Ioel 3
3
1Kă dikta kă andel des kodola thai andel čiruri kodola, kana anaua parpale le astarden le mardimahkărăn le Iudahkărăn thai le Ierusalimohkărăn,#Ier. 30.3. Ezec. 38.14.
2tidaua sal neamuren, thai ulearaua le ande xar le Iosofatosti. Oče, krisîniua Ma lença, anda Muŕo poporo, andoa Israelo, o mandimos Muŕo, kai phaŕadine les maškar le neamuri, xulaindoi maškar lende o čem Muŕo.#Vers. 12. 2Kron. 20.26. Is. 66.16. Ezec. 38.22. Zax. 14.2, 3, 4.
3Çîrdine kai bax andoa poporo Muŕo, dine khă tărnăhar pekh kurva, thai bitindine la šeia pe molleate, thai pilela.#Obad.11. Nax. 3.10.
4So kamen tume Mança, Tirona thai Sidonona, thai sa le nikărdimata le Filisteainengă? Kamen te potinen Mangă vokh kărdimos, sau kamen te kărăn vareso pa Mande? Iekhatar, bi ajukărimahko, amboldaua le kărimata tumară poa šero tumaro.#Ezec. 25.15, 16, 17. Amos 1.6, 9.
5Lean Muŕo rup thai Muŕo sumnakai, thai kola le mai le mai kučimata Mîŕă, thai nigărdean le andel templuri tumară.
6Bitindean le šaven le Iudahkă thai le Ierusalimohkă le šavengă le Grečengă, kaste durearăn le anda lengo čem.
7Dikta kă ankalavau le anda o than anda sao bitindean le, thai amboldaua o kărimos tumaro pa tumaro šero.#Is. 43.5, 6; 49.12. Ier. 23.8.
8Bitinaua le šavengă le Iudahkă le šaven thai le šeian tumară, thai on bitinena le ăl Sabeeniengă, khă neamo dureardo; kă o Rai deaduma.#Ier. 6.20.
9Vesdtisarăn kadala butea maškar le neamurea: lašarăn o mardimos! Ušteaven le zurallen! Te pašon thai te anklen sa le manuši le mardimahkă!#Is. 8.9, 10. Ier. 46.3, 4. Ezec. 38.7.
10Le sastrea tumară plugurengă paruven le andel săbii, thai le kosoare andel suliçî! Kukoa o šuko te phenel: „Sîm zurallo!”#Is. 2.4. Mika 4.3. Zax. 12.8.
11Iuçîn tume te aven, sa le neamuri dă rigatar, thai tiden tume! Oče, ulear, Raia, Te zurallen!#Vers. 2. Ps. 103.20. Is. 13.3.
12Te ušten le neamuri, thai te anklen ande xar le Iosafatosti! Kă oče bešeaua te krisîni sal neamuren dă rigatar.#Vers. 2. Ps. 96.13; 98.9; 110.6. Is. 2.4; 3.13. Mika 4.3.
13Thon o vast pel săčere, kă o tidearimos sî pako! Aven thai ušteaven le pînŕănça, kă le thodimata sî pherde, thai le šindearimata den pa lende! Kă baro sî lengo nasulimos!#Is. 63.3. Ier. 51.33. Roim. 1.15. Osea 6.11. Mat. 13.39. Sîk. 14.15, 18-20.
14Aven gomile-gomile ande xar le krisînimasti, kă o des le Raiehko sî paše, ande xar le krisînimasti.#Vers. 2. Cap. 2.1.
15O kham thai o šonuto kaleon, thai le čeraia xasarăn pehko străfeaimos.#Cap. 2.10, 31.
16O Rai xunxuil ando Siono, o mui Lehko ašundeol ando Ierusalimo, ta isdran le čeruri thai phuw. Ta o Rai sî o skăpimos Pehkă poporohko, thai o arakhaimos le šavengo le Israelohkărăngo.#Cap. 2.11. Is. 51.5, 6. Ier. 25.30. Amos 1.2. Xag. 2.6.
17Thai jeanena kă Me sîm o Rai, o Dell tumaro, kai bešel ando Siono, o baŕbaro Muŕo kukoa o sfînto. Ta o Ierusalimo avela sfînto, thai či mai nakhăna le străinea anda leste.#Cap. 2.27. Dan. 11.45. Obad.16. Zax. 8.3. Is. 35.8; 52.1. Nax. 1.15. Zax. 14.21. Sîk. 21.27.
18Ando čiro kodoa, pitearăla musto andal baŕlebară, thai thavdela thud andal pleaia, sa le paiora le Iudahkă avena pherde pai. Khă isvoroanklela sakadea andoa khăr le Raiehko, thai tindearăla e xar e Sitim.#Num. 25.1. Ps. 46.4. Is. 30.25. Ezec. 47.1. Amos 9.13. Zax. 14.8. Sîk. 22.1.
19O Ejipto arăsăla khă pustio, o Edomo arăsăla khă pustio sterpo, anda e doši le meklimastitelal kărdini pal šave le Iudahkă, savengo rat bidošalo šordine les ande lengo čem.#Is. 19.1, etc. Ier. 49.17. Ezec. 25.12, 13. Amos 1.11. Obad.10.
20Ta o Iuda avela vešniko bešlino, thai o Ierusalimo neamo neamoste.#Amos 9.15.
21Amboladaua lengo rat kai či amboldem les dăsar, ta o Rai bešela ando Siono.#Vers. 17. Is. 4.4. Ezec. 48.35. Sîk. 21.3.
Currently Selected:
Ioel 3: KALD2020
Highlight
Copy
Compare
Share
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
