, etc. Luka 5.29, etc.
11Le Fariseia dikhline e buti kadea, thai phendine Lehkă jenengă: „Sostar xal o Sikaitori tumaro le vamešença thai le bezexalença?”#Cap. 11.19. Luka 5.30; 15.2. Gal. 2.15.
12O Isus ašundea le, thai phendea lengă: „Na kukola le sasteveste trăbule doftotoro, ta le nasfalen.
13Jean ta sîteon so ameal: „Mila kamau, ta na jertfa!” Kă či avilem te akharau koa kăimos le bibezexalen, ta kolen le bezexalen.”#Cap. 12.7. Osea 6.6. Mika 6.6-8. 1Tim. 1.15.
O pušlimos le jenengo le Ioanohko poa posto.
14Atunčeara le jene le Ioanohkă aviline koa Isus, thai phendine Lehkă: „Sostar ame thai le Fariseia postisaras deso, ta le jene Tiră či postin dăfel?”#Marko 2.18, etc. Luka 5.33, etc.; 18.12.
15O Isus dea le anglal: „Dašti te roven le nuntašea sode čiro o tărno sî lença? Avena le des, kana o tărno avela lino lendar, thai atunčeara postina.#Ioan 3.29. Kărd. 13.2, 3; 14.23. 1Kor. 7.5.
16Khonikh či thol khă kotor neo ka khă raxami purai; anda kă saskă lel o pherdimos anda e raxami, thai o šindimos sahkă avel mai baro.
17Čina či thon le manuši moll nevi ande le burdufurea purane, kadeadar, le burdufuri plexnin, thai moll šordeol, thai le burdufuri čioŕaon; ta e moll e nevi thon la andel burdfufuri le neve, thai nikărdeon lidui.”
O ušteaimos la šeiorako le Iairosti thai o sastimos kha juvleako.
18Kana phenenas lengă o Isus kadala divanuri, avilo iekh anda le bară la khăngăreakă, bandilo angla Leste, thai phendea Lehkă: „Mîŕî šeiori akana mulli; ta av thai tho Te vast pa late, thai uštela.”#Marko 5.22, etc. Luka 8.41, etc.
19O Isus ušti'lo, thai teleardea pala leste andekhthan Pehkă jenença.
20Thai dikta kă ăkh juvli kai sas la dă dešudui bărši khă thavdimos ratehko, avili palal, thai azbadea e podi Lehka raxameati.#Marko 5.25. Luka 8.43.
21Kă oi phenelas pehkă: „Numai te thoau o vast te azbau numai Lesti raxami, thai sastiuvaua.”
22O Isus, amboldea Pe, dikhlea la, thai phendea lakă: „Na aveltukă dar, šeie! O pateamos tiro sasteardea tu.” Thai sastili e juvli kodea orta ande kodoa čeaso.#Luka 7.50; 8.48; 17.19; 18.42.
23Kana arăslo o Isus ando khăr le barăhko la khăngăreako, thai kana dikhlea kolen kai dilabanas andoa fluiero, thai but gloata roindoi,#Marko 5.38. Luka 8.51. 2Kron. 35.25.
24phendea lengă: „Den tume rigate, e šourî či mulli, ta sovel!” On mardine pehkă khălimos Lestar.#Kărd. 20.10.
25Ta, pala so sas ankalade le manuši avri, o Isus, šutea pe andră, lea la šeiora vastestar, thai šeiori uštili.
26Găli e vestea pa kadea minunea pe sai phuw kodea.
O sastimos duie koŕăngo.
27Kana teleardea oçal, line pe pala o Isus dui koŕă, kai çîpinas thai phenenas: „Avel tu mila amendar, Šeau le Davidohko!”#Cap. 15.22; 20.30, 31. Marko 10.47, 48. Luka 18.38, 39.
28Pala so šutea pe ando khăr, le koŕă avile Leste. Thai o Isus phendea lengă: „Patean kă dašti kărau e buti kadea?” „E, Raia”, dine Les anglal on.
29Atunčeara azbadea lengă iakha, thai phendea: „Kărdeola pe tumengă pala tumaro pateaimos!”
30Thai pîtărdile lengă iakha. O Isus mothodea lengă anda sapeste thai phendea lengă: „Dikhăn, te na jeanel khonikh.”#Cap. 8.4; 12.16; 17.9. Luka 5.14.
31Ta on, sar ankăste avri, nigărdine e vestea pa Leste pe sai phuw kodea.#Marko 7.36. O sastearimos khă mutohko bengailo.
32Kana jeanastar le koŕă kodola dikta kă andine koa Isus khă muto bengailo.#Cap. 12.22. Luka 11.14.
33Pala so sas ankalado o beng andoa muto, o muto dea duma.Thai le noroade, mirime, phenenas: „Čiăkhdata či mai dikhlea pe kadea vareso ando Israelo!”
34Ta le fariseia phenenas: „Le kandimasa le raiehko le bengăngo ankalavel O le beng!”#Cap. 12.24. Marko 3.22. Luka 11.15.
O Isus sî Lehkă mila andal gloate.
35O Isus phirălas sal četăçi thai le gava, sîkaindoi le norodos andel khăngărea, phenelas E LašiVestea le Thagarimasti, sastearindoi sako nasfalimos thai orsavo bidaštimos, kai sas ando norodo.#Cap. 4.23. Marko 6.6. Luka 13.22.
36Kana dikhlea le gloate, kărdilea Lehkă mila lendar, anda kă sas kăsnime thai phaŕadine, sar le bakrea kai nai le bakreari.#Num. 27.17. 1Thag. 22.17. Ezec. 34.5. Zax. 10.2. Marko 6.34.
37Atunčeara phendea Pehkă jenengă: „Baro sî o tidimos, ta xançî sî le butitorea!#Luka 10.2. Ioan 4.35.
38Rudin le Raies le tidimahko te ankalavel butitorea ka Pehko tidimos.”#2Tes. 3.1.
Currently Selected:
Matei 9: KALD2020
Highlight
Share
Copy
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
