Osea 5
5
1Ašunen e buti kadea, rašalelor! Le godi, khăr le Israelohko! Thai bandear o kan, khăr le thagarehko! Kă tumen daravel tume e kris, anda kă sanas khă astardimos ande Miçipa, thai khă phall tinzome po Taboro!
2Le bipateamne tason ande bikris, ta avela ma Man došalimata anda sa!#Is. 29.15.
3Prinjeanau Me dăsar le Efraimos, thai o Israelo nai Mangă garado; jeanau kă tu, Efraimona, kurvisardean, thai kă o Israelo marisai'lo.#Cap. 4.17. Ezec. 23.5, etc. Amos 3.2.
4Lengă kărdimata či mekăn'le te ambolden pe ka lengo Dell, kă sîle khă duxo kurvimahko kai sî ande lengo illo, thai či prinjeanen le Raies!#Cap. 4.12.
5Ta o barimos le Israelohko avela dikhlitorii pa leste, thai o Israelo thai o Efraimo perăna ande lendi bikris, thai o Iuda perăla i o lença.#Cap. 7.10.
6Jeana le bakreança thai lengă guruwença te roden le Raies, ta či arakhăna Les či dăsar: kă duri'lo anda lengo maškar.#Pilde 1.28. Is. 1.15. Ier. 11.11. Ezec. 8.18. Mika 3.4. Ioan 7.34.
7Sas bipateamne le Raiehkă, kă kărdine šave anda e kurvia; akana nakhavela le khă šon nevo lengă bravalimatănça.#Cap. 6.7. Is. 48.8. Ier. 3.20; 5.11. Mal. 2.11. Zax. 11.8.
8Bašaven andai šing ande Ghibea, bašaven andai turlinka ande Rama! Çîpisarăn ando Bet-Aven! Dikta le pala tute, beneaminona!#Cap. 8.1. Ioel 2.1.#Cap. 4.15; 8.1. Ios. 7.2. Kris. 5.14. Is. 10.30.
9O Efraimo avela pustiime ando des le došalimahko: so phenau Me pai semençia le Israelosti, avela biathaimahko!
10Le šerălebară le Iudahkă sî sar kola kai mutisarăn o sămno katal phuwea; sar o pai šoraua Mîŕî xolli pa lende!#Deut. 19.14; 27.17.
11O Efraimo sî meklinotele, linčeardo ande kris, kă phirdea pala le sîkadimata kai čeaileonas les.#Deut. 28.33. 1Thag. 12.28. Mika 6.16.
12Avaua sar khă molima andoa Efraimo, sar khă ternimos (le danddengo) andoa khăr le Iudahko.#Pilde 12.4.
13Kana dikhăla o Efraimo pehko nasfalimos, thai o Iuda le šindimata, o Efraimo prastel ande Asiria, thai tradel le thagares le Iarebos, barem kă o thagar kadoa naštisarăl čidăsar te kărăl tume sasteveste, čina te sasteraăl tumară šindimata.#Cap. 7.11; 10.6; 12.1. 2Thag. 16.19. Ier. 30.12.
14Avaua sar khă leo andoa Efraimo, thai sar khă puio leohko andoa khăr le Iudahko; Me, e, Me phaŕavaua, thai palakodea telearaua, laua, thai khonikh či čiorăla Muŕo limos.#Cap. 13.7, 8. Ps. 50.22. Roim. 3.10.
15Telearaua, amboldaua Ma ande Muŕo bešlimos, ji kana phendeona kă sî došale thai rodena Muŕo Mui. Kana avena ando tino, prastena Mande.#Lev. 26.40, 41. Ps. 78.34. Ier. 29.12, 13. Ezec. 6.9; 20.43; 36.31.
Currently Selected:
Osea 5: KALD2020
Highlight
Copy
Compare
Share
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
