Osea 6
6
1„Aven, te amboldas ame koa Rai! Kă O phaŕadeame, ta sa O sasterăla ame; O maladea ame, ta sa O phandela amară šindimata.#Cap. 5.14. Deut. 32.39. 1Sam. 2.6. Iov 5.18. Ier. 30.17.
2O dela ame pale e čivava ande dui des; o trito des ušteavela ame, thai traisarasa angla Leste.#1Kor. 15.4.
3Te prinjeanas, te rodas te prinjeanas le Raies! Kă O dičiol pe sar le zorea le droboimahkă, thai avela amende sar khă brîšind, sar o brîšind le anglamillaiehko, kai tindearăl e phuw!”#2Sam. 23.4. Iov 29.23. Ps. 72.6. Is. 54.13.
4So te kărau tukă, Efraime? So te kărau tukă, Iudo? E dar le Devllesti tumari sî sar o noro le droboimahko, thai sar e iasflečeresti kai nakhăl iekhatar.#Cap. 11.8; 13.3.
5Andakodea bičiuisaraua le andal prooročea, mudaraua le andal divanuri Mîŕă mohkă, thai le krisa Mîŕă străfeana sar e lumina!#Ier. 1.10; 5.14; 23.29. Evr. 4.12.
6Kă lašimos kamau, na jertfe, thai prinjeandimos le Devllestar mai but, dăsar phabarimata dă sa!#1Sam. 15.22. Ps. 50.8, 9. Pilde 21.3. Is. 1.11. Ier. 22.16. Ecl. 5.1. Mika 6.8. Mat. 9.13; 12.7. Ioan 17.3.
7Ta on ušteadine o phanglimos, sar orsao manuši kai sî; thai nas Mangă pateamne atunčea.#Cap. 5.7; 8.1.
8O Galaado sî khă četatea le bikrisînalendi, pherdi andal urme le ratehkă!#Cap. 12.11.
9O kîrdo le rašango sî sar khă kîrdo le čiorăngo, kai bešen koa arakhaimos, kărindoi mudardimata po drom le Sixemohko; e, den pe kal bibaxtalimata.#Cap. 5.1, 2. Ier. 11.9. Ezec. 22.25.
10Ando khăr le Israelohko dikhlem butea daraimahkă: oče o Efraimo kurvăril, o Israelo maril pe.#Cap. 4.12, 13, 17. Ier. 5.30.
11Thai tukă, Iuda, sî tukă lašardino khă sečerišo, kana anaua parpale le roben le mardimahkărăn Mîŕă poporohkă!#Ps. 126.1. Ier. 51.33. Ioel 3.13. Sîk. 14.15.
Currently Selected:
Osea 6: KALD2020
Highlight
Copy
Compare
Share
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
