Osea 4
4
E bikris le Isaraelosti thai le Iudasti.Xamata thai šinaimata.
1Ašunen o Divano le Raiehko, šave le Israelohkă! Kă o Rai sîles ăkh kris le bešlitorença le čemehkărăsa, anda kă nai čeačimos, nai iertimos, nai prinjeandimos le Devllestar ando čem.#Cap. 12.2. Is. 1.18; 3.13, 14. Ier. 4.22; 5.4; 25.31. Mika 6.2.
2Orsao solaxal bangăs thai xoxavel, mudarăl, čiorăl, thai but kurvăril; kărălcoŕîmata thai kărăl mudarimata pala mudarimata.
3Anda kodea, o čem rovela, sa kola kai bešen ande leste bilaona, andekhthan le jiwinença le kîmpohkărănça thai le čirikleança le čerehkărăsa; orta i le maše la mareakă xasaona.#Ier. 4.28; 12.4. Amos 5.16; 8.8. Çef. 1.3.
4Ta khonikh te na xalpe avrăsa, khonikh te na delduma avrăhkă, kă o poporo tiro sî sar kola kai xanpe le rašança.#Deut. 17.12.
5Lopînzîsa tu desă, o prooroko lopînzîla pe i o andekhthan tusa reate, thai tea deia xasaraua la.#Ier. 6.4, 5; 15.8.
6O poporo Muŕo xasaol anda kă nai les prinjeandimos. Anda kă šudean o prinjeandimos, i Me šudaua tu, thai či mai avesa Mangă rašai. Anda kă bîstărdean e Kris te Devllesti, bîstraua i Me te šaven!#Is. 5.13.
7Sodença butile, kaditi bezexarde pa Mande. Anda kodea paruvaua lendi slava ando prasaimos.#Cap. 13.6. 1Sam. 2.30. Mal. 2.9. Filip. 3.19.
8On xan anda le jertfe anda le bezexa Mîŕă poporoghkă, thai sî xarvalea anda lehkă bikrisa.
9Ta i le rašahkă kărdeola lehkă sar i le poporohkă; došavaua les pala lehkă phirimata, thai potinaua les pala lehkă kărdimata.#Is. 24.2. Ier. 5.31.
10Xana thai či mai čeaileona, kurvina thai sa či mai buteona, andakă mekline le Raies thai Lehkă mothodimata.#Lev. 26.26. Mika 6.14. Xag. 1.6.
11E kurvia, e moll thai o musto len e godi le manušesti.#Ecl. 7.7. Is. 28.7.
12O poporo Muŕo pušel pehkă kaštes, thai e rowli lesti prooročil lehkă; kă o duxo la kurviako nigrăle ando xasarimos, thai sî bipateamne lengă Devllehkă.#Cap. 4.5. Is. 44.20. Ier. 2.27. Xab. 2.19.
13Anen jertfe pel gora le barerbaŕăngă, phabarăn tămîia pel pleaia, tala le stejarea, plopurea thai terebinçea, savendi ušal sî čeaili. Anda kodea, le šeia tumară kurvin, thai le borea tumară sî but kurve.#Is. 1.29; 57.5, 7. Ezec. 6.13; 20.28. Amos 7.17. Rom. 1.28.
14Naši došarau tumară šeian kă sî kurve, či le borean tumarean kă sî but kurve, kă on orta jean andekh rig varesar kurvença, thai jertfin andekhthan le pîngărimenença andal temple. O poporo bi godeako prastel karing o xasarimos.#Vers. 1, 6.
15Kana tu kurvis, Israelona, barem o Iuda te na kărdeol dušalo. Na jean barem ando Ghilgalo, na anklen ando Bet-Aven, thai na solaxan phendindoi: „Juwindo sî o Rai!”#Cap. 9.15; 10.5; 12.11. 1Thag. 12.29. Amos 4.4; 5.5; 8.14. Çef. 1.5.
16Anda kă o Israelo marăl andal pînŕă sar khă grasneoră bisîkadi; thai te mai nigrăleskaičear o Rai akana sar khă bakrišorăs andel islazuri tinzome!#Ier. 3.6; 7.24; 8.5. Zax. 7.11.
17O Efraimo astardi'lo le idolendar. Mekăn les ande pačea!#Mat. 15.14.
18Daba atărdi'le te pen, thai den pe koa kurvimos; le traditorea lengă sî xarvalea, e, sî xarvalea pala o lajaimos!#Mika 3.11; 7.3.
19E bravall tidela le lakă phakănça, thai avena dine lajawehkă lengă altarença!#Is. 1.29. Ier. 2.26. Ier. 4.11, 12; 51.1.
Currently Selected:
Osea 4: KALD2020
Highlight
Copy
Compare
Share
Want to have your highlights saved across all your devices? Sign up or sign in
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
